مطارده موت بينى و بين موتوسيكلين صينى

**amz2011** · 10-11-2011 07:43 PM

انا كمان حصل معايا موقف شبيه داه بس مخلتف فى ايه انه كنت ماشى على الدائرى فى الجيزة و ركنت على جنب علشان حسيت ان الكاوتشة اليمين نايمة المهم ركنة و نزلت شوفت الكاوتشة سليمه و رجعت اركب العربية لقيت موتسيكل راكب عليه 2 فى سن 24 -26 سنة و جايين عليا و و منور النور فى وشى المهم انا قليقت من المنظر و ركبت عربيتى بسرعة و قفلت السنتر كانو هما جم جمبى و عايزين يفتحوا الباب و يسرقو العربية منى المهم روحت دايس بنزين على الاخر علشان اعفر عليهم التراب اللى بيبقى على جنب الطريق و اجرى المهم جريوا ورايا كنت وصلت على 100 كم فى الساعة المهم اجى ارمى عليهم يروحو مفرملين المهم بداء ازود 120 برده بيجوا جنبى - ازود تانى 140 ابقى شايفهم فى المراياه لحد لما مشيت على 190 على الطريق الدائرى و اختفوا . بس مش عايز اقولكم على كمية المطابات الهوا اللى كنت بتطير منى فوقيها و انا ماشى على 190 كم بينى و بينكو كنت خايف من السرعة الشديده ديه.

**waelfarid** · 10-11-2011 08:06 PM

سلامتك يا خلود الف سلامة ابقي اقرا آية الكرسي والمعوذتين وطلعوا حاجة لله واضح من ايام السكودا ان حاجتكم منظورة والله خير حافظا وهو ارحم الراحمين

**sha2e** · 11-11-2011 12:49 AM

الحمد لله انك طلعت منها بالسلامه
وكويس انهم مكنوش من قريه من القرى الى على الطريق بين طنطا والمحله لانهم كانوا هيتصلو باصحابهم يستنوك عند قريتهم
بما انك من المحله انصحك انك ترخص سلاح افضلك

**wama1903** · 11-11-2011 01:21 AM

حمد الله على السلامة و جت سليمة
انت غلطان يا باشا العمر مش بعزقة لو كانو وقفوك كانو خا يشرحوك و يكهربوك
عفوا عربية اية الى حا اخاف عليها عمرك أبدى و اولا كان ممكن جدا تتقلب و تتضرب و تتاخد العربية منك كمان
مش مهم اكصدام على باب يتصلحو
كنت اجرى و أكبس فرامل خلية يلبس فى الاكصدام و يتقلب و لو جنبك افرمة بين عربيتين تجيبلة رباط صليبى فى ركبة بجد دغدغة و مش مهم طبلة الباب الى حا تبوظ
لما كان بيجرى وراك و يحصلك و يخبط على العربية دى فرصة ذهبية تقلبهم من على الموتسيكل غرزة ناشفة تطوحم

و نصيحة لو الطريق قفل و لقيت اى يوترن و الناحية المقابلة فاضية لف و دور المهم ما تقفش بالعربية و لما المكان يبقى فاضى دغدغة باى شكل و ما تتخضش حتى لو لقيت زجاج بيتكسر يعنى ما تشتتش أنتباهك فى العربية و تفكر تبص على الخسائر

+111111111111

المهم حمدالله على سلامتك المحله سرقه العربيات فيها كترت جدا ... يللا حصل خيير

**MASERATI** · 11-11-2011 01:23 AM

السلام عليكم و رحمة الله و بركاته

مع احترامى الشديد ليك و للعربية الأوبل بتاع أخوك -رحمة الله عليه- و ربنا يخليهالك و يباركلك فيها طبعا, أنا لو مكانك, كنت ضحيت بالازاز الورانى و كنت شديييييييييييييييت أوى بالعربية و هما ورايا و قمت مفرمل مرة واحدة و هما يلبسوا بالموتوسيكلات فى العربية من ورا و ربنا يعوض عليا فى الازاز, الكلام ده هيحصل فى موتوسيكل من الاتنين و الكلاب اللى عالموتوسيكل التانى, لما يلاقوا الكلاب اللى على الموتوسيكل الأولانى حصل لهم كده, هيرتدعوا.

شوف, أنا أضحى بالزاز الورانى و لا أنش كلاب زى دول راكبين موتوسيكلات صينى, ييجوا و يتطاولوا عليا, آآآآآآآآدى اللى ناقص كمان !!!!!!!!!!!!! .

**mhmdkhamis** · 11-11-2011 02:13 AM

المشاركة الأصلية كتبت بواسطة ashouhdy

!!!!!!!!!!!

اية التهريج بتاعك دة

من الاول خالص كنت كسرت عليهم هبدتهم اللى على يمينك واللى على شمالك

دة انت راكب عربية وهم على هوا !

اية ياعم الحج

دة انت بس اللى كان نفسك فى شوية لعب وحرق

والعربية مش حيحصلها حاجة

ديتها شوية بوليش

+1111111

وللاسف معظم الى بقوا راكبيين الموتسيكلات دى شباب شكلهم للاسف بلطجيه و كان حلال فى الاشكال دى اى حاجه هما كانوا عايزين يصيعوا عليك و انا اسف للفظ بس كان حلال فيهم يتفرموا

**waleedfesal** · 11-11-2011 10:53 AM

الف سلامه عليك
والحمد لله انها عدت على خير
وبالنسبه ليا لسه امبارح حصل معايا موقف مشابه
بس كنت على طريق مفرد رايح جاى فملشى براحتى والساعه طانت واحدة الظهر
و وكانت قدامى عربيه هيونداى اكسنت وفيها 3
المهم لقيت الموتسيكل وعليه 2 بيزنقو عليهم
وعدت العربيه وافتكرت انهم يعرفوا بعض
وجيت اعديه لقيت واحد من الاوساخ بيعاكس مراتى
بصراحه مستحملتش قومت زانق عليه فى اليمين كنت عايز اقلبه فى الترعه
لقيت اللى سايق الموتيسكل طلع مطواه والتانى شايل سنجه وبيقولولى اقف يا ابن ......
طبعا اقف مين؟؟
جم جرى ورايا وكنت هاعدى كوبرى على النيل وفى الطرف التانى من الكوبرى بيتنا
وقبل الكوبرى الطريق بيزدوج وكانو حصلونى
فجيت زنقتهم فى الجنب الشمال اللى هاتبدا فىه ازدواج الطريق وخبطوا فى الرصيف ووقعو الاتنين
وانا داخل ملف الكوبرى قرست جامد وهما بيجروا ورايا و باتمنى انهم يعدو الكوبرى ورايا
بس جم لوسط الكوبرى ولفو ورجعوا تانى لحظهم
وطبعا ماقولكش على الرعب اللى المدام كانت فيه هى والاولاد
ربنا يعوض صبرنا على الايام السوده دى
الخساير خبطه بسيطه فى الباب اليمين وزيها فى الشمال ( نقره بسيطه )
بس ماتجيش قصاد حرق الدم والاعصاب اللى الواحد اتعرضلهم
وربنا يستر علينا جميعا

**فادى محمد** · 11-11-2011 11:34 AM

المشاركة الأصلية كتبت بواسطة waleedfesal

الف سلامه عليك
والحمد لله انها عدت على خير
وبالنسبه ليا لسه امبارح حصل معايا موقف مشابه
بس كنت على طريق مفرد رايح جاى فملشى براحتى والساعه طانت واحدة الظهر
و وكانت قدامى عربيه هيونداى اكسنت وفيها 3
المهم لقيت الموتسيكل وعليه 2 بيزنقو عليهم
وعدت العربيه وافتكرت انهم يعرفوا بعض
وجيت اعديه لقيت واحد من الاوساخ بيعاكس مراتى
بصراحه مستحملتش قومت زانق عليه فى اليمين كنت عايز اقلبه فى الترعه
لقيت اللى سايق الموتيسكل طلع مطواه والتانى شايل سنجه وبيقولولى اقف يا ابن ......
طبعا اقف مين؟؟
جم جرى ورايا وكنت هاعدى كوبرى على النيل وفى الطرف التانى من الكوبرى بيتنا
وقبل الكوبرى الطريق بيزدوج وكانو حصلونى
فجيت زنقتهم فى الجنب الشمال اللى هاتبدا فىه ازدواج الطريق وخبطوا فى الرصيف ووقعو الاتنين
وانا داخل ملف الكوبرى قرست جامد وهما بيجروا ورايا و باتمنى انهم يعدو الكوبرى ورايا
بس جم لوسط الكوبرى ولفو ورجعوا تانى لحظهم
وطبعا ماقولكش على الرعب اللى المدام كانت فيه هى والاولاد
ربنا يعوض صبرنا على الايام السوده دى
الخساير خبطه بسيطه فى الباب اليمين وزيها فى الشمال ( نقره بسيطه )
بس ماتجيش قصاد حرق الدم والاعصاب اللى الواحد اتعرضلهم
وربنا يستر علينا جميعا

حمد الله ع سلامتك

..انت كنت علي طريق ايه؟؟

**فادى محمد** · 11-11-2011 05:04 PM

حصلت معايا من 3 شهور واحد راكب موتوسيكل بطه وبيرخم ويزنق علي شديت وزنقته في الرصيف وخليته يزحف علي الارض والموتوسيكل فوقه ..

-

الموضوع: مطارده موت بينى و بين موتوسيكلين صينى

LinkBack

أدوات الموضوع

عرض

-

-

-

-

-

-

المواضيع المتشابهه

ايه هي افضل مطارده عربيات شوفتها في حياتك في اي فيلم ؟

مطارده جديييييييييييييييييييييييييييييده

عاوز موبايل بخطين ميكونش صينى مش صينى ترشحولى اية فى حدود 300 جن اصفر :))

مطارده بين 124 و اوبل ريكورد

اوبل استرا صينى (صينى يا جدعان) صينى

الكلمات الدلالية لهذا الموضوع

المفضلات

المفضلات

ضوابط المشاركة