العربيات اليابانية أطول عمرا عن الأوروبي ليه ؟

**Formulator** · 14-11-2011 05:22 PM

المشاركة الأصلية كتبت بواسطة Karim_Monir

لما نيجي نتكلم على تويوتا وبالذات كرولا الكلام هايخد منحني تاني خالص
منحني معادلة خلت العربية دي رقم واحد في امريكا اكبر سوق عالمي وحلم اي صانع سيارات في الاعتمادية
المعادلة الصعبة جدا انك تعمل عربية ذات راحة غير عادية واقتصادية في الوقود واعتمادية غريبة واسئل سكان الاقاليم ليه بيعشقو العربية دي بعد البيجو
وكمان اعادة بيع محترمة
يبقي كمان هانستني منها اداء خرافي وثبات مالوش حل :-)
تبقي سوبر كار مش سيارة صالون عادية :-)
على فكرة
اتحداك تحدي قاطع اي عربية 1600 من فولكس(ماعدا جيتا عشان ادائها الرياضي) تكون في نفس فئة الكرولا تقدر تطلع من 1600 لغاية 100 كم
واتحداك في حاجة املكها اي عربية في فئة عربيتي ال 1300 مانيوال تطلع منها لغاية 100 كم
اي عربية الماني طبعا 1300 ونفس الفئة
يبقي دي مش عربيات اداء قد ما هي عربيات اعتمادية

أستاذ كريم.. أزى حضرتك,,
أنا هـ أرد Fair دون تحيز للأوروبى..و منطقيا

- راحة الركوب: عشان العفشة الناعمة, لكن ثبات قليل.. وهاندلينج بعيد تماما عن الرياضية (ده غير عيب الـdrive-feeling بتاع الدركسيون)!
- أقتصادية فى الوقود: مواتير مش عصبية الأداء (ولو cc قليل), وبودى خفيف الوزن +traction قليل... لازم توفر فـ البنزين.
- أعتمادية: ودى النقطة اللى عليها خلاف كبير.. أنا من الناس اللى بتقول بساطة التكنولوجى وجودة الصنعة (للأمانة) هى السبب, شوف الكورولا الجديدة:

موتور: 1600 2-كامة vvt على كامة واحدة.. ومن قريب على الـ2 (الأوروبيين دلوقتى تربو TSI, T-JET, THP و TCe)
شاسيه وعفشة: Torsion-Beam مع أبسط Setup وأقلها تعقيدا (فين الـMulti-Link والعفشات الـdual-rate؟؟!!!)
فتيس: أوتو عادى بمحول عزم, ولما حبوا يفتكسوا.. جابوا واحد بتاع فتيسات أوتو!! Aisin وقالوله اعملنا فتيس sequential طلعلهم تحفة اسمها MMT (مش عيب لما تويوتا تعمل هندسة عكسية برضه)؟؟!

طبعا مش محتاج أقول عـ الأوروبى: DSG و Dualogic و Power-Shift و TCT و DCT للصبح وفتيسات بتنزل فـ عربيات عادية: رينو وفولكس وفيات..!!