الموضوع: هو استهلاك البنزين للفيورا 127 اد ايه بالضبط ؟

بالنسبة للاستهلاك ليه واحد زميلى فى الشغل بيحط بنزين 80 و بيعمل 240-260 كم فى الصفيحة و عامة لو الكاربراتير مظبوط باسمع دايما انه فوق ال 200 كم

موضوع الانجكشن ده صعب عشان انت حتجيب ال Throttle Body بالمنيفولد و ما افتكرش ان فى منيفولد حديث يركب على المكنة بتاعتك

الوتور امره سهل , هات موتور Uno I.E اللى هو 1000 سى سى حيبقى تحفة على العربية, بس ده حيحتاج لشوية شغل سمكرة فى حوض العربية عشان نظبيط القواعد و الحاجات دى
انا فى واحد صاحبى مركبة عنده و العربية ما شاء الله تمام

و ممكن برضو كذا موتور اكبر من كده بس بيبهدلو العبية زى 1400,1600 تمبرا و لانشيا
و موتور الاونو التيربو ال 1400

الفيورا معايا بتاخد 3 لتر والفلتر متركب ذى ما هوا أما لو هتغير الفلتر بتاخد 3.5 لتر
وما تزودش زيت زيادة عن المطلوب علشان الزيادة كدة كدة حتخرج برة الموتور وتترشح علية

المشاركة الأصلية كتبت بواسطة Abdm

ألف شكر يا سبعاوى على ردك والحمد للة ان انت بخير
ويا ريت باقى ردود الاعضاء عاوزين نوصل لاعلى معدل استهلاك هى كدة مع سبعاوى عاملة حوالى 17 كيلو/لتر يعنى حوالى 340/20 لتر

ياريت يا أخ سبعاوى تقولى هى لية عاملة معايا المعدل دة 220/20 لتر

عايز أعرف نحل مشكلة استهلاك البنزين الزيادة دة ازاى يا ريت المساعدة يا شباب

والله يا أخويا Adbm انا بأضم صوتي لصوتك لان عندي نفس المشكله 210 ك في الصفيحه برغم عمل أكس وباب عند الحاج ابراهيم بشبرا وتأكيدهم ان الكاربيراتير نظيف ومفهوش حاجه و تغيير طقم كهرباء وفلاتر كلها و ضبط زوايا وترصيص و ضبط هواء العجل و السخونه مش عاليه مش بتعدي ال90 تكيهات مضبوطه ومتراجع عليها بس برضه مفيش فايدة الواحد خايف يقايس ويجيب كاربيراتير جديد وميحصلش تغيير
ياريت حد يكون من النوع السبعاوي كدة خدوم يقولنا نعمل أيه أفيدونا أفادكم الله

معدل الاستهلاك فى عربيتى فيورا 86 هو300 كم طريق مفتوح