كيف تفحص سيارة تمبرا عند الشراء

**heshamzaky** · 19-11-2011 04:05 PM

أرفع العربية بكوريك من الامام و بص على العفشة و تأكد ان الكاوتش بتاع الكبالن و صوابع الميزان و علبة الدريكسيون بحالة جيدة مش متقطع لان تغير الكلام دة بفلوس

الشكمان أغلب الظن بيبقى راكب فية سوستة بعد المشترك زى الى فى الصورة

**heshamzaky** · 19-11-2011 04:20 PM

المشاركة الأصلية كتبت بواسطة JUVENTUS

تمام كده يا باشا
و تكمله للمشاركه 14 نزل برضو صور الثرموستات ال 3 طرف سواء الازرق او الريكامبي الاسود

صورة الترموستات بتاعت ال الرادياتير الاصلية و دى بتبقى 3 طرف

و دى صورة الفيشة الى بتركب فى الترموستات و طالع منها 3 أسلاك كهرباء لانها 3 طرف و المروحة بتشتغل سرعتين عالى و واطى

**JUVENTUS** · 19-11-2011 05:27 PM

في حاله ان العربيه مكيفه و التكييف مش شغال يفضل نتاكد من ان كل مكونات التكييف موجوده و لا لأ لانه ساعات بيكون مهمل جدا و كل جزء من دول يسوى فلوس و شغل و بيغير في سعر العربيه
السربنتينه و دي بين الشبكه الاماميه و الرادياتير

الكومبريسور : و ده لو انت واقف في وش العربيه هتلاقيه على شمالك تحت ورا الرادياتير و ده شكله

كويل التبريد ( الثلاجه): و ده موجود ورا التابلوه داخل الهاوزينج الخاص به و ده شكل الهاوزينج كامل

عشان نعرف الكويل ده موجود و لا لأ هنشوف الماسورتين بتوعه طالعين من صدر العربيه عند علبه الباور و الديجيبلكس و لا مش موجودين
و دي صوره للكويل اللي جوه الهاوزينج و واضح فيها الماسورتين بتوعه اللي على اليمين تحت شويه

دي اهم اجزاء التكييف الاساسيه اللي بتكون مكلفه شويه في صيلنتها او تغييرها اي اجزاء تانيه زي الخراطيم او فلتر التكييف مثلا بتكون اسهل بالطبع

**heshamzaky** · 04-12-2011 01:46 PM

لو التمبرا الى بتشتريها ايطالى مش المصرى الزجاج بيبقى مكتوب علية سنة صنع العربية و بيشار الية برقم واحد و جنبة اصفار
يعنى لو التمبرا موديل 94 حا تلاقى مكتوب ....4
زى الى فى الصورة كدة
و الغرض من الموضوع التاكد أن صاحب العربية مش مغير ابواب مثلا فى العربية بنفس اللون علشان يقول انها فابريكا تماما الا بقى لو هو خبير شوية و عارف الموضوع دة و اثناء شرائة للابواب الى بنفس لون العربية نقى و لقى نفس لون و سنة صنع سيارتة

**heshamzaky** · 04-12-2011 02:26 PM

المشاركة الأصلية كتبت بواسطة ahmadmidop

تسلم ياكبير

العفو يا باشا و بجد و الله العظيم كل واحد فى رابطة التمبرا حا تلاقية متميز فى حاجة و شاطر فيها
مستنى من رجال التمبرا النزول بخبرتهم فى الموضوع

**misoalex** · 04-12-2011 03:29 PM

استاز هشام استاز كبير والله :)

واحب اضيف لكلامك ان العربيه لو مصرى حيبقى مكتوب على الزجاج كله حتى الزجاج الامامى اللوجو بتاع شركه النصر

وده يثبت ان العربيه دى مصرى
واى ازاز فى العربيه مش مكتوب عليه اللوجو ده بخلاف باقى العربيه تعرف على طول ان الازاز ده اتغير اما اتكسر او فى حادثه او الباب كله اتغير بالازاز

ده بالنسبه للتمبرا فيه عربيات تانيه مصرى غير التمبرا الازاز مش عليه لوجو شركه النصر

**heshamzaky** · 04-12-2011 03:40 PM

يا باشا العفو يا استاذ
و على فكرة التمبرا المكيفة الزجاج بتاعها ملون شوية مش شفاف لانة معالج ضد الحرارة بنسبة معينة
و حتى التمبرا الاستيراد الزجاج مش كلة زى بعضة فية نوع مكتوب علية كلمة dok دة معالج شوية ضد الحرارة

**mohamed9999** · 05-12-2011 11:44 AM

معلشى سؤال جانبى هو العربيه النضيفه تعمل من كام لكام

**JUVENTUS** · 05-12-2011 01:13 PM

المشاركة الأصلية كتبت بواسطة mohamed9999

معلشى سؤال جانبى هو العربيه النضيفه تعمل من كام لكام

1400 بدون تكييف من 25000 الى 28000 دي غالبا بتكون الموديلات الافدم من 90 الى 93
1400 بالتكييف من 30000 الى 33000
1600بدون تكييف من 30000 الى 35000
1600 مكيقه من 34000 الى 40000
الاسعار دي كده بالتقريب و طبعا كل ما العربيه كانت اغلى حالتها هتبقا احسن و الشغل اللي بيتعمل فيها اقل
و لو حد من الزملاء عنده تعليق اكيد هيقوله

-

الموضوع: كيف تفحص سيارة تمبرا عند الشراء

LinkBack

أدوات الموضوع

عرض

-

-

-

المواضيع المتشابهه

مطلوب شراء سيارة تمبرا

رايكم في سيارة تمبرا 1991

سيارة تمبرا للى بيحب التمبرا

تسعير سيارة تمبرا ؟؟

سيارة تمبرا فبريكة للبيع

الكلمات الدلالية لهذا الموضوع

المفضلات

المفضلات

ضوابط المشاركة