الموضوع: انا خبط عربية و انا اللي غلطان

للآسف الشرطة في مصر مش عارفين تقريبا حاجة و مفيش أي تعليم بيأخدوه للتحقيق في حوادث الطرق

ربنا يرحمنا من أم البلد دي و الناس اللي فيها اللي عايشة بأستعباط
و أنا آسف على لهجة الحوار علشان أنا مخنوق من السواقين عموما و اللي بشوفه كل يوم على الطريق

مستغرب اوى من ردود الناس ..هو فعلا يعتبر غلطان عشان معملش حساب العربيات اللى وراه وانه ممكن يلبس حد فيه من ورا بس الغلط من الاساس على اللى ورا .. و غالبا وقتها كان تايه وبيسال سواق المكروباص عن طريق معين يروحه ازاي زي اي واحد فينا بيسال
وطبعا لو هيسال الصح انه يركن اقصى اليمين وينزل يسال بس مهما كان اللى جاي من ورا هو اللى غلطان .هو ده القانون
انا شايف من وجهة نظري ان الغلط على اللى ورا وطالما رضي بالفلوس خلاص

المشاركة الأصلية كتبت بواسطة Medo007

مستغرب اوى من ردود الناس ..هو فعلا يعتبر غلطان عشان معملش حساب العربيات اللى وراه وانه ممكن يلبس حد فيه من ورا بس الغلط من الاساس على اللى ورا

أساس الغلط عليه من ساسه لرأسه (حد يقف في وسط الشارع و يوقف الطريق وراه علشان يسأل )

.. و غالبا وقتها كان تايه وبيسال سواق المكروباص عن طريق معين يروحه ازاي زي اي واحد فينا بيسال

كلنا بنتوه و بنسأل بس مش في نص الشارع و نوقف الطريق ورانا
وطبعا لو هيسال الصح انه يركن اقصى اليمين
كلام صحيح 100 %
وينزل يسال بس مهما كان اللى جاي من ورا هو اللى غلطان .هو ده القانون

معاك في أن القانون دائما بيغلط اللي ورا خصوصا لما بيكون الطريق ماشي و أنت مش سايب مسافة أمان .
و معاك برضه أن صاحب العربية اللي ورا غلطان

انا شايف من وجهة نظري ان الغلط على اللى ورا وطالما رضي بالفلوس خلاص

إنما بصراحة العالم الباردة اللي معندهاش أحساس و اللي كتروا قوي بيخلوا الواحد ما يتعاطفش معاهم لأنه بارد و معندوش دم و متكاسل و مش عايز ينزل يسأل .
و العالم دي كترت قوي نتيجة لعدة أشياء :
انتشار الفوضى في الشوارع و عدم وجود شرطة دائما .
و الناس اللي بتعمل كدا ناس باردة معندهاش احساس بغيرها وبصراحة (يستاهلوا اللي يحصلهم )

السبب الأهم هو أساسا عدم وجود تطبيق حازم لأستخراج رخص السيارات من يوم ما العربيات دخلت مصر
مش مبارك بس .......... من يوم ما العربيات دخلت مصر و مفيش نظام و زاد الموضوع مع زيادة عدد السيارات و قلة التعليم العام و الوعي ....... و زيادة البرودة و الأنانية و عدم الأحساس عند قطاع عريض من الشعب و قلة تطبيق القانون

يا راجل ده المرور في مصر ....... مـــُــــصــــــــيــــــ ــبــــــــــة
أحنا اللي خرمنا التعريفة و دهنا الهوا دوكو
و لية تمشي محترم لما ممكن تغلس على غيرك و تمشي مش محترم و توصل أسرع

دى عالم بهايم محدش يقف فى نص الطريق هو طريق ابوة

نم وارتاج يا عم وربنا يعوض عليك فى ال100 جنية والاكصدام الى اتحرك عندك انت مش عندوا

المشاركة الأصلية كتبت بواسطة elawany13

طيب تقولوا ايه على ناس متخلفة من سواقين التوكتوك والميكروباص والملاكى كمان بالذات العربيات المتهالكة والقديمة قوى
الكاوتش بيتخرم
وبيقف فى نص الطريق يصلح الكاوتش
موقف بيتكرر دائما على كل الطرق سواء ترابيه أو متسفلته
وحتى على الطرق السريعه
والله بيبقى هاين عليا اشيله من جنب عربيته وهوه بيصلح الكاوتش
مرة بكلم واحد وبقوله مينفعش كده
قالى قضاء ربنا يابيه
الكاوتش اتخرم وبصلحه ومينفعش امشى كده
قولتله ياعنى مينفعش تركن على جنب وتصلحه !!!!
مفيش فايده
البهايم بهايم

للآسف التصرفات دي بتكون نتيجة للجهل بقواعد السواقة
و الجهل بقواعد تشغيل المخ أصلا (اللي هو أول ما السواق المصري بيكرب عربيته بيرمي مخه في تابلوه العربية و بيسوق من غير مخ لغاية ما يوصل )
و كمان نتيجة أن في مصر أي حد بيطلع رخصة سواقة بكل سهولة و يسر و بدون أي مشاكل طالما دفع المعلوم لأمين الشرطة.
لا فيه تعليم سواقة و لا فيه جودة تعليم و بالتالي الموضوع متروك لتقدير كل واحد
و هاتنتظر أيه من تقدير واحد جاهل بأي شئ حواليه و حتى جاهل بسلامته الشخصية ؟؟؟

يا راجل امس واقف على طريق الواحات و ألاقي واحدة بجين 2 (للآسف ) تقف على يسار الطريق محلك سر علشان تنزل تبص على الكاوتش
تخيل تقف في الحارة السريعة محلك سرعة و في ملف كمان علشان تنزل تشوف الكاوتش !!!!!!!
وواحدة شكلها متعلم و معاها ناس شكلهم متعلم (شكلهم أهلها )

البلد مفيهاش فايدة بدون قانون حازم و رادع يوقف البهايم دي عند حدها