الموضوع: رابطة الوحوش ملاك السيفيا (ج2)

المشاركة الأصلية كتبت بواسطة الغزالى

ازيكم يا رجاله ... سؤال فنى العريبه انا فولتها وعملت بنها 50 : 52 كيلو مش فاكر كام بالظبط .. المهم فولت تانى عشان اشوفها اخدت اد ايه .. على الكيلوات دى خدت 6 لتر الا كسور او و كسور .. المهم اعمل ايه ولا ايه الحصل كده كتير اوى

لا كده مش حلو يبقى عربيتك بتمشى 8 كيلو فى اللتر الواحد ودكده يبقى بتاكل بنزين المفروض تمشي 12 كيلو فى اللتر على البطيئ و15 كيلو على السريع ده الكتالوج بس طبعا الكتالوج بيزودها شويه انا عندى بتعمل 10 كيلو فى البطئ و 12 كيلو فى السريع فى اللتر الواحد

المشاركة الأصلية كتبت بواسطة lordlato

متشكر جدا على الرد بس انا كان قصدى هل التوكيل ممكن يكشفلى على حالة الفتيس ولا لأ و معنى كلامك ان مفيش منه جديد حتى التوكيل معندوش ؟؟ و الفتيس جديد م ممكن يتكلف كام ؟

طبعا التوكيل ممكن يكشفلك على الفتيس لكن طبعا مفيش منه جديد حتى عند التوكيل ومش عارف ممكن تلاقي استيراد عند التوكيل ويديلك عليه ضمان ولا لأ اسأل بالتليفون وشوف

المشاركة الأصلية كتبت بواسطة أحمد الجندى

عصام عربيته اتخبطت امبارح من واحد معاه بيجو ريح عليه ترييحة زيادة شويتين من ورا والحصيلة فانوس ورا الشمال مشروخ والاكصدام فك من نفس الناحية والبوية قشرت

بالمناسبة امبارح كان عيد ميلاد عصام

كل سنه وانت طيب يا عصام
شكلك كنت رايح تحتفل بعيد ميلادك احتفال كده ولا كده عشان كده العربيه اتروقت :))
الف سلامه

المشاركة الأصلية كتبت بواسطة spy123

فى كام واحد من السيفياويه بيحط بنزين 80 الفتره الى فاتت ملاقتش 92 حطيت 80 وبعدين لاقيت بنزين 92 فحطيت ده على ده وانا اصلا كنت بحط 90 قبل ما يلغوه كان جميل مشكلتى فى ال92 انه بيتحرق بسرعه مع الجرى ال90 كان معقول جدا مع العلم انى عندى الحمد لله الموتور كويس فى البنزين المهم انا مره زمان برده مكونتش لاقى 90 حطيت 80 بعد كام يوم العربيه كل اما ادورها تبطل ادورها تدور وتبطل روحت كابس بنزين قعدت ادوس كانى بسخن العربيه ده طبعا وانا واقف بقيت كويسه وقولت مش هحط 80 تانى النهارده دورت العربيه دارت روحت اشترى حاجه وقفت ونزلت جيت اركب تانى وبدور عملت حركه كده كانها برده كانت عاوزه تبطل وبعدين دارت فعاوزين نتكلم على موضوع البنزين ال80 ده ونتناقش فيه وليه حل ؟؟؟؟؟ ولا نحط 92 على 80 ؟؟؟؟؟ لان ال92 مش مريحنى بصراحه بيطير بسرعه وكمان السيفيا مش نازله 92 وديه نقطه مهمه عشان كده ال90 كان كويس معاها جدا -------فى حاجه تانيه انا كان عندى دبه ورا مع المطبات المهم كان عندى 2 مساعدين بالسوست بتاعتهم سليمه كنت جايب 2 استيراد ركبتهم وشيلت الى كانو موجودين رغم انهم كانو سلام المهم بعد ما ركبتهم تانى وشيلت الاستيراد الى كنت مركبهم وكانو قاعدين معايا فتره طويله اكتر من سنه العربيه بقيت مظبوطه وال4 مساعدين بقو فى المطبات بيتحركو نفس الحركه مع بعض بس فى صوت زى تكه كده او دبه فى كام مطب مش على طول او لما يكون فى حد قاعد ورا حد يعرف ده ايه؟؟؟؟؟؟؟؟؟؟؟؟ مع العلم انى خليت الميكانيكى بتاعى هوا الى يركبلى المساعدين وانا كنت معاه انا الى فاكتله الكنبه الى ورا ومعاه خطوه بخطوه وهوا فاهم مش حمار وبيشتغل عفشه لناس معينه الى هما حابيبو بعنى والحمد لله انا منهم --------وحاجه اخيره بقى بمناسبه الصيف عاوزين نتكلم على صيانه التكييف وعاوزين نعرف هنحتاج نشحنه ولا هنعمل ايه ولو نقدر احنا الى نعمله من غير من نروح لحد طبعا يبقى احسن معلش انا طولت عليكم يا رجاله والف شكر

انا قعدت حوالي 6 شهور احط بنزين 80 وكان ماشي معايا كويس طبعا في الاول كان فيه كركره وبعد كده راحت خالص والسحب كان معقول جدا ومكانش عندي مشكلة التبطيل او البرجلة دي لكن مع ازمة البنزين رجعت لل 92 تاني واهه بالمره يبقى ضميري مستريح
على العموم البرجلة دي ممكن جدا تكون رواسب في البنزين لو انت بتمون من بنزينه مش نضيفه وممكن يكون عشان كده خليك في ال 92 احسن يا امل تتبع دايمه تغيير الفلاتر وتحط منظف دورة بنزين باستمرار
بالنسبة للتكييف انت هتحتاج تروح لحد كويس يقيس الشحن ولو محتاج شحن يشحنهولك ويستحسن لو تلاقي حد يفكلك المروحة الداخليهو التلاجه وينضفهملك هتحس بفرق كبير

المشاركة الأصلية كتبت بواسطة dfdfdf

يا جماعه إستفسار ، أنا عندى فى العربية لما بنور النور أو أفتح و أقفل الأزاز العربية بتترج على خفيف ، ده ممكن يكون أيه ، و عندى نور التكييف كان قوى و لكن فجأه لأيته بقى خافت جداً فهل ممكن يتقوى تانى أو حتى لمبته تتغير و شكراً .

الرجه دي بسبب الكهرباء اللي بتتسحب عشان تشغل الحاجات دي واكيد انت بتحس بيها وانت واقف بس مش وانت ماشي بيتهيألي دي حاجه عاديه بس ممكن برضو تخلي كهربائي يبصلك عليها يمكن يكون النور محتاج كتاوت ولا حاجه
ونور اللتكييف ده ممكن تغيرله اللمبات بتاعتو عند الكهربائي عشان فك الجزء ده رخم شويه وعاوز حد فاهم

انا هافحص العربيه يوم 10 اللي جاي وبدأت رحلة السمكرة والدوكو ادعولي بقى
وبمناسبة التظبيط بقة احب اقولكم ان الكبالن الاستيراد اللي انا لسه مركبها من شهر بتطقطق والحمد لله بس انا كده كده كنت مركبهم اصلا عشان الكبالن الداخليه بس وان شاء الله لو فاض معايا فلوس هابقى اجيب جوز كبالن كوري ولو مفاضش هخليها تطقطق كده وخلاص مع اني عندي كوبلن قديم سليم جدا ومش عارف بقى ينفع اشتري كوبن واحد ولا لازم الاتنين؟؟