الموضوع: قدر الله وما شاء فعل ... العربية اتخبطت .

المشاركة الأصلية كتبت بواسطة m_nabil

قدر الله وما شاء فعل ربنا يعوض عليك فداك يا عم رفرف المهم أنك بخير
حصل موقف مشابه بس كنت راكن ولما رجعت لقيتها مخبوطة الراجل جابلى الجانب الشمال كله من أول الرفرف الخلفى لحد الرفرف الامامى الشارع كان دايق وهو داخلها حشر فبوظلى الجنب وخربش فردتين من الجنط وقطع حته من فرده كاوتش
المهم لما تحب تعمل محضر يبقى عندك حل من اثنين
1- تتصل بالنجدة من مكان الحدث يبعتولك أمين شرطة أو ضابط بس طبعاً مش هيجيلك غير بعد ساعة ونص ساعتين وأطراف الحادث موجودين محدش يمشى
2- لو مستعجل تطلع على القسم بس تكون واخد رخص السواق ونمرة العربية بحيث انك يبقى معك بياناته وتعرف توصله في حالة انك عاوز ترجع عليه بالتعويض

ازيك يا محمد وربنا يسترها علينا جميعاً .
بالنسبة ل 1 انا كنت هعمل كدة فعلاً علشان اعلمه احترام ملكيات الغير وانه ميبقاش مستهتر ويبوظ عربيات الناس كدة ... بس للأسف كان هيقف الشارع فى عز الزحمة وعلشان كدة اتحركت .
اما 2 كنت عاوز اخدها فعلاٍ بس مرديش ولما خبط العربية التانية بعدى بشوية قولنا نطلع على القسم بقى ومكناش نعرف انه هيحاول يهرب .
انا عارف انه مش هيحصل حاجة فى المحضر بس كنت عاوز اعمل اى حاجة ممكن تحسسه بغلطه بس .

المشاركة الأصلية كتبت بواسطة omar_fekry

قدر الله و ماشاء فعل يا احمد باشا .. المهم ان حضرتك بخير و متزعلش نفسك
بس اهم حاجه الخبطه اثرت على حاجه جوه ولا لا ؟

لا الحمد لله يا فكرى .

المشاركة الأصلية كتبت بواسطة ahmod

وحاول بعد كدة لو حصل موقف زي ده تاني وان شاء الله مش هيحصل
انك قبل ماتمشي من مكان الحادثة وتكون طالع على القسم يكون معاك رخصة اللى خبطك او بطاقته

لا بعد كدة هاخد حقى وقتى ... لأنه بعد ما اتمسكن عمل فيها العفريت وهرب وكان ممكن يخلينى اعمل حوادث والموضوع يتطور اكتر .