المارد الكورى كان عايز يلبسنى

**el_nahal2004** · 07-12-2011 01:27 PM

المشاركة الأصلية كتبت بواسطة Mahmoud Saloum

يا جماعة حد يشد فوق كوبرى؟ يعنى الغلطة او التعويمة اوقفلة الغرزة على الضيق اوغشومية قائد أخر لعربية ممكن يكون لسة بيتعلم هتكون بحياة حد فيكو؟ كمان بالذمة فى بى ام 523 يشد مع فيرنا يعنى بتشد مع عربية تمنها واحد على عشرة من تمن عربيتك! طيب ماهو انت لو سبقت هيقول بسبب العربية وعنده حق ولو هوا اللى سبق هيبقا هوا سويق وبرم وانت لسة مبتدئ يعنى فى الحالتين انت اللى خسران!!!! وفى الأخر لو عربياتكم مش غالية عليكم وارواحكم مش غالية عليكم فاعملوا حساب للناس اللى ممكن تفقد حياتها بسببكم وساعتها هتتحاسبوا ادام ربنا على انكم قتلتم نفسا بغير حق. وشكرا

الله يفتح عليك

**grand hand** · 07-12-2011 07:36 PM

ربنا يسترها مع الجميع

**شاهين - بنز** · 07-12-2011 08:03 PM

الصراحة أما كنت بشد مكنتش بشد غير عالمحور بس طريق مفتوح وطويل ونضيف ومفهوش ناس بتعدي الشارع والدكر فيه بيثبت نفسه

أما بالنسبة لبتاع الفيرنا فده لو وقعته من عالكوبري فبرضه حلال فيه لإن إللي عمله ده نوع من أنواع البلطجة والعيال السو دي بتوع (ياقابتن)عارفهم وفاقعني من زمان
لأن لو كل واحد ساب حقه حتبقى خرابة يعني الواد بتاع الفيرنا ده حيفكر ألف مرة بعد كده قبل مايلبس حد تاني لإن ساعتها حيفتكر إللي حصله والمصاريف إللي دفعها وإن مش كل الناس حتسكتله

**minicooper20** · 08-12-2011 02:54 AM

المشاركة الأصلية كتبت بواسطة mohammedabdallh

حضرتك مش غلطان علشان هو الى بدء
غلطتك انك لبسته وكان ممكن يموت فيها
او يطير وينزل على اى حد تحت الكوبرى ويموت ناس معاه

ميرسى يا صحبى

المشاركة الأصلية كتبت بواسطة bouda205

عداك العيب و اكتر من كده حلال فيه و هوه اللى بدأ و البادى اظلم

عندك حق

**minicooper20** · 08-12-2011 02:58 AM

المشاركة الأصلية كتبت بواسطة maryano

بصراحة الحته الواحيدة اللي مبحبش اشد فيها هو كوبري 6 اكتوبر بحس ان الغلطة فيها ب حدثه

انا شايف انك مكنتش المفروض تجري معاه اساسااا خليه يعم يلعب مع نفسه شويه بس طالمااا هو بيحي الاذيه لللناس و يلبس الناس لبعض يبقي يستهال اللي حصلو علشان يتعلم

نورتنى يا معلم

المشاركة الأصلية كتبت بواسطة mohamadfawzy

ربنا يسترها مع الجميع

يا رب

المشاركة الأصلية كتبت بواسطة شاهين - بنز

الصراحة أما كنت بشد مكنتش بشد غير عالمحور بس طريق مفتوح وطويل ونضيف ومفهوش ناس بتعدي الشارع والدكر فيه بيثبت نفسه

أما بالنسبة لبتاع الفيرنا فده لو وقعته من عالكوبري فبرضه حلال فيه لإن إللي عمله ده نوع من أنواع البلطجة والعيال السو دي بتوع (ياقابتن)عارفهم وفاقعني من زمان
لأن لو كل واحد ساب حقه حتبقى خرابة يعني الواد بتاع الفيرنا ده حيفكر ألف مرة بعد كده قبل مايلبس حد تاني لإن ساعتها حيفتكر إللي حصله والمصاريف إللي دفعها وإن مش كل الناس حتسكتله

المحور ده يما شديت عليه بالجيتا
بس مشكبته ان فيه ناس بتكون واقفه عند المنصوريه و سلم الصحراوى و فيه ناس بيخدو غرز من اليمين فمبقتش اشد عليه علشان ماذيش حد

**MNabeih** · 08-12-2011 05:41 AM

هو يستاهل بصراحة,
بس بردو خاف علي نفسك في المقام الاول , لأنه ممكن بدل ما انت تلبسه يروح مخيش فيك و تلبسوا انتو الاتنين.
انا عارف ان ساعات الواحد لما الادرينالين بيعلا عنده و هو بيشد عقله ممكن يغيب شوية بس خاليك انت اللي مسيطر

**mailo** · 08-12-2011 12:44 PM

للأسف إنت غلطت
بس أنا لو مكانك كنت هغلط زيك كده تمام

**golfawyzz** · 08-12-2011 02:58 PM

إستفسار
لو كنت لبست فى العربيه اللى كانت عطلانه دى ... كنت هتعيش حياتك ازاى لما تخسر عربيتك بسبب فيرنا !!

بص .. فى حكمه حلوه اوى بتقول
لاتجادل الاحمق .. فقد لا يستطيع الناس التفرقه بينكما

انت مش عربية مطارده هتجرى ورا كل عربيه بتجرى جمبك
وبعديم حتى لو جريت .. اجرى مع حاجه اللى راكبها يخاف عليها وبيجرى عادى مش بيجرى غشم وتلبيس

**graffittiii** · 08-12-2011 08:54 PM

المشاركة الأصلية كتبت بواسطة formulator

+1
كثيرجدا بيبقى لااااااااازم تقفل الغرزة على واحد زى كده.. مش غلاسة, بس عشان هو فعلا لو خدها هيعرضك معاه للخطر..؟!!

طب وأنا مالى ياعم, تزنقنى معاك فـ غرزة ضيقة ليــــــــــــــــــــه؟؟ !!!

عشان كده بنقول:
الحرفنة فـ الجرى, انك تعدى من غير ما حد يحس بيك.. ولا كأنك معدى أصلا... هوا

+1111
الكلام ده ف الجون والله

......
من كام يوم واحد معاه فانتازيا كان عاوز ياخد غرزة من قدامي كان هيروح فيها 3 عربيات لو أخدها (( أنا وهوه واللي قدامو ))

... طيب ياعم أنا ذنبي إيه....

الحمدلله بعد مادخل الغرزة بربع كبوت كده راجع نفسه ولم عربيته تاني والله أنا شفت سنه من عربيته بتدخل الغرزة قلت هنموت ..... لما رجع ف كلامه كان نفسي أنزل أبوسه وقوله ربنا يخليك ..

.. ويكملك بعقلك ...

أصعب ما ف الموقف ده أن أنا مكنش في حاجة ممكن أعملها ساعتها ..... محتار أكبس وأطلع بسرعة مش عارف هلحق ولالا ... ومحتار أهدي وأفتحله الغرزة وبردومش عارف هلحق ولالا ....

لصاحب الوضوع .... رأيي أن اللي أنت عملته ده حقك لانه كان عاوز يلبسك وشتمك ...

الموضوع: المارد الكورى كان عايز يلبسنى

LinkBack

أدوات الموضوع

عرض

-

-

-

-

المواضيع المتشابهه

باركولي يا جماعة ! بقيت من ملاك المارد الكوري

عندما يصارع المارد الكوري ماردا آخرا !

المارد الكوري والصني

عايز اشترى اريال عادى ايهما افضل الصينى ولا الكورى

عايز اعرف اسعار قطع غيار الافيو2007 الكورى

الكلمات الدلالية لهذا الموضوع

المفضلات

المفضلات

ضوابط المشاركة