الموضوع: مشكلة زوجية عويصة

المشاركة الأصلية كتبت بواسطة cyborg_ift

انا محمود يا جماعه صاحب الاكونت

والله ما عارف اقول ايه

بقسم بالله الكلام ده حصل قدامي دلوقتي مراته اتصلت بيه وصوتهه عالي جدا وكان الحوار كالتالي

هوه : ألو
هيه: انا جيبت ماما تقعد معايا في البيت علشان هيه مريضه وانا هرعيهه وبعد ما تخف هسيبلك البيت وأمشى
هوه: على فكره انا مش هصرف على امك
هيه: تصرف على مين يا روح امك ليه هتأكلهه من الأكل الزفت اللي بتطفحهولي
هوه: لا حول ولا قوة الا بالله ... ياريت تتكلمي بأدب
هيه : قفلت الموبايل

اقسم بالله ده اللي حصل وربنا شاهد عليا

الراجل حس اني سمعت الكلام ارتبك ومشي قلتله خليك كمل كلام مع الرجاله قاللي مش انت سمعت ابقا قولهم اللي بيحصل

يا خبر اسود .......

و قال ايه مش بيخرج مع اصحابه عشان ما يضايقهاش

اعذرني هو سلمها اللجام في ايدها و طاطى و قال لها اركبي


لا يلومن الا نفسه

المشاركة الأصلية كتبت بواسطة أبو صلاح

مع احترامي ده عذر أسوأ من ذنب

وأدينا بنتعلم



ربنا يخليكي على دعوتك ويرزقك مثل ما تمنيتي لي

انا متضايق لاني بصراحة مرة شف منظر قدامي كان هيجنني
راجل كان لونه اسمر جدا لدرجة الزنوج نازل هو ومراته (بدون مبالغة آية في الجمال) بس لابسة العباية بشكل مستفز مع إيشارب مبين نص شعرها وابنه طفل صغير حوالي 10 سنين
كانوا بيصلحوا تلفزيون في محل صيانة وتقريبا الفني قالهم هايكلف شوية
الزوج جيه يتكلم ودي راحت بصاله وقالتله اسكت انت لما اكون انا بتكلم
قالتله لا متتعبش نفسك انت تنزل تجيبلي تليفيزيون مواصفاته كذا وكذا
الزوج جيه يتكلم ويعترض لان مبلغ التصليح تفاه بالنسبة للشراء
راحت بعلو صوتها في الشارع قاله اسكت انت واعمل اللي بقولك عليه
طبعا ده مش شغل الفني المهم وافق علشان هي قالتله هديلك فلوس اتعابك مقابل الشراء ده بخلاف النقل
وقعدت تقول للفني انت هتجي تحط التليفزيون وتظبط الدش وعندي شوية اجهزة ابقى اقعد صلحهم في البيت مش هينزلوا المحل عندك
والزوج طبعا الاسمراني وشه احمر وعروقه نفرت قلت هينفجر
شوية والست راحت واخده نمرة الفني على الموبايل بتاعها ورنت عليه وقالتله خلي كلامك معايا انا
لقيته لحد آخر الحوار ساكت

وخدوا بعضهم ومشيوا


والله من ساعة الموقف ده وانا مش متخيل ان في حياة بالشكل ده وفي راجل يقبل اللي بيحصل ده مهما كان المقابل والله لو كنوز الدنيا
هي أشياء لا تشترى

قصة أ / صلاح هي اللي فكرتني بالموقف ده
وبدات أفكر ليه الراجل ده كان ساكت بالمنظر ده
بس برضه مفيش اي سبب مقنع يبرر

يا خبر اسود ........... يعني الراجل واقف و هي بتظبط الفني وششششششش ....... و كمان بتقول له تعالى البيت ........

المشاركة الأصلية كتبت بواسطة r0xer

نايل موتورز بقى نادي متخصص في فركشة الخطوبة و طلاق الازواج. برعاية أحمد كمال :)

i'm just kidding !

أحمد كمال ........ الراعي الرسمي لمحكمة الأسرة المصرية


يا جدعان بجد اللي عنده غرغرينا في رجله بيبترها ما بيقولش اعيش ازاي من غير رجلي ..... لو سابها هتتوغل لبقية جسمه و هيموت


طلقها يا صلاح ....... طلقها و لو لفظيا عالتليفون (طلاق رجعي) و خليها تتربى شوية

متابع ومش عاوز ارود هو فيه ستات كده بجد ؟!!!!!!!!!!!