مطارده موت بينى و بين موتوسيكلين صينى

**M7amD_7amDy** · 13-11-2011 03:19 PM

الف سلامة عليك ياخالد

وانت كده عملت الصح

وربنا يستر طريقك

**a7madramadan** · 14-11-2011 12:08 PM

على فكرة كلامك سليم يا خالد في موضوع التنفيذ صعب في خبط الموتوسيكلات الموتوسيكل الي انا خبطته داه خبطته فالمحاولة الثالثة بعد رعب و قرف ربنا بيسترها عشان النوايا بس والله

**mido51eg** · 14-11-2011 02:00 PM

امبارح كنت بتعشى مع اصحابي عند ابو رامي ، واصحابي اللي كانوا معايا من الفلول واحنا اسفين ياريس. قبل الأكل ماينزل واثناء الأكل وبعده كنا بنتكلم عن اللي بيحصل في البلد وصوتي اتنبح معاهم وكل واحد بكلمة عليا لما طلعت عيني. المهم واحد منهم حكى ان مراته كانت رايحة المدرسة اللي بتشتغل فيها في التجمع بعربيتها وشافت واحدة عجوزة واخدة شابة صغيرة في حضنها ومدارياها كده وبتشاور للعربيات تقف وفعلا عربيتين وقفوا لها ومرات صاحبي وقفت على شمال الطريق. الموضوع ان بلطجية بموتوسيكل وقفوا البنت دي وسرقوا شنطتها والعربية (وقلعوها البنطلون وخدوه) علشان ماتجريش وراهم وتصرخ لغاية لما يهربوا. صاحبي بيحلف بالله ان مراته شافت الموقف ده بعينيها. قولت لهم احنا بقينا شعب سافل! رد عليا واحد صاحبي (فل) بكسر الفاء وقالي اهو ربنا كان مسلط ناس كفرة (يقصد الشرطة) على السفلة دول علشان يكفونا شرهم. وسألني رأي حضرتك ايه دلوقتي لو الموقف ده حصل معاك او مع حد من اسرتك هتعمل ايه؟ الحقيقة حطيت برطوشة في بؤي واتخرست ومن امبارح وانا عندي حالة احباط ويأس وقرف وزهق زادت اوي بعد ماقرأت الموضوع اللي بنتكلم فيه دلوقتي وقرأت مشاركات الأعضاء. ايه اللي بيحصل لنا ده ياناس واحنا رايحين على فين ؟؟!!!!!!!!!

**maryano** · 14-11-2011 03:55 PM

المشاركة الأصلية كتبت بواسطة mido51eg

امبارح كنت بتعشى مع اصحابي عند ابو رامي ، واصحابي اللي كانوا معايا من الفلول واحنا اسفين ياريس. قبل الأكل ماينزل واثناء الأكل وبعده كنا بنتكلم عن اللي بيحصل في البلد وصوتي اتنبح معاهم وكل واحد بكلمة عليا لما طلعت عيني. المهم واحد منهم حكى ان مراته كانت رايحة المدرسة اللي بتشتغل فيها في التجمع بعربيتها وشافت واحدة عجوزة واخدة شابة صغيرة في حضنها ومدارياها كده وبتشاور للعربيات تقف وفعلا عربيتين وقفوا لها ومرات صاحبي وقفت على شمال الطريق. الموضوع ان بلطجية بموتوسيكل وقفوا البنت دي وسرقوا شنطتها والعربية (وقلعوها البنطلون وخدوه) علشان ماتجريش وراهم وتصرخ لغاية لما يهربوا. صاحبي بيحلف بالله ان مراته شافت الموقف ده بعينيها. قولت لهم احنا بقينا شعب سافل! رد عليا واحد صاحبي (فل) بكسر الفاء وقالي اهو ربنا كان مسلط ناس كفرة (يقصد الشرطة) على السفلة دول علشان يكفونا شرهم. وسألني رأي حضرتك ايه دلوقتي لو الموقف ده حصل معاك او مع حد من اسرتك هتعمل ايه؟ الحقيقة حطيت برطوشة في بؤي واتخرست ومن امبارح وانا عندي حالة احباط ويأس وقرف وزهق زادت اوي بعد ماقرأت الموضوع اللي بنتكلم فيه دلوقتي وقرأت مشاركات الأعضاء. ايه اللي بيحصل لنا ده ياناس واحنا رايحين على فين ؟؟!!!!!!!!!

علي كدة احنا بين امرين لتكون الشرطة موجودة بس محدش يحسبها و تجيب العاطل في الباطل و جبروتهم علي الناس لاا يكون فيه بلطجيه يمرسو بلطجيتهم برحتهم ؟؟

**moha4tec** · 20-11-2011 03:12 PM

الف حمد لله على سلامتك
و بصراحه كويس جدا ان اعصابك جمده و عرفت تمسك نفسك و تتصرف بحكمه و عقل , لان الوقت ده الواحد مبيعرفش يفكر اصلا .
و عجبنى الخطه اللى انت عملتها و نفذتها صح الصح . و منك نستفيد و نتعلم .

**A7MED_PHARMA** · 20-11-2011 05:04 PM

غلطتن ياخالد
كنت تعمل كالأتي
تدوس على واحد فيهم تموته .. وتروح تقدم بلاغ في أقرب قسم شرطة إنك إتعرضت لمحاولة سرقة وقتل من مجهولين معاهم دراجات نارية ..ولو كان عليها نمر , إثبت النمر , ولو مكنش يبقا كويس
وقول إن واحد فيهم حاول يوقفك بالقوة , وإنت كان معاك والدتك فإضطريت إنك تدافع عن نفسك بعربيتك

وبس

وكان الكلاب هيموتوا ومالهمش دية .. وتبقا إنت سليم من الناحية القانونية