المارد الكورى كان عايز يلبسنى

**shaddadfalcon1** · 11-12-2011 12:31 PM

المشاركة الأصلية كتبت بواسطة minicooper20

مش كل الناس بتقدر تمسك نفيا يا سعد باشا والله وانا هاحول اهدى باذن الله

على فكره يا استاذ احمد احنا مش مختلفين على دى خالص
بس ده كان هيموتنى قبل مشتمنى و برضو انا غلطان انى رديت السوء بالسوء بس برضو مش مبرر و انا عارف........... نقطه خلافى مع حضرتك هى الابتلاء بالنعمه.......... لاكنى انو شتمنى و انى لبستو و انو كان هيموتنى فا ده انا غلطان فيه و انتا قولتلى انتى غلطان و انا قولت فعلن......
رؤيه واضحه اهى خالص
صدقنى الكلام براحه و بدون حده بيجيب نتيجه هايله فى وجدان اى حد
و تانى مره فرصه سعيده يا احمد بيه

الله يكرم اصلك ده من زوقك و الله الواحد بيغلط بس برضو بيتعلم من غلطو مهما كان
والله انا مشفت حد فى غل و لا شر الشاب بيتاع الفرنا ده
اه رد الفعل كان عنيف بس الجزاء من جنس العمل
و انا برضو واثق انى غلطان
و فرصه سعيده يا كبير و شرف ليا تشريفك للتوبك

سعد مين ياباشا :)
اسمي هيثم

**yoko** · 11-12-2011 02:00 PM

النهارده ابن .......... بإسبيرانزا 516 كان هيلبس فيا وهو بياخد غرزه من أقصي اليمين لأقصى الشمال وقفت على الفرامل دخل قدامي بفرق صباع والله مش أكتر زمرتله شتم بالإشارات وجري جبته وزنقت عليه تزنيقة خفيفة وسبته قعد يجري ورايا وكان عاوز يلبسني نفخته من غير غشوميه بس هو إتغاشم على نفسه في غرزة وكان هيلبس
المصيبه إن معاه ناس كبار غالبا والدته وجدته وبيعمل كده!!! طيب ده يتعمل فيه إيه

**shaddadfalcon1** · 11-12-2011 03:38 PM

المشاركة الأصلية كتبت بواسطة yoko

النهارده ابن .......... بإسبيرانزا 516 كان هيلبس فيا وهو بياخد غرزه من أقصي اليمين لأقصى الشمال وقفت على الفرامل دخل قدامي بفرق صباع والله مش أكتر زمرتله شتم بالإشارات وجري جبته وزنقت عليه تزنيقة خفيفة وسبته قعد يجري ورايا وكان عاوز يلبسني نفخته من غير غشوميه بس هو إتغاشم على نفسه في غرزة وكان هيلبس
المصيبه إن معاه ناس كبار غالبا والدته وجدته وبيعمل كده!!! طيب ده يتعمل فيه إيه

برده انت غلطت نفس الغلطه انك استفزيت
كان الكلاكس كفايه قوي

**yoko** · 11-12-2011 04:07 PM

المشاركة الأصلية كتبت بواسطة shaddadfalcon1

ﺑﺮﺩﻩ ﺍﻧﺖ ﻏﻠﻄﺖ ﻧﻔﺲ ﺍﻟﻐﻠﻄﻪ ﺍﻧﻚ ﺍﺳﺘﻔﺰﻳﺖ
ﻛﺎﻥ ﺍﻟﻜﻼﻛﺲ ﻛﻔﺎﻳﻪ ﻗﻮﻱ

ﺍﻟﺒﻴﻪ ﺯﻧﻖ ﻣﺘﻌﻤﺪ ﺍﻛﺘﺮ ﻣﻦ ﻣﺮﺓ ﻗﺒﻞ ﻣﺎ ﺍﺗﺠﻨﻦ ﻋﻠﻴﻪ ﻭﺑﻌﺪ ﻣﺎ ﺯﻧﻘﺘﻪ ﺍﻭﻝ ﻣﺮﺓ ﺳﺒﺘﻪ ﺟﻪ ﺯﻧﻖ ﺗﺎﻧﻲ ﻭﺑﻴﻠﺒﺴﻨﻲ ﻣﺘﻌﻤﺪ

**minicooper20** · 13-12-2011 06:31 AM

المشاركة الأصلية كتبت بواسطة yoko

ﺍﻟﺒﻴﻪ ﺯﻧﻖ ﻣﺘﻌﻤﺪ ﺍﻛﺘﺮ ﻣﻦ ﻣﺮﺓ ﻗﺒﻞ ﻣﺎ ﺍﺗﺠﻨﻦ ﻋﻠﻴﻪ ﻭﺑﻌﺪ ﻣﺎ ﺯﻧﻘﺘﻪ ﺍﻭﻝ ﻣﺮﺓ ﺳﺒﺘﻪ ﺟﻪ ﺯﻧﻖ ﺗﺎﻧﻲ ﻭﺑﻴﻠﺒﺴﻨﻲ ﻣﺘﻌﻤﺪ

الناس اتجننت يا يوكو

**graffittiii** · 15-12-2011 10:15 PM

المشاركة الأصلية كتبت بواسطة Ahmod

معلش مع احترامي لحضرتك يا فورميلاتور وانت والله ربنا يعلم من اكتر الاعضاء اللى بحترم ردودهم في المنتدى هنا

لكن انا مش متفق معاك والكلام ده مش في الجون ولا اي حاجة

بالعكس ده انت ممكن لما تقفل غرزة على واحد جاي مجمع من ورا يلبس في اللى قدامه او ممكن يتغاشم وياخدها وسعتها انت قفلتها بزيادة يعني هيخبط فيك وهيخبط في اللى قدامه

انا رأيي الشخصي احسن تصرف في حاجة زي كدة لمسة فرملة منك هتفتحله الغرزة وهتخليه يعدي اكن ماحصلش حاجة

والله العظيم انا كتييييييير اوي لولا لمسة الفرملة دي عربيات كتير اوي وهي بتاخد غرز من قدامي بتبقى هتلبس فيا ! بس اتعودت اني بمجرد اشوف واحد جاي هيلطش الغرزة اروح مفرمل شوية عشان افتحله الطريق

لو مش عشانه عشان نفسي واللى حولية

ياأحمد باشا في واحد بيدخل الغرزة وهوه متأكد 100% إنها مقفولة .... ومعتمد علي أن هو اللي قلبه ميت هيرمي عليك وأنت هتفرمل وتفتحهاله عشان أنت بقي الشاب اللي قلبه ورق وهو بطل راليات .......
زي اللي أنت وصفته بالظبط ف الجملة اللي بالأزرق يعني أنت لو مفرملتش هتلبس ...
يبقي نقفلها من بدري ويقف علي دماغه بقي ....

... خد بالك من كلمة بدري دي يعني مش بعد مايكون علي بعد 4 متر نقفلهالو وإلا كده يبقي بنتغابي ...

أنما لو الغرزة أصلا مفتوحه أكيد محدش هيقفلهالو يعني أحنا مش بنرخم ولا حاجة والله لكن ميجبرنيش أني أخاف وأوسعله عشان هي مش عافيه ... لو هو شايفها عافية يبقي يخلي العافيه تعديه بقي ....

وده اللي كان بيقوله فورميلاتور أن اللي بيعدي لازم ماحدش يحس بيه زي الهوا .

...

**حماده المصري** · 15-12-2011 10:43 PM

بصراحه انتوا الاتنين غلطانين من الالف للياء

ولو في دوله في قانون قوي شويه كنتوا بقيت حياتكوا قضيتوها مواصلات وتكاسي

على العموم انسى

ولما تجري اعرف انك لا تلبس حد ولا تخلي حد يلبسك

انا بجري كتير جدا وبيبقى القدامي عارف انه بيلبسني

ب انا مش تعبان في دماغي عشان اجري بتهور واغامر والاقي نفسي لابس

انا بجري وبعرف اشوف ايه اللي قدام اللي قدامي وعمري ما لبست زي كده

وبرضو مع كل ده انت متضمنش ثانيه من عمرك او عمر حد تاني

**Hossam_Zaky** · 15-12-2011 11:58 PM

أسمحولي اقول رأي متواضع
في ظل ظروف البلد الحالية انت مش عارف اللي بيشد معاك ده وراه أيه يعني ممكن يكون شاب سيس زي ما بيقولو أو يكون سارق العربية ( وما أكثر حاليا ) و اللي سارق العربية مش حيفرق معاه انه يخبط العربية أو حتي يفرمها و علي الجانب الأخر أنت باقي علي عربيتك

و ده تأكدت منه قبل الثورة مع عربية قفلت عليا بغباوة و كان حيلبسني و الدم غلي كالمعتاد و شديت وراه و فجأة عربية بوليس بتجري تعديني و تحاول توقفه رحت مهدي السرعة تماما وسبتهم يعيشو مع بعض

بعد الثورة كان فيه وسيلة مشهورة لسرقة العربيات واحد ييجي يحك عربيتك او يخبطها بسيط تقوم تجري توقفه و تعرض عربيتك ادامه و تنزله تتفاجئ ( وده حصل امام صديقي ) بعربية تانية فيها 4 أفراد او أكتر بتقف جنبك و تتثبت بالأسلحة و يكتبوك مبايعة بعربيتك كمان

نهايته لو بتاع الفيرنا كان أبن 000 خلينا أحنا ولاد ناس و بغض النظر عن موديل أو أمكانية أو سعر العربية سيبه يغور و أن كنت شخصيا مبسوط انك لبسته لأنه يستاهل بس الموضوع كان ممكن يكون نهايته مختلفة و ناس مالهاش زنب في العربيات اللي حواليكم تتأذي

و في الأخر بما ان حضرتك راكب بي أم دبليو معتقدتش أنك مستني عربية محدودة الأمكانيات تقارن أمكانيات عربيتك بيها حتي لو صاحبها غشيم و عاوز الناس كلها تعرف أن الفيرنا أحسن من البي أم دبليو !!!!

لما حضرتك تحب تجري و لك مزاج أختار الأول الطريق و بعدين أبعد عن الغشيم في سواقته و شد مع اللي يحترم الطريق

الكلام ده مع أحترامي للفيرنا كسيارة في حدود الأمكانيات اللي مطلوبة منها ( عائلية و ليست للسباق )

-

-

الموضوع: المارد الكورى كان عايز يلبسنى

LinkBack

أدوات الموضوع

عرض

-

-

-

المواضيع المتشابهه

باركولي يا جماعة ! بقيت من ملاك المارد الكوري

عندما يصارع المارد الكوري ماردا آخرا !

المارد الكوري والصني

عايز اشترى اريال عادى ايهما افضل الصينى ولا الكورى

عايز اعرف اسعار قطع غيار الافيو2007 الكورى

الكلمات الدلالية لهذا الموضوع

المفضلات

المفضلات

ضوابط المشاركة