انا خبط عربية و انا اللي غلطان

**dr_abooody** · 17-11-2011 12:06 AM

السلام عليكم

النهاردة راجع بعد يوم طويل شغلو كلة تمام

ماشي في الطريق هو انا كنت سريع شوية

المهم لقيت 128 واقف و بيكلم ميكروباص وواخد نص الشارع و مخى حارة و نص الناس تعدي

انا دوست فرامل العربية مش بتقف هوب خابط في من ورا طريتة 2 متر

الخساير عندة الشنطة اتطبقت لجوة و لفت و الرفرف اتنى جامد لجوة الشنطة مش بتقفل طبعا المسافة كبيرة الفانوس اتكسر عايزة زرجينة و الباب حتى عندة بقى بيفتح بالعافية

انا الحمد لله الاكصدام اتحرك من مكانة بسيطة

المهم انا نزلت و اعترفت بغلطي و الراجل اعد يقول تصلحالي على حسابك انا بصراحة صعبان علية لاني بهدلتلة العربية الناس قالت 50 ج انا اديتة 100 بس مش حاسس اني صلحت غلطتي بردة
و انا مش بحب انام و حد بيدعي عليا

بس اكيد هو بردة مشارك في الغلط لان محدش يقف في نص طريق ضيق كدة

يا ريت اسمع اراء حضراتكم

**eng.m7md.ali** · 17-11-2011 12:12 AM

ويدعي عليك ليه .. انت اللي تدعي عليه لانه غبي
الحمد لله جات سليمة وكويس انك بخير
وهو حسبي الله ونعم الوكيل فيه انه واقف وقافل الطريق

**ahmed_mido1889** · 17-11-2011 12:13 AM

معلش الوقوف بيكون في اقصي اليمين مش في نص الشارع

هو غلطان ومتشيلش هم

نام وانت مستريح

**dr_abooody** · 17-11-2011 12:33 AM

المشكلة راح جة بقى واحد امين بمتوسيكل و اعد يقول ان القانون المصري يبقى انت كدة الغلطان
انا قولت اخلص الموضوع بدل محضر و كدة روحت خلصت بالفلوس

**eng.m7md.ali** · 17-11-2011 12:38 AM

هو القانون المصري بيقول انه يقف في نص الطريق يتكلم عادي ؟؟ فعلا بلد متخلفة

**ahmed_mido1889** · 17-11-2011 12:39 AM

ما الامين هيستعبط قوله في حد بيقف صف تاني هو ده القانون

دي بيقولك خطأ الجاني استغرق خطأ المجني عليه

**dr_abooody** · 17-11-2011 12:40 AM

المشاركة الأصلية كتبت بواسطة ahmed_mido1889

ما الامين هيستعبط قوله في حد بيقف صف تاني هو ده القانون

دي بيقولك خطأ الجاني استغرق خطأ المجني عليه

معاك حق كلام سليم

**Amr Axel** · 17-11-2011 12:45 AM

لا حضرتك مش غلطان محدش بيقف كده ده تهريج منه و استهبال
و الامين اللي قالك كده كنت رديت عليه هو تلاقيه مش عارف اللي حصل فجيه رمي الكلمتين و مشي
هو في القانون اساسا اللي ورا هو اللي بيبقي غلطان لكن في الحالة ديه هو اللي غلطان

**authority973** · 17-11-2011 03:25 AM

المشاركة الأصلية كتبت بواسطة axel

لا حضرتك مش غلطان محدش بيقف كده ده تهريج منه و استهبال
و الامين اللي قالك كده كنت رديت عليه هو تلاقيه مش عارف اللي حصل فجيه رمي الكلمتين و مشي
هو في القانون اساسا اللي ورا هو اللي بيبقي غلطان لكن في الحالة ديه هو اللي غلطان

القانون مفيهوش كلام, اللى خابط من الخلف هو الى غلطان حتى لو كان واقف فى نهر الطريق , انا رحت القسم قبل كده فى حادث واتأكدت من كده, ده قانونا,
بعيدا عن القانون بقه الراجل بتاع ال 28 اكيد غلطان انه واقف فى نص الطريق, لكن انت كام مره وانت سايق بتشوف ناس واقفين او حتى راكنين فى نص الطريق, معنى كده ان انا اخبط فيهم وابقى مش غلطان, طاب افرض الطريق وقف مره واحده, الخلاصة, الأتنين غالطانين والغلط الاكبر يقع على الى خبط من الخلف - الى هو صاحب الموضوع- بالنسبة لصاحب الموضوع الحمد لله اولا ان هى جات بسيطه وماحدش حصله حاجة, بس زى ما قال عضو اخر طالمامشى الطرفان متراضيان, خلاص يبقى حضرتك عملت الى عليك اديته الفلوس وراضيته, ومجرد ان الراجل بتاع ال 28 يمشى اصلا, بنسبه كبيره معناها انه راضى, لأنه لو مكانش راضى مكانش مشى من مكانه, وكل يوم الناس بتعمل حوادث وتخبط فى بعضيها فالحمد لله على شىء ومتشغلش بالك.

الموضوع: انا خبط عربية و انا اللي غلطان

LinkBack

أدوات الموضوع

عرض

انا خبط عربية و انا اللي غلطان - انشر الموضوع فى :

-

-

-

-

-

-

-

المواضيع المتشابهه

دخلت في عربية وعايز اعرف مين اللي غلطان

يا ريت لو غلطان أعرف غلطان فى ايه؟؟؟

اللي عنده عربية حديثة مدشدشة لا للتجار اللي بيمصوا دم المصلحة

أنا أسف أنا غلطان أنا اللي اتهنت يا سيدي

عند ال u tern مين فينا اللي غلطان؟

الكلمات الدلالية لهذا الموضوع

المفضلات

المفضلات

ضوابط المشاركة