عملت صيانه ال 20000 على أيدى وبعيد عن التوكيل

**asus_matrix32** · 20-11-2011 02:06 AM

بصراحه أنا مش بحب حد يشتغلنى وشغل التوكيلات حراميه من الدرجه الاولى مع العلم أنهم فاهمين فى شغلهم بس مش بالطريقه دى كل الحكايه أنى قولت أنا خلاص هبعد عن سكه التوكيل نهائى وعملت الصيانه بمعرفتى والتكلفه بالضبط كانت
زيت توتال كوارتز 9000 ب 260 ج من أى بنزينه توتال
فلتر زيت رينو أصلى ب 40 ج من أى بنزينه
فلتر هواء أصلى ب 70 ج من شارع دمشق لأنى بالصدفه كنت هناك
طقم بوجيهات 2 شمعه يابانى ب 80 ج ومش عارف فضلت اليابانى عن الاصلى بتاعها ليه
والمصنعيات كانت بالتالى
تغير زيت وفلتر ب 10 ج فى لبنزينه
وفلتر الهواء والبوجيهات أنا اللى ركبتهم بنفسى
وبكده الصيانه تكلفتها وصلت ل 460 جنيه تقريبا نفس تكلفه تغير زيت وفلتر زيت فى التوكيل
لى طلب صغير أوى من الاخوه فى المنتدى ياترى كده فيه حاجه تانى ناقصه ؟غير فلتر التكييف مع العلم أنى لفيت عليه شارع دمشق ملقتهوش وأستفسار بخصوص تغير دوره الريداتير كل كام الف ك ؟
وزيت الفتيس بيتغير ولا بيتزود وكل كام الف ك وفلتر البنزين برضه

وعايز أضيف شىء صغير أوى أن اللى خلانى أكره التعامل مع التوكيل أنى فى صيانه ال 10000 دفعت حوالى 470ج على أيه بقى
تغير زيت وفلتر زيت فقط
لا نظفوا فلاتر الهواء والتكييف زى ما قالوا وأكتشفتها عن طريق الصدفه بعد الصيانه بيومين
ولا زودوا ولا نقصوا غير الزيت والفلتر ومن ساعتها فقدوا مصدقياتهم معى
وعايز من كل الاعضاء اللى بيتعاملوا مع التوكيل ينتبهوا ويفحصوا العربيه قبل ما تخرج من التوكيل على كل حاجه قالها المهندس أنها هتتعمل وبالمناسبه أنى فى صيانه 10000 كان مستوى الزيت أعلى من المطلوب وده برضه أكتشفته بعد الصيانه بيومين وحاجه تانى لاحظتها أن فى الصيانات المجانيه العربيه ممكن تطلع بعد خمس ساعات لكن فى صيانتى بتاعت ال 10000 خلصت فى أقل من نص ساعه والله العظيم يعنى ماشيين أبو بلاش خليه يركن وأبو فلوس شقلب وأقلب علشان ميزهقش من الانتظار وبعدها يكع الفاتوره ويتكل على الله
أنتبهوا من فضلكم ويارب أكون أفدت بعضكم من تجربتى مع صيانه التوكيل وتجربتى
مع صيانتى أنا

**ahmadmidop** · 20-11-2011 04:08 AM

مبروووووك يامعلم وخطوة جميلة .... وفعلا التوكيلات كلها استغلاااااال ............ انا هرد على استفساراتك على قد معرفتي بالنسبة لفلتر البنزين معرفش هوا فين في اللوجان بس مثلا عندي في الباليو في بطن العربية يتغير من تحت كلبسين يتفكو وتشيل وتحط ... وده بيتغير كل 20000 اوبمزاجك ... دورة التبريد لسه شوية ممكن على ال 40000 وزيت الفتيس 60000 ... وان شاء الله رجالة اللوجان يفيدوك

**georgedada82** · 20-11-2011 08:41 AM

مش كل الموديلات فيها فلتر تكييف

**asus_matrix32** · 21-11-2011 12:31 PM

ميرسى كتير على الرد أستاذ أحمد
ومنتظرررررررررررررررررين الرد من الشباب

**albasha** · 21-11-2011 12:49 PM

دورة التبريد كل سنتين أو حسب مانوال السياره ودايماً راجع كتيب الصيانات علشان تعرف فترات التغيير للفلاتر أو الزيوت علشان مش تغير حاجه مش في ميعادها وبالتالي تخسر اكتر ما تستفيد