بفكر اجيب ميجان

**superplanner** · 13-11-2011 10:24 AM

علي فكرة
تكيف الرينو ميجان قوي جدا و من اسباب شعور الناس بان التكييف ضعيف كاوتش الباب
لو قديم او مضغوط او فية قطع بيسرب الحرارة من العربية فبتحس انة مش كفؤ
معلومة ان نظام التبريد الخاص بالرينو و نوع فريد من دورات التكييف و ذو اعتماية و كفاءة

بالنسبة لموضوع الملحق 2007
ملحق 2007 هو الشكل القديم بس الاختلاف في الماتور و الفتيس نظرا للتعديلات اللي اتعملت لتلافي عيوب موديلات 2005 و ممكن تعرفة من الكود اللي علي زجاج العربية الامام - بالنسبة للشكل الجديد دا انتاج 2007 النص التاني من السنة - لو لاقيت الشكل الجديد 2006 يبقي دا متعدل
علي فكرة انت ممكن تعدل شكل العربية و كمان تابلوة العربية (تغيير للاضائة البيضاء) في المعادي او الحرفيين

**hishammb** · 13-11-2011 11:08 AM

طيب ممكن صور للشكل القديم و الشكل الجديد
علشان انا كده اتلغبطت

**superplanner** · 13-11-2011 11:12 AM

المشاركة الأصلية كتبت بواسطة hishammb

طيب ممكن صور للشكل القديم و الشكل الجديد
علشان انا كده اتلغبطت

للاسف انا جديد و معرفش طريقة رفع الصور
هو ع العموم الاختلاف في الاكصدام الامامي و الفوانيس و ساعة التابلوة و اضاءة التابلوة لونها ابيض و القديم لونها برتقالي

**mohammed890** · 13-11-2011 01:41 PM

أنا انصحك تبعد عنها
مجربها ومطلعا روحي

**mohammed890** · 13-11-2011 01:44 PM

ودي اللي معي لحد الان
ظ„ظ„ط¨ظٹط¹ ط±ظٹظ†ظˆ ظ…ظٹط¬ط§ظ† 2008 " طھط.ط¯ظٹط« " | ط.ط±ط§ط¬ ط§ظ„ط³ظٹط§ط±ط§طھ

**hishammb** · 13-11-2011 03:30 PM

المشاركة الأصلية كتبت بواسطة mohammed890

أنا انصحك تبعد عنها
مجربها ومطلعا روحي

ممكن حضرتك توضح ايه اللي تعباك فيها بالضبط

**iaibrahim** · 13-11-2011 07:51 PM

اول ما اشتريت العربيه طلعت عينى وهى موديل 2005 ولكن الان بعد ما عرفت عنها كل حاجه والناس اللى بتصلحها اقتنعت بيها جدا وبفكر اجيب موديل احدث لما ربنا يسهلها وعيبها الوحيد التكييف مع التوفيق

**moody_687** · 13-11-2011 08:05 PM

وانا كمان ان شاء الله ناوى اشترى ميجان انتاج شهر 11 موديل 2006 بس انا لسة مش شوفت العربية ومتفق معاه ع يوم الجمعة الجاية ان شاء الله وهى الفئة اللى قبل البانوراما ع طول وماشية 90 الف كيلو عايز اعرف العربية كده الاوبشن بتاعها ايه وكمان عايز اعرف لون العدادات ابيض ولا برتقالى وهل الفتيس جديد dpo ولا فتيسها قديم هى معروضة عليا ب 65 الف اشتريها ولا ايه النظام وعايز اعرف اوديها فين للكشف عنها والعربية موجودة ف الاسكندرية ارجوكم مفيش حد يبخل عليا بالمعلومات منتظر ردكم

**abdallasoliman** · 13-11-2011 08:47 PM

الى الاخوة الاسكندرانية وانا زيكم اسكندرانى
بالنسبة للعربية بامانة شديدة يكفى انك تركب سيارة وتحس بالامان وخصوصا على الطرق السريعة وانا بمشى على المحور على سرعة 170كم وفية امان .. التكييف معقول احنا فى اسكندرية مش فى القاهرة .. استعمال البنزين 8.2فى100فى الطوالى .. 9.4داخل البلد ... قطع الغيار معقولة لانة يوجد بدائل كثيرة اصلى اسبانى المانى تركى صينى ..رفاهية وكماليات كثيرة يكفى لما تشيل الكارت الدائرة الكهربائية تفصل بالكامل لو نسيت انوار العربية الكاسيت كلة بيفصل ..خاصية عدم سماع الاصوات الخارجية .. وراي ومهم جدا حتى لاتندم وتقولوا ياليتنا ما اشترينا الرينو خلى بالك علشان متغلطشى زى ماانا غلطت بس ماكنتش اعرف حاجة عن الميجان ... اولا... العربية تكون بتتعامل مع التوكيل لها تاريخ عندهم اهم من السعر ولوغالية افضل من التى تتعامل خارجة
ثانيا.. الكشف عنها فى التوكيل فى سموحة خلى المهندس شريف وقلوة معرفة عبدالله مدير البنك الوطنى
ثالثا.. الميكانيكية فى اسكندرية وكانوا بالتوكيل فية حمدى بيرو واحمد موسى (دكتور ) ومفيش مشاكل ولكن حسب معلوماتى للاتوماتك يفضل موديل عالى لمشاكل 2005 .. قارن المبلغ المدفوع فى موديل 2007 بمايعادلهااوكتافيا نفس الموديل فرق يقل 25الف( غير ثبات نعومة )لو قطع الغيار غالية بس متوصلشى للفرق دة ونحن فى انتظار استفسارتكم ..

**moody_687** · 13-11-2011 09:04 PM

ربنا يخليك يااستاذ عبدالله بس انا مش عايز اروح للراجل اللى هشترى منه قبل مااعرف معلومات عن العربية كافية عشان اعرف اتكلم معاه فيما يخص العربية يعنى اكون عارف الاوبشن بتاعها وهل هى تعتبر شكل قديم ولا حديث والفتيس كمان و كنت عايز اعرف فين التوكيل ف سموحة ف انه حتة بالضبط فيها وفين اماكن حمدى بيرو واحمد موسى