الموضوع: العربيات اليابانية أطول عمرا عن الأوروبي ليه ؟

المشاركة الأصلية كتبت بواسطة Karim_Monir

برضه انت انت اتكلمت في ثبات واداء وانا اتكلمت في اعتمادية
ياريس اللي تمنها 60 الف جنية في الخليج بتستحمل اللي ماتستحملوش جيتا اللي يا ريت نخرجها من الموضوع لانها جولف وماينفعش اقارن جولف بعربية اتعملت للاعتمادية وليس الاداء
بلاش نتكلم عن ال dsg احسن زميلنا اللي فتيس عربيتة ولع قدام عينة تحت البيت وهي واقفة بيقطع قلبي وبيخليني اكره اي حاجة فيها الحروف دي :-)
مش عربية بتنتش وتقطع زي ال mmt بنقول فتيس ولع
وشوف بكام في التوكيل وتصليحة عن بلية بكام وبرضه باظ تاني
دي مأساه
اما عن عربيات الاداء تعالي نشوف اكورد وانفينتي والتيما وكامري وافالون
يا راجل مش هاقول الروتاري انجين 1300 سي سي وبيطلع قوة شكلها ايه :-)
ومش هاتكلم عن ليكزس عشان دي سوبر كارز وتتقارن باللي زيها انا بتكلم في العربيات العادية
لكن اعتماية عربيات اليابني مش هاتلاقي وما تتعبش نفسك في ال 20 سنة الاخيرة
عربية اروبي تستحمل حر وبرد زي الخليج
حرارة 60 صيفا وماينص زيرو فيس الشتاء
امطار سيول ورياح تشيل دهان اي عربية
واللي راكبها قاعد في تكييف كارير على راي زميلنا ميني كوبر :-)
معترف ان تويتا ليها سقطات كل كام موديل
بعد الملكة من 92 الى 97 عملت موديل فاشل اسمه العيون من 98 الى 99 وحاول يعدلو بالرموش وعكوها
وبعد الموديل السابق عملو ال mmt الفاشل كفتيس
وسبب فشلة الاكبر انها اوروبيه قلبا وقالبا وليس الكرولا اللي نعرفها :-)

يا كريم بيه:
الموتور الروتارى ده اختراع ألمانى بحت لـ شركة NSU بتاع الـbikes.. وبطلوه من زماااااان عشان الـdurability السيئة بتاعته (الـrotors بتتآكل بسرعة جدا).. وبعدين دى مازدا..؟!!

مشاكل الفتيس الـDSG كانت كلها فـ أواخر 09 أول 2010.. دلوقتى ولا الهوا.. دا VW بتعممه!! وده طبيعى فى أى تكنولوجى فـ أولها (شوف الـselespeed ألفا زمان, وdualogic فيات دلوقتى)..!
أؤيدك بشدة فـ الكورولا الملكة.. مشفتش كورولا زيها لحد دلوقتى, خصوصا الـreliability اللى بتتكلم فيها.. لكن بعد كده
وبعدين أيه الأوروبى فى الـMMT غير الفكرة (كـ عادة اليابانيين, مش creative لكن developers)
ليه ما جابوش "العيش من خبازه" زى ما BM خدت فتيسات الـM3/ M5 من ماريللى الأيطالية, ولا نيسان لما خدت فتيس الديوال-كلتش من Borg-Warner الألمانية؟؟!!!
لأ, دى تويوتا: أزاى؟؟ لازم الفتيس ييجى من اليابان.. Aisin بيعمل فتيسات أوتو زى الفل..؟!!
بالضبط زى ما بيجيبوا كل حاجة من Denso:
- الـinjection والـECU والبوجيهات والطلمبات بنزين وزيت والباور: مع أن Bosch أنظف وأقوى وأفضل فـ دول؟!!
- أقولك فيات وأوبل ورينو بيجيبوا أيه من denso ده: كمبريسور التكييف, ومواتير المساحات (هو آخره كده)

أنا مش شايف أى حاجة "أوروبى" بصراحة فى الكورولا MMT..؟؟!!!
صدقنى يا باشا.. أسطورة الأعتمادية اليابانية, انتهت (أو قاربت), عشان تويوتا بقت "تسترخص" المكونات ومابتصرفش عـ الـR&D..!!