الموضوع: مطارده موت بينى و بين موتوسيكلين صينى

يا خالد انت عملت الصح .
خد دى
انا واعوذ بالله من كلمه انا ليا تجربه مختلفه جدا مع الموتسكيلات الصينى كنت فى مصر فى 2010 فى شهر 9 ومأجر عربيه هيوانداى اقضى بيها الاجازه وقفت اجيب لبنتى زبادى من محل البان وراكن العربيه قدام المحل جنب الرصيف والله زى الكتاب مابيقول هووووووووووووووب صوت خبطه جامده
اتنين مساطيل بيسابقوا بعض على البتاع الصينى ده وزنقوا على بعض واحد منهم راح طالع فوق الكبوت بالمكنه مراتى وبنتى 9 شهور جوه العربيه تخيل والله المجنون حاله كان احسن منى شويه اطمنت على اهلى وعشت معاه
والله نزلته من فوق العربيه وسيبت المكنه عالى الكبوت بعد ما كسر الزجاج الامامى مش كامل بس اتشرخ كله معتش ينفع الحمد لله انه معداش اكتر من كده كان موتلى البت وامها المهم دمر الكبوت والاكصدام والعربيه ايجار عملته حفله ضرب فى الشارع وعزمته فيها لوحده من خوفى على اهل بيتى ومن المنظر هرسته وطبعا مش هاخد منه ربع جنيه على بعضه فسيبته للناس فى الشارع كملت عليه هههههههههه
الحمد لله الواحد بيشوف اخلاق الناس بره حتى مع اختلاف اتجاهتهم السياسيه والدينيه بس تعاملهم احسن مننا بيصعب عليا نفسى وبشفق على المصريين ال بالشكل ده " الجهل وحش " نسبه الاميه الكبيره هيا ال وصلت الناس لكده اليلد لو كان فيها وعى ثقافى واخلاقى كانت الناس هتحكم نفسها لا محتاجه شرطه ولا رئيس حتى هييييييييييه الله المستعان

المشاركة الأصلية كتبت بواسطة khaled ayman

الحمد لله طبعا
بس ابصم بالعشره البلد دى مفيش فيها فايده
البلد دى عاوزه تنضرب بالنووى

المشاركة الأصلية كتبت بواسطة amr_tika88

انا بفكر بجد حاليا اني اسيب مصر لانها بقت بلد تتعب اعصاب في كل حاجه للاسف احنا زي ماعندنا حاجات كويسة عندنا برضو حاجات كتييييييرة قوي زفت وللاسف بعد الثورة احنا اتحسنا كام يوم كده ونزلنا ننضف الشوارع وكان في لافتات جميلة جدا توقعت ان خلال سنه او اتنين بالكتير هنبقي حاجه كبيره بس من الواضح ان احنا مش عاوزين تعليم ولا اننا نبقي شعب نضيف ومتحضر مع كل اسف واكبر دليل علي كده انك تلاقي واحده زي الفحل ونازل بيشحت في الشارع والتسول اللي بقت مهنه في مصر .

المشاركة الأصلية كتبت بواسطة elmkaneeki

حرقتلى دمى
جهل وقرف
قلبى معاك والله والحمد لله على كل شىء
انت كده عملت افضل ما يمكن
حمد الله على سلامتك
وحسبى الله ونعم الوكيل فيهم وفى امثالهم

المشاركة الأصلية كتبت بواسطة magyver

دة اكييد كانوا عايزين يقلبووك
كويس انك طلعت منها بخيييييييييييير

طبعا دى أكتر الردود اللى أنا متفق معاها وغالبا دول كانوا ناويين يقلبوك طبعا لأنهم بسلاح...البلد خلاص احنا اللى ضيعناها...خلاص غابة يا اخواننا والأخلاق فى الأرض..معلشى محدش يقولى داخلية وبلطجية... وهى البلطجية مسؤلة عن كسر الاشارات الكبيرة زى روكسى فى عز الزحمة و ولا المشى عكسى فى شارع عمومى؟ ولا اقتحام استاد فى ماتش بدون جمهور؟ ولا البناء على الأراضى الزراعية؟ ولا تعلية المنازل بدون ترخيص؟ ولا المغالاه فى الأسعار؟ عمرك شفت بلد المحاكم فيها بتتقفل؟ أو ان القاضى يغير حكمه عشان الناس اقتحمت غرفة المداولة؟شفت البيوت منقسمة ازاى؟ لو فضلنا ندور على شماعة للى احنا فيه عمرنا ما هنتحسن وهنسوء...انما الامم الاخلاق ما بقيت فان هموا ذهبت اخلاقهم ذهبوا .. والله فعلا أحسن كلمة اتقالت لحضرتك ان فعلا موقف حرقلى دمى واستفزنى انى أرد عليك...بجد فى لحظة العمر دلوقتى خلاص ممكن يروح...وواضح ان لازم الواحد يكون معاه سلاح... حضرتك عملت الصح بس كنت لازم تهرب أسرع من كدة وما تحاولشى تخبطهم وده فى رأيى بدل ما الموضوع يطور ويعرفوا طريقك...عشان أنا جوز خالتى اتخطف عادى جدا...ورجعوه بعد مشاورات ومداولات ولو كان الموضوع فيه عنف كان الراجل انضر ولو بعد حين لأنهم عارفين بيته...يا باشا أنا عربية أخت مراتى المرسيدس اللى تخص حماه اللى لسه كان متوفى اتسرقت يوم الجمعة قبل صلاة الظهر...وشوف البجاحة اتصلوا بيهم وقعدوا معاهم على كافيه بيتفاوضوا على السعر عشان عارفين ان العربية دى ذكرى وقالوا للولد لو بلغت هنقتل مراتك واخواتها البنات...يعنى مراقبين شقته وسكانها يا ريس....فأحسن حل دلوقتى هو ان الواحد يطاطى للأسف...ولوليك حتى حق..لأن عمرك أغلى... ولسه الأسوأ قاااااااااادم بأسلوب النصاحة اللى احنا ماشيين بيه ده...مع اننا كنا ممكن نصنع التاريخ