الموضوع: أزاى نغير فلتر بنزين الماروتى ؟

المشاركة الأصلية كتبت بواسطة hamaza81

المسمار الأبيض اللي حضرتك لعبت فيه دا غالبا بتاع الهوا وهو مسمار عادي صغير بس شفت في بعض العربيات مركبينله غطاء أبيض بلاستيك بحيث التحكم فيه يبقى أفضل

المسمار التاني دا وغالبا بيبقى معدني دا بتاع البنزين

ماتقعش في نفس غلطتي
انا لعبت في المسمار دا كتير وكان عندي استهلاك البنزين عالي ولما غيرت البوجيهات كانت مهببة على الآخر
كنت بعمل الصيانة وغيرت طقم كهرباء (أبلاتين وكوندنسر وبوجيهات) وبعد كدة الميكانيكي ظبطلي الكهرباء ووهو بيظبط الكربراتير قالي الهواء عندك مفتوح على الآخر ودا يخلي العربية تستهلك بنزين كتير
وظبطلي الدنيا والحمد لله رجعت تمام
نصيحة لو عايز تظبط الدنيا غير البوجيهات بالمرة واظبط الكربراتير عند ميكانيكي - ولو عايز تريح دماغك شوف بنزينة بتظبط كربراتير بالكمبيوتر واشتري دماغك وماتلعبش في الكربراتير كتير عشان ممكن من كتر اللعب المسامير تهوي ودي ما ببتغيرش

والسلام

ياخبر أبيض !!!!
فعلاً غيرت البوجيهات النهاردة بنفسى ، وطلعت مهببة فعلاً وسودا على الآخر !!!
أنا هنزل دلوقتى أرجع كل الزيادات اللى عملتها فى المسمارين دول وربنا يكرم وترجع تانى زى الأول !
بس فى حاجة غريبة دلوقتى بتحصل ، العربية الصبح بتبطل لما بسخنها لما الشفاط يرجع على الآخر ، يعنى طول مالشفاط مشدود شغالة كويس جداً ولما برجعه سنة سنة مفيش مشكلة لغاية لما يرجع على الآخر شوية والعربية تبطل !!
وكمان بلاقى تنتيش على السرعات القليلة لازم أدوس بنزين ! ياترى أيه السبب ؟
مع خالص شكرى وتقديرى