رابطة الوحوش ملاك السيفيا (ج2)

**sakr122** · 27-12-2011 11:27 AM

المشاركة الأصلية كتبت بواسطة dfdfdf

أرجو المساعدة العاجلة من أعضاء المنتدى
أنا أشتريت من حوالى 3 شهور كيا شوما 2000 1500cc ماشية 120 ألف كيلو ، جير أتوماتيك و حالتها العامة ممتازة من الفتيس للمتور للعفشة و الدهان فابريقة بالكامل من الأكصدام للأكصدام و مفيش أى شكوى من العربية بل العربية كالزيرو من سحب و نعومة وثبات و max speed يصل إلى 180 كيلو فى الساعة ، إلا المصيبة الكبيرة و هى إستهلاك البنزين المرعب إلىخرب بيتى مصاريف لدرجة أنى بقيت أتجنب أستخدمها و اللجوء إلى سيارة الوالدة ، لفيت على حوالى 5 ميكانيكية و كشفت على المتور بالكميوتر مرتين و النتيجة واحدة و هى السيارة بتعتك ياباشا ما فيهاش أى حاجة و الحريق بتعها مثالى وحساس الشكمان ممتاز و جميع قراءة السيارة ممتازه و الكلام ده أتعمل عند محمد السيد الكهربائى الى فى الدقى ، و غيرت الأتى فى العربية بدون فايده طقم سيور كامل ، بوجيهات ، أسلاك بوجيهات ، حساس tps ، حساس أيدل ، تنظيف رشاشات عند مدحت الى فى المعادى ، تنظيف بوابة ، فلتر هواء ، فلتر بنزين ، زيت موبيل 1 + فلتر زيت 10000كيلو كشف على جميع خراطيم البنزين و التانك، اه انا نسيت العربية بتعمل 120 كيلو فى الصفيحة فى وسط البلد و 200 كيلو فى الصفيحة فى السفر ، مع العلم أن عند سوبارو إمبريزا 4wd 1600 بتعمل 200 كيلو داخل البلد و 320 على السريع .
أسف على الأيطالة و أرجو المساعدة و النصيحة السريعة لأنى بفكر جدياً فى بيع السيارة للتخلص من المشكلة و شكراً

مش عارف ليه حاسس اني باصص لنفسي في المرايه
انا عملت زيك بالظبط وكل الكشوفات بتقول ان العربيه زي ما الكتاب بيقول ونضفت الرشاشات وكنت لسه ناوي اغير البوجيهات وسلك البوجيهات بس انا عندي الحالة احسن شويه يعني الاستهلاك في المتوسط بين ال160 و ال180 جوه البد مع الزحمة وممكن توصل 190 لو استمريت في الحرق على الغيارات يعني لما بافضل ثابت على اني مبغيرش غير على rbm 4 بلاقي الاستهلاك قرب من ال 190وده اللي مشككني انها مشكلة بوجيهات او اسلاك او حاجه في الكهرباء
على العموم ربنا معاك

**sakr122** · 27-12-2011 11:29 AM

قولولي بقى طقم اسلاك البوجيهات الاصلي يعملو كام تقريبا وتفتكرو لو جبت بوجيهات split fire هيكون احسن؟؟

**k_kafory** · 27-12-2011 12:52 PM

نا معايا سفيا 2001 خليكي 1500
العربية الحمد لله تمام بس انا خت بالي في الاوان الاخيرة من استهلاك البنزين
لاكيتة تقريبا بيعمل في الصفيحة ما بين 100 الي 110 كيلو ودة استهلاك عالي قوي قوي
انا سئلت ميكانيكي قالي اني اغير الرشاشات بس مش مقتنع بية
وفية حاجة تانية بلاحظ لما بغير الزيت وباجي ادور السيارة في الصباح بلاقي ان العربية بتلع دخنة كتيرة من الشكمان و مفيش شوية لحد ما تبدا تسخن مش بلاقي دخنة خالص مش عارف اية دة
يااااااااااااارب من افادة بالموضوع
وشكرا

**max_ziro** · 27-12-2011 01:45 PM

اية مشكلة استهلاك البنزين دى
كدة بقت حالة عامة ولا اية العربيات كلها مرة واحدة بتستهلك بنزين جامد هههههههههه
انان هجرب اعمل تجربة و يارب تكون هى السبب
و هى انى هفضى علبة البيئة يمكن تكون كاتمة الماتور و مخلية استهلاك البنزين عالى

دة ب الاضافة انى عندى مشكلة فى كهرباء الازاز بتاعت العربية و شكلها امتدت لعلبة الفيوزات و ربنا يستر
فى كهربائى معرفة رايحلة انهاردة بعون الله لو منفعش شكلة هروح لبتاع الدقى و ربنا يستر ..

**sakr122** · 27-12-2011 03:40 PM

وانا كمان عندي مشكلة في الازاز
بس دي تعليقه بسيطه كده في مفتاح واحد عادي يعني
بس تصدق يا ماكس انا كمان فكرت في علبة البيئة دي لأني عارف انها لما هتتشال كده كده هتريح الموتور بس خايف اكون السبب في تلوث الهواء وهو مش ناقص اساسا
فقلت اغير البوجيهات والسلوك الاول واهي فرصه تكون انت كمان جربت وجبتلنا خبرها :))

**max_ziro** · 27-12-2011 05:19 PM

المشاركة الأصلية كتبت بواسطة sakr122

وانا كمان عندي مشكلة في الازاز
بس دي تعليقه بسيطه كده في مفتاح واحد عادي يعني
بس تصدق يا ماكس انا كمان فكرت في علبة البيئة دي لأني عارف انها لما هتتشال كده كده هتريح الموتور بس خايف اكون السبب في تلوث الهواء وهو مش ناقص اساسا
فقلت اغير البوجيهات والسلوك الاول واهي فرصه تكون انت كمان جربت وجبتلنا خبرها :))

خد بالك من موضوع الازاز دة عشان ابتدى عندى بنفس التعليقة
و بعد كدة بقى بيعلق ف افتح الباب و ارزعة يشتغل
و اكتشفت بعد ما الفاس وقعت فى الراس ان كل دة فى شورت فى المكنة ف بيعمل التعليقة دى و بتعمل قفلة فى كهرباء العربية و سيحت الفردة الشمال فى علبة الفيوزات
ف اكشف عليها احسن و ربنا يسترها علينا و عليك

**الغزالى** · 27-12-2011 06:34 PM

المشاركة الأصلية كتبت بواسطة sakr122

وانا كمان عندي مشكلة في الازاز
بس دي تعليقه بسيطه كده في مفتاح واحد عادي يعني
بس تصدق يا ماكس انا كمان فكرت في علبة البيئة دي لأني عارف انها لما هتتشال كده كده هتريح الموتور بس خايف اكون السبب في تلوث الهواء وهو مش ناقص اساسا
فقلت اغير البوجيهات والسلوك الاول واهي فرصه تكون انت كمان جربت وجبتلنا خبرها :))

المشاركة الأصلية كتبت بواسطة max_ziro

اية مشكلة استهلاك البنزين دى
كدة بقت حالة عامة ولا اية العربيات كلها مرة واحدة بتستهلك بنزين جامد هههههههههه
انان هجرب اعمل تجربة و يارب تكون هى السبب
و هى انى هفضى علبة البيئة يمكن تكون كاتمة الماتور و مخلية استهلاك البنزين عالى

دة ب الاضافة انى عندى مشكلة فى كهرباء الازاز بتاعت العربية و شكلها امتدت لعلبة الفيوزات و ربنا يستر
فى كهربائى معرفة رايحلة انهاردة بعون الله لو منفعش شكلة هروح لبتاع الدقى و ربنا يستر ..

اكيد ... هاتفرق ان شاء الله ... لان الشمكان فى العربيات عندنا صغير ... فا بيخرج العادم بنسبه معينه ... وبالتالى بتلاقى فى ضغط جوه الماتور لان مش كل العادم الى بينتج بيطلع مره واحده ... وكمان الى بيطلع على مابيعدى علبه البيئه و العلبه الاخيره بيكون نسبه صغيره جدا .... فالوشيلنها او كبرنا الشمكان هايفرق جدا جدا جد ... فى استهلاك البنزين و سحب العربيه

-

-

الموضوع: رابطة الوحوش ملاك السيفيا (ج2)

LinkBack

أدوات الموضوع

عرض

-

-

-

-

-

-

المواضيع المتشابهه

رابطة ملاك الكارينز

رابطة الوحوش ملاك السيفيا (ج3)

رابطة الوحوش ملاك الافيو

رابطة الوحوش ملاك السيفيا....الجزء الاول

الى رابطة وحوش السيفيا الحقونى

الكلمات الدلالية لهذا الموضوع

المفضلات

المفضلات

ضوابط المشاركة