لانسر بومة 2011 !!!!!!

**M!SHO** · 12-11-2011 05:28 PM

باشا لو شكل التيدا عجبك توكل على الله وهاتها

بالنسبه للانسر.....شكلها قديم فعلاً بس أحسن فى الشكل من عربيات كتير موجوده دلوقتى

ومتهيألى نقطة الأنتشار مبقتش مستفزه قدام السيراتو :)

**شاهين - بنز** · 13-11-2011 02:34 PM

البوما راحت عليييها من زماااااااااااااان
فكك منها الكوري بقت جودته ممتازة دلوقتي وبيعيش تقريبا زي اليباني
حنتجيب الانسر حتعيش معاك صحيح بس سدقني سواقتها مقرفة ومتعبة جدا جدا
الصراحة عمري ماحترمت العربية جدا حمارة شغل فقط لاغير لكن تاخد صفر من عشرة في الرفاهية والمتعة في القيادة تحس إنك قاعد على مسطبة مش كرسي وعمال بتسمع المتور المزعج ومشوراك بدل ناحيبقى ممتع ومريح حتتمنى إنك توصله بأسرع مايمكن عشان تتخلص من سواقة العربية دي

**AutoTycoon** · 13-11-2011 04:39 PM

انا بصراحة مش مصدق ان اليابان لسة بتعمل لانسر اللي من 2003 لحد دلوقتي

**Sehsss** · 13-11-2011 10:06 PM

توكل على الله وهات التيدا ومش هاتندم، ويا سلام لو أعلى فئة، عربية واسعة ، موتور جبار ، ثبات جيد ، ارتفاع عن الأرض علشان مطباتنا الجميلة ، باور كهرباء ، شنطة رهيبة (طبعا في السيدان) ، إير باج ، بص من الآخر فيها كل حاجة تقريبا.. وربنا يوفقك للخير

**Eng_hatemfathy** · 13-11-2011 10:38 PM

السلام عليكم انا عشت نفس التجربة من 3 شهور لحد اول امبارح وكنت محتار نفس الحيرة واكتر لانى كنت مدخل انواع تانيه زى البرسونا والسكالا السوبر صالون واستقريت على البومه ولكن الهاف اسبور اللى ب 123500 لانها اول فئة فيها ا بي اس وطبعا حرام اركب عربيه بالتمن ده من غير وسائل امان لحد لما جاتنى نصيحه انى اجيب شارك 2009 زيرو لان كان باقى منها كام واحده عند المصريه وبالفعل استفريت عليها واستلمتها اول امبارح ورخصت النهارده المشكله فى التيدا انها عايزه توكيل وبس يعنى مفيش حد هيشتغل فيها ولازم تبقى عارف قطع الغسار فين ومنين وهل فى منها استيراد لان ربنا يستر على الجميع الحوادث مش مخليه حد فى حاله
المهم اللانسر جميله ومريحه بس بالضبط هتحس نفس احساس النيسان انها قديمه ومش رفاهية بالنسيه للاشكال الجديده والاخوة اللى بينصحوا بالكورى يسألهم ازاى اركب عربيه كورى فوق 145000 علشان يكون فيها اى بى اس واير باج لان طبعاالكل عارف الكورى فى الحوادث فضيحه والبديل اكسنت ار بى ب 118000 وطبعا مش قد كده من وجهة نظرى حاول تشوف الشارك الاخيره اللى عند المصريه اتباعت ولا لسه ولو اتباعت حاول تصبر لحد لما تجيب حاجه محترمه وتسعدك علشان تحس انك راكب اللى انت عايزه وبالتوفيق