رابطة الوحوش ملاك السيفيا (ج2)

**SPY123** · 02-04-2012 03:13 AM

المشاركة الأصلية كتبت بواسطة mas0h

معلومة ممكن تفيدك: لو الكنترول اللى بيتحكم فى الابواب كلها اللى هو بيبقى فى الباب بتاع السائق فيه مشكلة او مش راكب عمر الازاز ما يرفع ولا ينزل حتى من الزراير المنفصلة بكل باب. دى عن تجربة.

شكرا جدا يا فندم لاهتمام حضرتك بس انا عندى كان شغال من الكنترول ومن ورا بس لما فكتهم تقريبا حصل قفله او حاجه زى كده فانا عاوز اعرف حلها ايه ممكن انا اعرف اوصله ولا لازم اروح لكهربائى وشكرا جدا يا فندم لزوقك

**roland_yamaha** · 02-04-2012 11:53 AM

المشاركة الأصلية كتبت بواسطة engwms

انا عندى زرار المرايات ما بيحركش المرايات غير فى الاتجاه اللى فوق بس
كده الزار يبقى عاوز يتغير ولا ممكن يتنضف ويشتغل عادى
وهل فيه منه جديد او مثلا بتاع عربية تانية ينفع يركب مكانه

أول خطوة تعملها تفك الفيشة من زرار المرايأت وتنضف باسبراي أكاي وتسيبهم ينشفوا وبعدين جرب
لو مفيش تغير يبقي تشتري زرار جديد ب 60 جنيه صعب تلاقيه
أو استيراد ب 80 جنيه عند ابوادهم في الوكالة أو حمدي علي في الحرفين

**roland_yamaha** · 02-04-2012 11:56 AM

المشاركة الأصلية كتبت بواسطة spy123

شكرا جدا يا فندم لاهتمام حضرتك بس انا عندى كان شغال من الكنترول ومن ورا بس لما فكتهم تقريبا حصل قفله او حاجه زى كده فانا عاوز اعرف حلها ايه ممكن انا اعرف اوصله ولا لازم اروح لكهربائى وشكرا جدا يا فندم لزوقك

واضح ان في زرار عامل قفلة فلازم تروح لكهربائي يبصلك عليه عشان مش هتعرف لوحدك

**the9ranger** · 02-04-2012 09:13 PM

يا جماعه انا بدرو على شرح لخريطه علبه فيوزات كيا سيفيا

**eldmrane** · 02-04-2012 11:07 PM

هوة يا جماعة العربيات بتبوظ مع بعض ولا اية ههههههه انا عندي التحكم بتاع الزراير في زرار اتكسر وزرار عامل قافة عايز انزل اجيب واحدة استيراد ملحظ الرابطة كلها عربيتها باظت فيها مفتيح الازاز هههه

**max_ziro** · 03-04-2012 06:06 AM

المشاركة الأصلية كتبت بواسطة eldmrane

هوة يا جماعة العربيات بتبوظ مع بعض ولا اية ههههههه انا عندي التحكم بتاع الزراير في زرار اتكسر وزرار عامل قافة عايز انزل اجيب واحدة استيراد ملحظ الرابطة كلها عربيتها باظت فيها مفتيح الازاز هههه

فكرتنى بنفسى اتفلحلس يوم و نزلت فكيت لك الزرير قال اية بنضفها
ههههههههههههههههه
و فضلت اسبوع دايخ عشان احل مشكلة الكهرباء عندى و فى الاخر طلعت بناية الفيشة مصدية هههههههههههههههه

**max_ziro** · 03-04-2012 06:08 AM

المشاركة الأصلية كتبت بواسطة the9ranger

يا جماعه انا بدرو على شرح لخريطه علبه فيوزات كيا سيفيا

عندى بس مش هيفيدك فى حاجة عشان كل الى موجود بتاع الكاملة منها و ملياااااااااااانة حجات مش غتدنا و كلها حجات راكبة على بعضيها .

**max_ziro** · 03-04-2012 06:11 AM

المشاركة الأصلية كتبت بواسطة spy123

يا جماعه انتو زعلانين منى ولا ايه محدش بيرد عليه ليه ؟ طيب لو زعلانين قولولى زعلانين ليه ؟؟؟

حد يقدر يزعل منك ياباشا .؟؟

**max_ziro** · 03-04-2012 06:12 AM

المشاركة الأصلية كتبت بواسطة sakr122

طبعا التوكيل ممكن يكشفلك على الفتيس لكن طبعا مفيش منه جديد حتى عند التوكيل ومش عارف ممكن تلاقي استيراد عند التوكيل ويديلك عليه ضمان ولا لأ اسأل بالتليفون وشوف

كل سنه وانت طيب يا عصام
شكلك كنت رايح تحتفل بعيد ميلادك احتفال كده ولا كده عشان كده العربيه اتروقت :))
الف سلامه

انا قعدت حوالي 6 شهور احط بنزين 80 وكان ماشي معايا كويس طبعا في الاول كان فيه كركره وبعد كده راحت خالص والسحب كان معقول جدا ومكانش عندي مشكلة التبطيل او البرجلة دي لكن مع ازمة البنزين رجعت لل 92 تاني واهه بالمره يبقى ضميري مستريح
على العموم البرجلة دي ممكن جدا تكون رواسب في البنزين لو انت بتمون من بنزينه مش نضيفه وممكن يكون عشان كده خليك في ال 92 احسن يا امل تتبع دايمه تغيير الفلاتر وتحط منظف دورة بنزين باستمرار
بالنسبة للتكييف انت هتحتاج تروح لحد كويس يقيس الشحن ولو محتاج شحن يشحنهولك ويستحسن لو تلاقي حد يفكلك المروحة الداخليهو التلاجه وينضفهملك هتحس بفرق كبير

الرجه دي بسبب الكهرباء اللي بتتسحب عشان تشغل الحاجات دي واكيد انت بتحس بيها وانت واقف بس مش وانت ماشي بيتهيألي دي حاجه عاديه بس ممكن برضو تخلي كهربائي يبصلك عليها يمكن يكون النور محتاج كتاوت ولا حاجه
ونور اللتكييف ده ممكن تغيرله اللمبات بتاعتو عند الكهربائي عشان فك الجزء ده رخم شويه وعاوز حد فاهم

عايزين نعرف يا عصام كنت رايح فيين ؟؟

**max_ziro** · 03-04-2012 06:14 AM

المشاركة الأصلية كتبت بواسطة sakr122

انا هافحص العربيه يوم 10 اللي جاي وبدأت رحلة السمكرة والدوكو ادعولي بقى
وبمناسبة التظبيط بقة احب اقولكم ان الكبالن الاستيراد اللي انا لسه مركبها من شهر بتطقطق والحمد لله بس انا كده كده كنت مركبهم اصلا عشان الكبالن الداخليه بس وان شاء الله لو فاض معايا فلوس هابقى اجيب جوز كبالن كوري ولو مفاضش هخليها تطقطق كده وخلاص مع اني عندي كوبلن قديم سليم جدا ومش عارف بقى ينفع اشتري كوبن واحد ولا لازم الاتنين؟؟

ربنا معاك و يقويك على مصريفها ..

الموضوع: رابطة الوحوش ملاك السيفيا (ج2)

LinkBack

أدوات الموضوع

عرض

-

-

-

-

-

-

-

المواضيع المتشابهه

رابطة ملاك الكارينز

رابطة الوحوش ملاك السيفيا (ج3)

رابطة الوحوش ملاك الافيو

رابطة الوحوش ملاك السيفيا....الجزء الاول

الى رابطة وحوش السيفيا الحقونى

الكلمات الدلالية لهذا الموضوع

المفضلات

المفضلات

ضوابط المشاركة