مشكلة زوجية عويصة

**Samah AbdAllah** · 12-12-2011 07:04 AM

لا حول ولا قوة الا بالله
بغض النظر عن الضرب لانى حاسة ان كلام حضرتك عن الضرب مبالغ فيه شوية
واضح انها بتتعصب وتنفعل وانت بتحاول تضمها لتحتويها وهى طبعا عشان متعصبة بتبعدك بايدها ربما بقوة شوية
ده معنى الضرب اللى تم وصفه
ده مش ضرب عشان كده انت بتاخد الاراء فى حاجة مش واضحة تماما
يعنى محدش يقولى ان زوجة بتزق زوجها وتبعده عنها كده تبقا بتضربه
بغض النظر عن مدى صحة التصرف ده من عدمه

والموقف الاخير اللى حضرتك حكيته واللى حصل عالموبيل بداية برضه حضرتك غلطان مينفعش تقولها انا مش هصرف على امك اعتقد ده اسلوب حوار غير لائق
لكن اللى واضح بما لا يدع مجال للشك هو عدم الاحترام الكامل وده اكيد انت السبب فيه وانت اللى وصلتها للدرجة دى

حضرتك بما ان الاحترام مفقود بينكم فقد انهدم عماد الاسرة السوية
اذا اردت الاصلاح فاتبع شريعة الله بداية من الهجر الى حكم من اهلك وحكم من اهلها واذا استحالة الحياة فتسريح باحسان

**AmatoALLAH** · 12-12-2011 11:07 AM

حضرتك قلت لها مش هصرف علي امك

هي كمان وصلت للاهل !!!!

واضح ان فيه عدم احترام متبادل ما بينكم

و ليه مايكونش سبب تعاملها معاك و عدم احترامها انك بتتطاول علي اهلها

**cyborg_ift** · 12-12-2011 01:19 PM

السلام عليكم

الراجل فص ملح وداب مشفتوش من امبارح

بالنسبه يا جماعه على المكالمه انا شايف ان رده كان طبيعي على الاسلوب التهكمي والعناد الواضح جدا من انهه تجيب امهه تقعد معاهه وبعدين انا لو والدتي تعبانه هراعيهه في بيتهه مش هجيبهه اراعيهه في بيتي

ثانيا وبإختصار ورأيي اللي ممكن يكون صواب أو خطأ

انا حاسس ان مراته إتأكدت انه بيحبهه جدا فإتدلعت وكل ما تتدلع عليه هوه يسكت فوسع الموضوع لحد ما بقا غير محتمل

طبعا هوه غلط مدام اللي قدامك مبيقدرش حبك حبه برضه بس متبينلوش انك بتحبه أوي كده

انا شايف ان لو حد يعرف شيخ كويس يهدي الأمور بينهم يقلنا عليه

**cyborg_ift** · 12-12-2011 01:21 PM

بصراحه وبدون زعل الستات مينفعش معاهم غير العين الحمرا

**ahmad--ezzat** · 12-12-2011 02:14 PM

عين حمرا ايه بس يا بشمهندس
لا عين حمرا ولا صفرا ..مش دة الاسلام
مراتى كل حياتى بمعنى انى مش هتجوز وحده عشان نفضل فى صراع ليل نهار وعين حمرا وعين صفرا .. الاحترام ثم الاحترام اهم شىء لنجاح العلاقه الزوجيه....العين الحمرا والكلام يتقال لو واحده مصاحبها شهر او اتنين وخلاص يعنى صايع معاها من الاخر... انما الحياه الزوجيه شىء تانى تماما وبينى وبينك هيا لو بنت ناس ومؤدبه هتجبرك انك تعاملها احسن ما بتعاملك اللف مره وتبقى مكسوف من نفسك لو زعلتها فى يوم...لكن لو قليله الادب زى اللى فى الموضوع دى تاخد فوق دماغها وتضرب كمان لحد ما تتعدل...ماتعدلتش...يبقى فستين داهيه :)

**DAHB115** · 12-12-2011 04:45 PM

افضل حاجه تكتب موضوعك بتفصيل وبحيادية جدا وارسل شكواك لموقع استشارات لها اون لاين هناك دكاترة متخصصين في معالجة الامور والمشاكل من النوع دا بحكمه وتروى ويارت تاخذ بكلامي . دا هدم بيت حاجه مش بسيطه وربنا يوفقك وتصلح من الامور والسلام عليكم ورحمة الله