الموضوع: قدر الله وما شاء فعل ... العربية اتخبطت .

قلبى حاسس من امبارح ان هتحصل حاجة ... حاسس انى مصاب وفيه حاجة مش مظبوطة .
امبارح وانا رايح الشغل لاقيت الناس كلها زى ما يكونوا متأمرين عليا وعاوزين يلبسونى فى حاجة (مع انه بقى العادى اليوميين دول بس مش بالشكل ده) لاكن كان فيه أحساس زيادة انا مجربه قبل كدة فى عربيات سابقة بأن هتحصل حاجة .
ووأنا راجع برضوا أمبارح من الشغل لاقيت الحرارة عليت على غير العادة زى ما حكيت فى موضوع (اركن على جنب) .
النهاردة بقى واحد أبن ...... كملوا انتوا بقى مكان النقط من المينى باصات الخضراء خبط العربية وهو بيلف فى ملف فى مصطفى النحاس .

الحمد لله انها جت على قد كدة وطالما في الحديد يبقى فداك

الواحد بيحزن لما بشوف عربيته مخبوطة لكن في الاخير لازم نقول الحمد لله

وحاول بعد كدة لو حصل موقف زي ده تاني وان شاء الله مش هيحصل

انك قبل ماتمشي من مكان الحادثة وتكون طالع على القسم يكون معاك رخصة اللى خبطك او بطاقته

وربنا يعوضك ان شاء الله انا شايف التجريحات اللى في الباب دي بوية هتطلع بتنر عادي مافيش فيها مشكلة

والرفرف ان شاء الله يتعمل ويترش ويبقى زي الفل او ممكن تجيب واحد جديد