المارد الكورى كان عايز يلبسنى

**Raul_7** · 06-12-2011 08:36 AM

المشاركة الأصلية كتبت بواسطة autotycoon

انت اللي نزلت لمستواه
استفزك اية و بتاع اية ... هو انت عيل صغير ؟؟ انا اللي بيشدوا مع بعض على الطريق بحسهم اطفال اوي

و على كوبري اكتوبر كمان؟!!

+11111

ماتزعلش مني يا ميني كووبر, بس بصراحة انت السبب في كل الي حصل من الأول.

Bmw يشد مع فيرنا؟ و علي كوبري 6 أكتوبر! يا راجل..

**kar!m** · 06-12-2011 09:38 AM

بص فى نوعين من الناس .. فى ناس بتشد بأدب و ذوق و فاهم هو بيعمب ايه .. دول أنا بشد معاهم و بعديه و بيعدينى و كده.

ونوع تانى غشيم أو قليل الأدب .. دول بهدي و اسيبه يعدى ولا أحطه فى دماغى أصلا.

من فترة بسيطة كان فى واحد راكب بيجو 504 برضه بيجرى بغشومية كده .. و أنا كنت بجرى أنا و كورولا .. لقيت بتاع ال 504 ده غشيم هديت و سبته يعدى .. شفته قدامى كان بياخد غرزة من راس تريللا بيجرى زنقه وخبط فى التريلا من الجنب ولف قدام التريللا و التريللا زقه قدامه و الجنب بتاعه اتدمر.

**sanhory** · 06-12-2011 09:52 AM

ولا غلطان ولا حاجة انت برنسسسسسسس

ايه يعني جربت تشد معا واحد عمال يستفزك وقلت توريه مقامه كتيييير قوي بتحصل ,

كان يبقى غلطان لو كان هو اللي راح لبتاع الفيرنا و عمال يستفزه(ساعتها حنقول عامل عقله بعقل فيرنا)

انما اللي حصل العكس بتاع الفيرنا اللي عامل عقله ب 523 ولما اتروق عايز يلبس الراجل وكمان شتمه خلاص يبقى يستاهل 100 مره اللي حصله

الى صاحب الموضوع انت برنسسسسسسسسس

**tameraast** · 06-12-2011 10:01 AM

انت مغلطش فى اى حاجه

انتى خلصتنا من لطخ حقير

ولا تحس ناحيته باى نوع من انواع تأنيب الضمير

كلب وراح

**amoor89** · 06-12-2011 10:26 AM

طبعا الزملاء وضحوا لحضرتك انك كنت غلطان فعلا انك تشد مع كائن زى ده اللى من الواضح انه متعلمش سواقة عربيات بنى أدمين
وهو برده غلطان لانى اللى اعرفه انى لما ابقى متأكد انى مش قد الحاجة اللى مقدم على فعلها يبقى معملهاش اصلا
لذلك هو كده خد جزاءه وشكرا ولا تزعل نفسك نهائى
ده رأيى الشخصى
تحياتى

**Formulator** · 06-12-2011 11:47 AM

يا جماعة معلش,
أنا شايف ان minicooper20 مش غلطان فـ أى حاجة,
فيه عيال ولاد تييييييييييييت بيبقوا منفسنين, وعندهم حاجة فـ دماغهم..؟؟!!!
سواء علمت عليه و نفخته , أو عربيتك انظف من عربيته (لـ مجرد شكل أو ماركة العربية).. بيبقى عايز يضايقك ويغلس عليك وخلاص..؟؟!!!
ويا سلام لو عملت Sprint أو غرزتين جامدين قدامه.. بيبقى متغاظ جدا , وبتلاقيه جاى حااااااارق وموتوره هيفرقع, وبيقرب منك بطريقة Agressive أوى لدرجة الغشومية..؟!!

ليـــــــــــــه يا عم الضغينة دى , دا شد وجرى كام دقيقة.. وبعدين شكرا كل واحد من طريق..؟؟!!!

أحنا اتكلمنا فـ الموضوع ده قريب أنا و smsm_kane بتاع قسم الهوندا, (حصل معاه موقف مشابه), واتفقنا على أصول الشد:

- الجرى والشد لاااااااااااازم يكون Friendly.. يعنى No Hard-feelings أعديك تعدينى مفيش مشكلة..!
- لازم تخاف على نفسك, وعـ اللى بتشد معاه, وكماااااااان عـ الناس اللى ماشية معاكم فـ الطريق..

يعنى: ماتاخدش غرزة وانت عارف انه هياخدها وراك.. وتكون هى على قدك بس, كده انت بتلبسه, اشارات ولمس فرامل.. عشان ياخد باله.. مثلا.
- ماتقفلش عليه لو لقيته جاى وحاااااارق وهيعديك, وسعله وشد انت كمان, و حصله وعديه (طالما انت سواق بقى)..!! لكن غلاسة وتزنيق.. لأ.
- وفـ الآخر (لما الطريق يقفل أو مفترق).. تحية بالأدب, وسلام.. أديكو جريتو بعض شوية..!!

فيه ناس تستمتع لما تشد معاهم, وفيه عيال Sh*t الأفضل تنفضله خاااااالص, فاكس الشد معاه..
btw: بيبان من شكل عربيته (متروشه Local, بأفورة) أو متخبطة.. ومن طريقة سواقته..؟؟!!!

يا جماعة والله الشد والجرى ليه أصول وأخلاقيات زى السواقة بالضبط: فن وذوق..!!

Edit: أجمد تعليق فـ الموضوع بتاع tameraast: "لطخ حقير, كلب وراح"

**Elawany13** · 06-12-2011 12:23 PM

بصراحة انتوا الاثنين غلطانين
ربنا يهدينا ويهديكم يااااااارب

حسبى الله ونعم الوكيل

حرام عليكم نفسكم
حرام عليكم عربياتكم
حرام عليكم صاحب العربية العطلانة
حرام عليكم الناس اللى ممكن تموت بسببكم
علشان عبث وتهريج وكلام فااااااااااارغ

وبعدين نعيب على سواقين التوكتوك والنقل والموتوسيكلات
إتقوا الله
واعتبروا من الناس اللى بتروح فطيس بذنب وبدون ذنب

**minicooper20** · 06-12-2011 06:55 PM

المشاركة الأصلية كتبت بواسطة amoor89

طبعا الزملاء وضحوا لحضرتك انك كنت غلطان فعلا انك تشد مع كائن زى ده اللى من الواضح انه متعلمش سواقة عربيات بنى أدمين
وهو برده غلطان لانى اللى اعرفه انى لما ابقى متأكد انى مش قد الحاجة اللى مقدم على فعلها يبقى معملهاش اصلا
لذلك هو كده خد جزاءه وشكرا ولا تزعل نفسك نهائى
ده رأيى الشخصى
تحياتى

والله هو الاستفزنى لدرجه انو كان عايز يزنق عليا

المشاركة الأصلية كتبت بواسطة formulator

يا جماعة معلش,
أنا شايف ان minicooper20 مش غلطان فـ أى حاجة,
فيه عيال ولاد تييييييييييييت بيبقوا منفسنين, وعندهم حاجة فـ دماغهم..؟؟!!! :019f3b~14:
سواء علمت عليه و نفخته

, أو عربيتك انظف من عربيته (لـ مجرد شكل أو ماركة العربية).. بيبقى عايز يضايقك ويغلس عليك وخلاص..؟؟!!!
ويا سلام لو عملت sprint أو غرزتين جامدين قدامه.. بيبقى متغاظ جدا :_alshmokh08[1]:, وبتلاقيه جاى حااااااارق وموتوره هيفرقع, وبيقرب منك بطريقة agressive أوى لدرجة الغشومية..؟!!

ليـــــــــــــه يا عم الضغينة دى

, دا شد وجرى كام دقيقة.. وبعدين شكرا كل واحد من طريق..؟؟!!!

أحنا اتكلمنا فـ الموضوع ده قريب أنا و smsm_kane بتاع قسم الهوندا, (حصل معاه موقف مشابه), واتفقنا على أصول الشد:

- الجرى والشد لاااااااااااازم يكون friendly.. يعنى no hard-feelings

أعديك تعدينى مفيش مشكلة..!
- لازم تخاف على نفسك, وعـ اللى بتشد معاه, وكماااااااان عـ الناس اللى ماشية معاكم فـ الطريق..

يعنى: ماتاخدش غرزة وانت عارف انه هياخدها وراك.. وتكون هى على قدك بس, كده انت بتلبسه, اشارات ولمس فرامل.. عشان ياخد باله.. مثلا.
- ماتقفلش عليه لو لقيته جاى وحاااااارق وهيعديك, وسعله وشد انت كمان, و حصله وعديه (طالما انت سواق بقى)..!! لكن غلاسة وتزنيق.. لأ.
- وفـ الآخر (لما الطريق يقفل أو مفترق).. تحية بالأدب, وسلام..

أديكو جريتو بعض شوية..!!

فيه ناس تستمتع لما تشد معاهم, وفيه عيال sh*t الأفضل تنفضله خاااااالص, فاكس الشد معاه..

btw: بيبان من شكل عربيته (متروشه local, بأفورة) أو متخبطة.. ومن طريقة سواقته..؟؟!!!

يا جماعة والله الشد والجرى ليه أصول وأخلاقيات زى السواقة بالضبط: فن وذوق..!!

edit: أجمد تعليق فـ الموضوع بتاع tameraast: :pointiy2[2]: "لطخ حقير, كلب وراح"

طيب انا هقولك انا اصلن دى عربيتى ابويا مش بشد بيها خالص جيه استفزنى قولت نجرى شويه و نستمتع بالعربيه القيه مجرد مخدت منو غرزتين و مفتوحين انو يخدهم ورايا راح جاى و ماشى قدامى و فجاة القى عربيه عطلانه و هو غرازها و انا وراه طبعا كنت هموت بكلمو شتمنى فاحلفت لالبسو
انا والله كان معيا جيتا و دلوقتى باراتى و الاتنين على قدهم فى الشد مهما اتقطعت مبعملش شغل الرخيص ده ابدا و بحيه
زى واحد بجولف 6 شد معيا على طرق الاسماعليه من بعد الهيكستب كده لحد بور سعيد حطين على بعض و اهديلو و يهديلى كان شاب محترم
الحمد الله انو عداها على خير بس الناس بقت وحشه اوى

المشاركة الأصلية كتبت بواسطة elawany13

بصراحة انتوا الاثنين غلطانين
ربنا يهدينا ويهديكم يااااااارب
:t_thum1[1]:
حسبى الله ونعم الوكيل

حرام عليكم نفسكم
حرام عليكم عربياتكم
حرام عليكم صاحب العربية العطلانة
حرام عليكم الناس اللى ممكن تموت بسببكم
علشان عبث وتهريج وكلام فااااااااااارغ

وبعدين نعيب على سواقين التوكتوك والنقل والموتوسيكلات
إتقوا الله
واعتبروا من الناس اللى بتروح فطيس بذنب وبدون ذنب

حقك عليا يا باشا

-

-

الموضوع: المارد الكورى كان عايز يلبسنى

LinkBack

أدوات الموضوع

عرض

-

-

-

-

-

المواضيع المتشابهه

باركولي يا جماعة ! بقيت من ملاك المارد الكوري

عندما يصارع المارد الكوري ماردا آخرا !

المارد الكوري والصني

عايز اشترى اريال عادى ايهما افضل الصينى ولا الكورى

عايز اعرف اسعار قطع غيار الافيو2007 الكورى

الكلمات الدلالية لهذا الموضوع

المفضلات

المفضلات

ضوابط المشاركة