الموضوع: سؤال محيرني.ازاي ممكن حد يجيله قلب يدفع150الف في عربيه كوري!!!!!!!!!!!

علي فكرة انا مبكرهش في حياتي اد الكرولا دي
من بعد الموديل الي كشافاتة مدورة كلة زبالة في رئيي
ومعلش كمان مبحبش اي عربية جر امامي خالص ( عشان تعرف لية مبحبش الكوري والياباني بالزات ) هاتلي عربية كوري بكرا ودفع خلفي واول واحد هشتريها انا حتي لو مفيهاش باب :)

صدقني مش بحب الياباني كلة بردو يعني بعشق السوبارو ومبحبش الانسر بس بحب الايفو لانها دفع رباعي
انا مستعد اركب عربية نص نقل 2 كابينة ومركبش عربية جر امامي كوري او ياباني تخيل انت بئي

وصدقني مش متعصب اصلا لاي عربية لان انا صدقني لو لقيت عربية كوري فيها الي انا بحبة هجيبها
الحكاية مش كلها اقتصادية ان دي تتباع اسرع ودي الكل بيشتريها
انا مبحبش الطريقة الاقتصادية البحتة دي انا مهما كان المبلغ الي معايا قليل ممكن اجيب بية حاجة علي مزاجي بردو ومش لازم اجيب الي الناس كلها عايزاة يعني
الناس مش هتركب مكاني وتحب العربية بدالي وتكون مستمتعة بيها بدالي ياجدعان
يعني انا عن نفسي لو لقيت عربية شيفرولية موديل 57 زي الي كانت مع رشدي اباظة في فيلم الزوجة 13 هشتريها واظبطها وهبق مبسوط جدا اني راجبها مع ان معظم الناس هتقولي مجبتش دايو لانوس لية

بالنسبة للسيراتو اهي




وانا شايف ان الخبطة مش جامدة عشان تعمل فيها دا كلو لان العربية اتخبتط علي الطريق ومش مخبوطة من قدام الا لو اعتقدنا انة ماشي بجمبة علي سرعة 150 مثلا
ولاحظ كدا القايم عامل ازاي والباب ورق ازاي دا حتي مفيهوش قايم واحد يوحد ربنا للحد من الصدمات
لاحظ تحت الباب كدا العربية مشقوقة بالعرض لحد الباب التاني وباينة من الناحية التانية لو حابب اوريهالك اوك بس الصور بتحمل بصعوبة بس
شوف حتي العجل الخلفي اتحررك من مكانة
لو كمان بصيت للدوران الي بيبق في الباب من جوة هتلاقية داخل جوا العربية وهو مقطوم يعني حاد جدا ولو جة في رقبت حد قول علية السلامة
شوف في الصورة التانية الحرف المقطوم لقايم السقف وقولي انت شايف حديد قايم ولا صاج علبة سمنة الهانم :)
ياراجل دا القايم الي الناحية التانية كان بيفكر يتفك هو كمان
وبص للصاج كدا وصولي شايف صاج ولا ورق زي ورق غلاف الكتب؟
انت لو ركزت في باقي الصور هتلاقي ان العربيات دي مهزلة بمعني الكلمة