الموضوع: محدش عارف النصيب فين ____ انا وهؤلاء

المشاركة الأصلية كتبت بواسطة Raul_7

ايه ده إنت طالبني بالإسم! حقك عليَّ يا سيدي لسة واخد بالي.

أنا مش هأتكلم عن الابيزا عشان مبحبهاش, لا الجديدة ولا القديمة ولا القديييييمة. لو كنت قلت ليون كنت اتكلمت قوي. D:

المهم احنا قعدنا اتكلمنا من هنا للصبح عالجين 2 مش هنخلص فـخلينا نتكلم عالثبات والجري والفرامل.

بالنسبة للجري, الجين مش وحشة قبل ال 100, بس هي أحسن بكتير بعد ال 100, يعني من 100 ل 180 كده هتلاقيها بتعلم على عربيات كتير 1600 بسهولة.

بالنسبة للثبات, هديك تجربة صغيرة كده كنت ماشي عالصحراوي على وخدت غرزة قوية شوية شمال فيمين على حارتين على 155 كم (غلط أنا عارف بس هي جت كده) العربية وانا برد يمين ومكنتش أعرف رد فعل العربية عالسرعة ده هيبقى ايه (لأنها كانت أول مرة) لقيتها قامت لمة نفسها تاني بكل أدب وأخلاق!

بالنسبة للفرامل, كلمتين: الناس بتفتي.

الفرامل زي الفل, وبتوقف بطريقة حلوة تحس العربية بتتسحب من ورا من بتترمي على وشها زي عربيات تانية. برده حتت إنها مابتقفش على طول ده ميزة جامدة لقيناها بتديك تحكم كامل في قوة الفرامل اللي إنت محتاجها مش من أقَل دوسة تلبس في الدريكسيون زي عربيات.

أداء الفرامل بأقوى دوسة من 100 كم بتوقف العربية في وقت حوالي ثانيتين او ثانيتين ونص.

أداء الفرامل من 60 كم أو أقَل مع عمل ال ABS جيد مش ممتاز, يعني في السرعة القليلة بيطول مساحة الفرملة على عكس وانتا على 100 أو أكتر.


شوية الحوارات اللي سمعتها عن السخونة, فيه حالات كتير بيبقى إن الثرموستات بتاع كوع الرادياتير بيعلق فمياه التبريد مبتوصلش وبالتالي العربية بتسخن, مجرد مابيتغير كله بيبقى تمام والعربية بتستحمل أسوأ أيام الصيف الحمد لله بالتكييف كمان.

ده كان ملخص النقاط المهمة, لو عايز تسأل عن حاجة تاني دوس.

>>> يعني انت شايف ردك عامل ازاي يبقي مش منطقي ماقولش اسمك بجد منور وانا اختياري من سنين جينا بس في ناس بتتكلم فقولت اسئلكم لاني بصيت علي الابيزا للفرامل مش اكتر والف مليون شكر علي الرد وسؤال انا إن شاء الله عاوزها مستعمل ماشية من 30 الي 40 الف كيلو تفتكر هي معمرة لما امشي عليهم اكتر بدون مشاكل علما اني بمشي كتير وبس يا احلي اعضاء في احلي قسم اقبلها

المشاركة الأصلية كتبت بواسطة memo_p910

فرامل العربيه الجين ممتازه فعلا وكمان الويرا بتحس ان العربيه بتقفش من الوراء ومش بتترمي لقدام فعلا

ملحوظه جيده من راؤل

فعلا ا.Raul_7 _وا. توت عنخ امون طمنوني عالفرامل
اومال انا اخترتكم ليه لان حبيت الجين من هنا وحبيت استقر علي اختياري من هنا برده لاني بثق فكلامكوا

المشاركة الأصلية كتبت بواسطة MounT

عندك دعوة مفتوحة لقيادة الإليجانس ، دعوة بجد مش مراكبية :d
وبمناسبة مثبت السرعة هو رجع فى موديلات 2011 ، ومستغربش كدة من الناس ، حضرتك بردو كنت من ضمن الاسباب الرئيسية اللى حببتني فى بروتون ،
يعني انا كنت بحبها بس ، انت خلتني اعشقها لما قعدت اتابع مواضيعك وتقاريرك عنها ،
انا من الناس اللى بحب اتابع ردودك ومش عارف بكون متفق معاك غالباً ليه :D
ومواضيعك عن العربية وبروتون فيها الخلاصة تقريباً و مواضيع عدد من الاعضاء ايضاً :) ،
فشوف عاوز قدمك تطأ مركبتي امتي لتنطلق بها حدد زمان ومكان وانا حالياً فاضي :) ، وصندوق الرسائل عندي مفيهوش ولا رسالة حتي:D

صدقتني يا أ. توت انك من زمان خلتني احب الجين +1111111111111111

المشاركة الأصلية كتبت بواسطة Raul_7

العفو يا أحمد مفيش حاجة.

هي العربية معمرة ان شاء الله, يعني فيه واحد معاه 2009 ماشي فوق ال 230 ألف ما شاء الله و العربية علي حسب كلام الي يعرفه حالتها جديدة ماشاء الله ربنا يحفظهالو.

بس أهم حاجة اختار واحده حالتها كويسة مش متهانة.

انا انشاء الله نازل السوق بكره ابص ولا في ملاحظات قولولي علشان اهتم بيها فالعربية وياتري افحصها عند عصام وصفا وهل هيقدر يقولي ايه عيوبها بدون ما تخفي عليهم والتكلفة كام معلش لو بتقل عليكم