الموضوع: بفكر اجيب ميجان

زي ما الأخوة قالوا .. حاول تبعد عن 2005 و شوف ملحق 2007 أو 2007 أحسن إن شاء الله..
بس لازم تكشف عليها يا في التوكيل أو في مركز صيانة رينو أمين

توكيل سموحه ده لازق في شركه لورد
علي الترعه
خلي حديقه الحيوان علي يمينك و امشي علي طول في اتجاه الترعه و اسقل هناك ميت واحد حديلك بس يوم الجمعه ما اعتقدش انهم شغالين

المشاركة الأصلية كتبت بواسطة moody_687

وانا كمان ان شاء الله ناوى اشترى ميجان انتاج شهر 11 موديل 2006 بس انا لسة مش شوفت العربية ومتفق معاه ع يوم الجمعة الجاية ان شاء الله وهى الفئة اللى قبل البانوراما ع طول وماشية 90 الف كيلو عايز اعرف العربية كده الاوبشن بتاعها ايه وكمان عايز اعرف لون العدادات ابيض ولا برتقالى وهل الفتيس جديد dpo ولا فتيسها قديم هى معروضة عليا ب 65 الف اشتريها ولا ايه النظام وعايز اعرف اوديها فين للكشف عنها والعربية موجودة ف الاسكندرية ارجوكم مفيش حد يبخل عليا بالمعلومات منتظر ردكم

اولا بالتوفيق -- اول ماتشوف العربية بص علي الازاز الامامي من الناحية الشمال تحت قرب المساحات هتلاقي
استيكر علية بار كود و سيريال نمبر دا vsn او تاريخ صيانة العربية و ساعتها ممكن تروح اي مركز خدمة معتمد تعمل تشك علية هيطلعلك كل الداتا بتاعت العربية و تاريخ الصيانات و اخر صيانة عملتها العربية و منها تقدر تعرف مدي الالتزام بالصيانة
و الله يا اخي
انت لو كنت في السويس -- كنت اديتك عربيتي -- هاي لاين كاملة بمحدد و مثبت السرعة و الفرش الجلد و البانوراما -- و كمان هي انتاج 10/2006 و ملحق ترخيص 2007
علي فكرة كل انتاج النص التاني من 2006 هو الماتور الجديد و الفتيس dpo+

المشاركة الأصلية كتبت بواسطة hishammb

الف شكر للناس اللي علقت علي الموضوع
بس التكييف لو زي الكليو يبقي مشكله
انا معايا كورسا و تكيفها تلاجه بمعني الكلمه و مش حقدر اركب حاجه اقل منه انا من النوع اللي بيشغل التكييف ليل و نهار

بلاش ميجان بقى ادام التكيف مهم ليك ... انا بحاول ابيع ميجانتى بسبب ان تكيفها فى الحر الشديد زى قلتها مع انها غربية فعلا محترمة بس للاسف التكييف مهم بالنسبالى برضوا

أنا ها رد عليك بعد اذن الإستاذ عبد الله
أولاً، التوكيل فى سموحة ورا مصنع لورد فى وش كبرى التجنيد لو انت جاى من ناحية نادى سموحة أو لو حتخش من ادام مطار النزهة، عدى السكة الحديد و خش يمين، يعنى تخلى ترعة المحمودية على شمالك و خش أول يمين تانى هتلاقى مصنع لورد على شمالك ووراه بوابة التوكيل
ثانياً، الميجان باختصار فيها شكلين قديم وجديد:
الشكل القديم، شبكة العربية من قدام بتبقى الريش عدلة موازية للأرض و الفاوس اللى ورا اشاراتة فى داخل شكلها دائرى أم الشكل الجديد فريش الشبكة مائل و الفانوس ورا اشاراتة عدلة
أما الفئات، فهة 3 فئات:
الفئة الأولى، ودى فيها كل حاجة ماعدا الإضفات اللى فى الفئات التالية
الفئة التانية، ودى بيزيد فيها الجنوط اسبور ومريات ضم و4 وحدات رفع و تكييف تاتش و مثبت سرعة بس الكلام ده فى 2008، أما الموديلات الأقدم مش هتلاقى بعض الحجات دى فى جميع فئتها، يعنى مثلاً 2006 مفيهاش التكييف التاتش
الفئة التالتة و دى الهاى لاين، ودى بيزيد عليها، عن الفئة التانية، فتحت السقف البانوراما
نصيحتى ليك أول متخش على التوكيل و انت معاك صاحب العربية خلي التوكيل يديك بيانات الصيانة و مواعيدها قبل متدفع مليم للكشف، و زى ما الإخوة نصحوك لو لقيت العربية مش عملة صيانات ابعد عن العربية دى و متستعجلش، دور براحتك، الميجان عربية محترمة جداً بس عايزة اللى يحترمها

المشاركة الأصلية كتبت بواسطة ragaee

أنا ها رد عليك بعد اذن الإستاذ عبد الله
أولاً، التوكيل فى سموحة ورا مصنع لورد فى وش كبرى التجنيد لو انت جاى من ناحية نادى سموحة أو لو حتخش من ادام مطار النزهة، عدى السكة الحديد و خش يمين، يعنى تخلى ترعة المحمودية على شمالك و خش أول يمين تانى هتلاقى مصنع لورد على شمالك ووراه بوابة التوكيل
ثانياً، الميجان باختصار فيها شكلين قديم وجديد:
الشكل القديم، شبكة العربية من قدام بتبقى الريش عدلة موازية للأرض و الفاوس اللى ورا اشاراتة فى داخل شكلها دائرى أم الشكل الجديد فريش الشبكة مائل و الفانوس ورا اشاراتة عدلة
أما الفئات، فهة 3 فئات:
الفئة الأولى، ودى فيها كل حاجة ماعدا الإضفات اللى فى الفئات التالية
الفئة التانية، ودى بيزيد فيها الجنوط اسبور ومريات ضم و4 وحدات رفع و تكييف تاتش و مثبت سرعة بس الكلام ده فى 2008، أما الموديلات الأقدم مش هتلاقى بعض الحجات دى فى جميع فئتها، يعنى مثلاً 2006 مفيهاش التكييف التاتش
الفئة التالتة و دى الهاى لاين، ودى بيزيد عليها، عن الفئة التانية، فتحت السقف البانوراما
نصيحتى ليك أول متخش على التوكيل و انت معاك صاحب العربية خلي التوكيل يديك بيانات الصيانة و مواعيدها قبل متدفع مليم للكشف، و زى ما الإخوة نصحوك لو لقيت العربية مش عملة صيانات ابعد عن العربية دى و متستعجلش، دور براحتك، الميجان عربية محترمة جداً بس عايزة اللى يحترمها

بس يا أستاذ رجائي أنا شفت عربيات ميجان 2006 فيها تكييف تتش ... غالباً بتبقى الملحق ولا دة ممكن يكون تعديل على اللي نزلت بيه؟
شوف حضرتك الاعلان دة
http://www.fabreka.com/usedCars/Used...362561&CatID=1
.

المشاركة الأصلية كتبت بواسطة engineer05

بس يا أستاذ رجائي أنا شفت عربيات ميجان 2006 فيها تكييف تتش ... غالباً بتبقى الملحق ولا دة ممكن يكون تعديل على اللي نزلت بيه؟
شوف حضرتك الاعلان دة
ظپط§ط¨ط±ظٹظƒط§ - ط±ظٹظ†ظˆ ظ…ظٹط¬ط§ظ† 75,000 ط¬ظ†ظٹظ‡
.

كلامك صح التكييف التاتش موجود فى كل الموديلات الفئة التانية حتى فى 2005، أنا مش فاكر ايه اللى ناقص من الحجات اللى فى الفئة التانية فى الموديلات اللى أقدم من 2008 بس تقريباً مثبت السرعة و الحساسات مش موجودين فى قبل 2008

المشاركة الأصلية كتبت بواسطة ragaee

كلامك صح التكييف التاتش موجود فى كل الموديلات الفئة التانية حتى فى 2005، أنا مش فاكر ايه اللى ناقص من الحجات اللى فى الفئة التانية فى الموديلات اللى أقدم من 2008 بس تقريباً مثبت السرعة و الحساسات مش موجودين فى قبل 2008

التكييف التاتش موجود في كل فئات الميجان علي فكرة ماعدا الفئة الاولي من اول 2005 - ثانيا : مثبت و محدد السرعة و البانوراما موجود في العربيات الهاي لاين من اول انتاج 10/2006 - انا شخصيا عربيتي هاي لاين كاملة بالمحدد و المثبت و فتحة السقف و الفرش الجلد الاصلي فرولكس و الجنوط 16 انش الشكل الجديد - و هي اصلي و دي كانت دفعة محدودة التوزيع في 2006-اول 2007
و العربية علي فكرة لا تختلف عن 2008 في اي شيء ماعدا الاضاء البيضاء و الشبكة و الاكصدام الامامي- هو نفس الماتور و الفتيس DPO+ -