الموضوع: اثنين حينفصلوا او بمعني اوضح حيطلقوا بسبب.......

المشاركة الأصلية كتبت بواسطة nonetta

الاهل بيقولوا الكلام دة لبنتهم عشان متدلعة ومش بتعمل حاجة في بيت اهلها خالص
وكل ام بتبقى متصورة ان بنتها المفروض تبدأ حياتها زي ما هيا انتهت اليه
وبتبقى متخيلة انها مش هتعرف تشيل بيت ولا مسئولية
ودة بيبقى غلطة الام اللي ما شركتش بنتها معاها في مسئولية البيت على اعتبار انها صغيرة وبكرة تشيل الهم
بنسبة 90% حتى لو البنت مش بتعرف تسلق بيضة
الحياة بتعلمها.. غصب عنها
هيا بتقول لك الكلمتين دول عشان تدلعها وتريحها وتعرفك انها اد ايه مرتاحة في بيت اهلها
مش قصدها انها تنقل كلام
هيا نقلت لك الكلام اللي فيه رسالة عاوزة توصلهالك

وللاسف فهمها على ادها
بتعتقد ان الشاب بيحب البنت الرقيقة البسكوتاية
ودي حقيقة لكن واقع الحياة بيغير كل دة

لما تقول لك كلمتين زي دول تاني
تعرفها ان كل البنات بيبقوا كدة وبيتعلموا حبة حبة

وما تتوقفش عند الموضوع كتير
وما تعيرهوش اهمية

بس يكون هيا عندها الرغبة في التعلم
وحتى لو معندهاش الرغبة
بردو غصب عنها هتتعلم

واحب اطمنك
صديقة ليا
مكانتش بتعرف البسلة من الفاصوليا من القلقاس
والله العظيم بجد
ودلوقتي ماشاء الله فوق الممتازة وعزايم على اعلى مستوى
واولادها ماشاء الله ادب وتفوق
وبيتها قمة في الجمال والنظام
ما تقلقش

لاء مهي مش هتقولهم تاني
انا بس كلامك فكرني بالذي مضي قلت مسأل يمكن افهم حاجه من تجربه قديمه
انا بس ليه رجاء من كل اهل بنت مخطوبه كانت في حالتي او متجوزة كما حال صاحب الموضوع
للصبر حدود

المشاركة الأصلية كتبت بواسطة أحمد كمال

ممكن اتحشر و اجاوب

الاجابة

1- لو بتحبها و سكران بحبها ....... لا يا حبيبتي ايه الكلام الفاضي ده بكرة تتعودي و بعدين ما يهمكيش انا تحت امرك هاساعدك ممكن نطلب دليفري نبعت الهدوم للتنضيف ايه يعني

قلنا البقين دول

2- لو جواز بالعقل او انت عاقل ........ تصدقي عندهم حق ..... ابعت الحاج امتى ياخد الشبكة ؟

لا و الله منتا قايم يا حاج انا رحت اخدتها بنفسي

بس بيني و بينكم فترة الخطوبة دي مهمة جدا و نصيحة محدش يزعل علي اي حاجه ممكن تحصل لانك بتكسب نفسك في الاخر

المشاركة الأصلية كتبت بواسطة nonetta

اقول لك على نقطة بسيطة
البنت اول ما بتتجوز بتبقى لسة مرتبطة اوي بأهلها وببيتها اللي عاشت واتربت فيه
وبتبقى محتفظة بحاجتها اللي كانت بتستعملها فيه
وبترتاح اكتر في السرير بتاعها في بيت باباها
وكمان اتعودت انها تشور مامتها وباباها في كل شئ وترجع لهم في كل الامور
وكمان حسب ارتباطها بامها وصحوبيتها ليها

انا اول ما اتجوزت كنت باحكي بعض حاجات لمامتي لكن طبعا مش كله لاني كدة كدة مكنتش باحكيلها حاجة قبل ما اتجوز
لكن لاحظت ان ممكن يتحاملو على زوجي ويبقوا زعلانين منه عشان زعلني
وانا بابقى بين نارين مش عاوزة ازعل جوزي ومش عاوزة ازعل اهلي
فكنت باطحن في النص عشان اصحح وجهات النظر
كنت ادافع عنه ادامهم والدتي تقول لي ما تدافعيش عنه
ادافع عنهم ادامه هوة يقول لي بتفضلي اهلك عليا
لان والدتي عاطفية جدا وطبعا هتنحاز لبنتها
عكس بابايا .. واقعي وكان بيغلطني لو كنت غلطانة

حابة افهمك ان الدنيا علمتني

بس
بعدها اخدت عهد على نفسي ما احكيش حاجة نهائيا
لحد الان
حتى لو زعلنا ولو حصل ايه
احط همي في نفسي
وباذن الله مكانش بيستمر ولا بيوسع

زوجتك بأذن الله الدنيا هتعملها وبعد كدة حبة حبة هتحس ان مالهاش الا جوزها وبيتها واولادها
امها وابوها تبرهم بس مالهمش دعوة بحياتها
وهتلاقيها من نفسها ما تقدرش تبات برة بيتها ابدا
دي سنة الحياة
صبر جميل
عارف ايه اللي دايما بيكبر المشاكل
لما الاتنين محدش فيهم بيتنازل عشان التاني
لكن لو كل واحد يتنازل مرة
المركب هتمشي

حاول معاها تاني بالتليفون واختار وقت يكون بالليل اوي مثلا وهما نايمين
عشان ما يبقاش في تاثير من حد عليها
تبعت لها رسالتين حلوين تفكرها بحاجة كويسة بينكو اوذكرى حلوة
بعيد عن العند
وبلاش عتاب في اي كلام

يمكن ربنا يهديها وتلين
وتبقى دي اخر محطة
تسيبها بعدها لضميرها
لحد ما ترجع لعقلها

وتبقى انت عملت اكتر من اللي عليك
اسفة اني طولت عليك

علي فكرة انتي كدة حيرتيني جدا انا كنت قررت ان خلاص حسيبها ومش حتكلم خالص لحد ما ترجع هيا لعقلها وتحس ببيتها
لكن دلوقتي بتقوليلي اتكلم معاها بالتليفون والخطوة دي فيها عيبوب كتير
اولا ممكن اتكلم ومتردش عليا اصلا وتتقل وبالتالي كدة انا حتضايق جدااااااااا وممكن اخد موقف او قرار غلط.
ثانيا ممكن تخاف انها ترد عليا اصلا ودة لان اهلها مثلا يكونوا قالوا ليها اوعي تردي علية نهائي لو كلمك لحد ما يجي عندنا هنا ذي ما احنا عاوزيين
ثالثا ممكن ترد عليا وتكلمني بطريقة مش لطيفة خاااالص وبالتالي انا حيكون ردي عنيييييف جدا
رابعا انا كنت كلمتها وقلت ليها ارجعي واثناء الخصام بعت ليها رسائل حلوة ذي ما قلتي وقلت ليها ارجعي بيتك واحنا حنحل مشاكلنا ,,,,,تقولي مقدرش انا ليا اهل لازم تاخدني من عندهم فاقولها انتي مراتي ورايحة بيتك وبيت جوزك هو انتي نازله مع خطيبك برضو مفيش فايدة
خامسا انا شديت في الكلام جامد مع اختها الكبيرة وبالتالي اهلها زعلانين جدا ,,, ولو رجعت البيت يبقي هي كدة نصرتني علي اهلها ومخلتنيش اروح البيت وبالتالي اهلها حيزعلوا منها جدا وممكن يقولوا ليها احنا مش حندخلك في حاجة تاني وهي استحالة تزعلهم عشاني
سادسا هيا دلوقتي بتتخدم خدمة خمس نجوم ورجعت للدلع من تاني فطبعا استحالة تفكر انها ترجع البيت وحيكون عليها مسؤلية اكبر من الاول نتيجة للكلام اللي اتقال عنها وتقصرها وكدة وخصوصا انها حامل ومدلعة ومش حاسة بريحة المسئولية عندهم في البيت دلوقتي.
سابعا اهلها لما بتمشي من عندهم بيكونوا مضايقيين اوي وبيكون عندهم احساس بالفراغ رهيب لانهم اتعودوا انها تكون موجودة وعاملة ليهم حس في البيت,,, حتي مرة والدتها طلبت مني في تاني شهر من الحمل انها تقعد فترة الحمل كلها عندهم وكان طلب عادي من غير ما يكون بينا اي خلاف
ثامنا هما بيخافوا عليها خوف مرضي ومش بيكونوا مطمنين غير وهي معاهم لدرجة ان مرة ضغطها كان 140 / 90 في اول الحمل (رغم انة اساسا طبيعي جدا ولا تعاني من اي ضغط ) فقلت ليها دة يعتبر اعلي معدلات الطبيعي مش مشكلة ولما قالت لاهلها كانوا قلقانين واتصلت وسالت الدكتور قال لي عادي جدااااا دة ذي ما قلت ليها ولا يهمك دة مش ضغط تلقيها تعبانة شوية ولا حاجة متحتش في بالك وطبعا لما قلت ليها كدة مقتنعتش وقالت ليا دة دكتور بطيخ فروحت سالت 3 اطباء اخرين وكلهم اساتذة في النساء والتوليد برضو مقتنعتش بكلامهم ولا حتي اهلها اقتنعوا وراحوا لدكتور يعرفوة وروحت معاهم وقاسة وطلع طبيعي جدا 120 / 80


علشان كدة لو انا كلمتها وقولت ليها ارجعي تاني حتفسرها ان دة ضعف مني وانا مش قادر استحمل وحتحس انها انتصرت وحتصر اكتر واكتر اني اروح عندهم والا مش راجعة

لان انا كنت كلمتها قبل كدة وكان دة موقفها لانها لاسف اهلها هما سيد القرار.

هو الموضوع اتقفل ولا اية المشاركات اللي بكتبها مش بتظهر لية؟؟؟؟؟

المشاركة الأصلية كتبت بواسطة nonetta

اقول لك على نقطة بسيطة
البنت اول ما بتتجوز بتبقى لسة مرتبطة اوي بأهلها وببيتها اللي عاشت واتربت فيه
وبتبقى محتفظة بحاجتها اللي كانت بتستعملها فيه
وبترتاح اكتر في السرير بتاعها في بيت باباها
وكمان اتعودت انها تشور مامتها وباباها في كل شئ وترجع لهم في كل الامور
وكمان حسب ارتباطها بامها وصحوبيتها ليها

انا اول ما اتجوزت كنت باحكي بعض حاجات لمامتي لكن طبعا مش كله لاني كدة كدة مكنتش باحكيلها حاجة قبل ما اتجوز
لكن لاحظت ان ممكن يتحاملو على زوجي ويبقوا زعلانين منه عشان زعلني
وانا بابقى بين نارين مش عاوزة ازعل جوزي ومش عاوزة ازعل اهلي
فكنت باطحن في النص عشان اصحح وجهات النظر
كنت ادافع عنه ادامهم والدتي تقول لي ما تدافعيش عنه
ادافع عنهم ادامه هوة يقول لي بتفضلي اهلك عليا
لان والدتي عاطفية جدا وطبعا هتنحاز لبنتها
عكس بابايا .. واقعي وكان بيغلطني لو كنت غلطانة

حابة افهمك ان الدنيا علمتني

بس
بعدها اخدت عهد على نفسي ما احكيش حاجة نهائيا
لحد الان
حتى لو زعلنا ولو حصل ايه
احط همي في نفسي
وباذن الله مكانش بيستمر ولا بيوسع

زوجتك بأذن الله الدنيا هتعملها وبعد كدة حبة حبة هتحس ان مالهاش الا جوزها وبيتها واولادها
امها وابوها تبرهم بس مالهمش دعوة بحياتها
وهتلاقيها من نفسها ما تقدرش تبات برة بيتها ابدا
دي سنة الحياة
صبر جميل
عارف ايه اللي دايما بيكبر المشاكل
لما الاتنين محدش فيهم بيتنازل عشان التاني
لكن لو كل واحد يتنازل مرة
المركب هتمشي

حاول معاها تاني بالتليفون واختار وقت يكون بالليل اوي مثلا وهما نايمين
عشان ما يبقاش في تاثير من حد عليها
تبعت لها رسالتين حلوين تفكرها بحاجة كويسة بينكو اوذكرى حلوة
بعيد عن العند
وبلاش عتاب في اي كلام

يمكن ربنا يهديها وتلين
وتبقى دي اخر محطة
تسيبها بعدها لضميرها
لحد ما ترجع لعقلها

وتبقى انت عملت اكتر من اللي عليك
اسفة اني طولت عليك

علي فكرة انتي كدة حيرتيني جدا انا كنت قررت ان خلاص حسيبها ومش حتكلم خالص لحد ما ترجع هيا لعقلها وتحس ببيتها
لكن دلوقتي بتقوليلي اتكلم معاها بالتليفون والخطوة دي فيها عيبوب كتير
اولا ممكن اتكلم ومتردش عليا اصلا وتتقل وبالتالي كدة انا حتضايق جدااااااااا وممكن اخد موقف او قرار غلط.
ثانيا ممكن تخاف انها ترد عليا اصلا ودة لان اهلها مثلا يكونوا قالوا ليها اوعي تردي علية نهائي لو كلمك لحد ما يجي عندنا هنا ذي ما احنا عاوزيين
ثالثا ممكن ترد عليا وتكلمني بطريقة مش لطيفة خاااالص وبالتالي انا حيكون ردي عنيييييف جدا
رابعا انا كنت كلمتها وقلت ليها ارجعي واثناء الخصام بعت ليها رسائل حلوة ذي ما قلتي وقلت ليها ارجعي بيتك واحنا حنحل مشاكلنا ,,,,,تقولي مقدرش انا ليا اهل لازم تاخدني من عندهم فاقولها انتي مراتي ورايحة بيتك وبيت جوزك هو انتي نازله مع خطيبك برضو مفيش فايدة
خامسا انا شديت في الكلام جامد مع اختها الكبيرة وبالتالي اهلها زعلانين جدا ,,, ولو رجعت البيت يبقي هي كدة نصرتني علي اهلها ومخلتنيش اروح البيت وبالتالي اهلها حيزعلوا منها جدا وممكن يقولوا ليها احنا مش حندخلك في حاجة تاني وهي استحالة تزعلهم عشاني
سادسا هيا دلوقتي بتتخدم خدمة خمس نجوم ورجعت للدلع من تاني فطبعا استحالة تفكر انها ترجع البيت وحيكون عليها مسؤلية اكبر من الاول نتيجة للكلام اللي اتقال عنها وتقصرها وكدة وخصوصا انها حامل ومدلعة ومش حاسة بريحة المسئولية عندهم في البيت دلوقتي.
سابعا اهلها لما بتمشي من عندهم بيكونوا مضايقيين اوي وبيكون عندهم احساس بالفراغ رهيب لانهم اتعودوا انها تكون موجودة وعاملة ليهم حس في البيت,,, حتي مرة والدتها طلبت مني في تاني شهر من الحمل انها تقعد فترة الحمل كلها عندهم وكان طلب عادي من غير ما يكون بينا اي خلاف
ثامنا هما بيخافوا عليها خوف مرضي ومش بيكونوا مطمنين غير وهي معاهم لدرجة ان مرة ضغطها كان 140 / 90 في اول الحمل (رغم انة اساسا طبيعي جدا ولا تعاني من اي ضغط ) فقلت ليها دة يعتبر اعلي معدلات الطبيعي مش مشكلة ولما قالت لاهلها كانوا قلقانين واتصلت وسالت الدكتور قال لي عادي جدااااا دة ذي ما قلت ليها ولا يهمك دة مش ضغط تلقيها تعبانة شوية ولا حاجة متحتش في بالك وطبعا لما قلت ليها كدة مقتنعتش وقالت ليا دة دكتور بطيخ فروحت سالت 3 اطباء اخرين وكلهم اساتذة في النساء والتوليد برضو مقتنعتش بكلامهم ولا حتي اهلها اقتنعوا وراحوا لدكتور يعرفوة وروحت معاهم وقاسة وطلع طبيعي جدا 120 / 80


علشان كدة لو انا كلمتها وقولت ليها ارجعي تاني حتفسرها ان دة ضعف مني وانا مش قادر استحمل وحتحس انها انتصرت وحتصر اكتر واكتر اني اروح عندهم والا مش راجعة

لان انا كنت كلمتها قبل كدة وكان دة موقفها لانها لاسف اهلها هما سيد القرار.