الموضوع: كله يخلى باله من نفسه ( تحذير للأخوه المفيمين )

اه والله عندك حق حاجه تقرررف...
وبذات بعد الثوره بقا الموضوع يخنق والناس زادت بجاحه ...

مروحش انا اعيش فى بلد تانى اعيش هنا وخلاص بقا زمن الفرعنه ده انتها مش هوا ممنوع طب ممنوع ليه يا اخونا هوا كده ...
فى حاجه كمان ايه المشكله لو طلبنا ان يكون الفاميه خفيف يعنى على الاقل ميخليش حد يتنح او يشوف ملمح الى جوه ايه المشكله يعنى
وبعدين كل واحد حر واحنا المفروض دلوقتى زمن الديمقراطيه واحترم رأيك ...

فى معظم الدول الغربية لازم نسبة الضوء اللى داخلة العربية 70%
يعنى الفاميه 30%
احنا ماشيين بمزاجنا و ممكن اللى عايز يدهن الأزاز أسود يدهنه

و الزينون ممنوع و عليه مخالفة إضاءة مبهرة و أظن احنا مش عايشين فى صحراء ولا بنطلع سفارى كل يوم عشان نحتاج زينون

و الساوند سيستم اللى بيتعلى على الأخر
دوروا على جوجل على boom cars و شوف ايه اللى بيحصلهم

و ما دام العربية ملكية خاصة يبقى اتكلم فى الموبايل براحتو و أنا سايق
و كمان محدش يربط الحزام عشان يسوق ملكيته الخاصة براحته
و أدخل عكس الاتجاه عادى مفيش مشاكل و كل واحد حر فى عربيته

المشاركة الأصلية كتبت بواسطة omar61995

فى معظم الدول الغربية لازم نسبة الضوء اللى داخلة العربية 70%
يعنى الفاميه 30%
احنا ماشيين بمزاجنا و ممكن اللى عايز يدهن الأزاز أسود يدهنه

و الزينون ممنوع و عليه مخالفة إضاءة مبهرة و أظن احنا مش عايشين فى صحراء ولا بنطلع سفارى كل يوم عشان نحتاج زينون

و الساوند سيستم اللى بيتعلى على الأخر
دوروا على جوجل على boom cars و شوف ايه اللى بيحصلهم

و ما دام العربية ملكية خاصة يبقى اتكلم فى الموبايل براحتو و أنا سايق
و كمان محدش يربط الحزام عشان يسوق ملكيته الخاصة براحته
و أدخل عكس الاتجاه عادى مفيش مشاكل و كل واحد حر فى عربيته

اخى العزيز انا اؤيدك فى كل ماكتبته - فلقد صدمت عندما شاهدت الردود والتى تجعلنا نعيش فى عصر الغاب كل شخص يفعل مايريده - على راى المثل الشعبى انا وبعدى الطوفان
ولاداعى للقوانين ولا القواعد

ياخوانا مفيش حاجه اسمها انا حقي محدش يشوف اللي في العربيه
لا معلش حق اي حد ان يشوف اي حد جوه العربيه
لو بحلق علي البنات اللي في العربيه انزل امسح بكرامنه الأرض لكن انا حقي اشوف اللي في العربيه اللي جنبي

الا اذا كان في مشكله امنيه والموضوع يتطلب ان محدش يشوف اللي راكب في العربيه من اجل التمويه مثلا ومعقتدش ان في اي حد من المنتدي عنده الحاله دي

وبعدين مانا طول عمري بركب العربيه انا ومراتي وعيالي وعمر ماحد بحلقلي

بيتهيالي الناس مش بتبص الا اذا كان في حاجه تستدعي البص فعلا او ملفته

ياعم ده انا ساعات بلاقي واحده راكبه جنب واحد وفاضل شويه وتقعد علي حجره او مميله عليه قوي او بتعمل اي حاجه تانيه وقعدتها مثيره للشك وتخلي اي حد يبص اهو واحد زي ده هيقولك انا حر والعربيه ملكيه خاصه واعمل اللي عايزه يبقي خلاص الناس حره هي كمان تبص علي اللي هي عايزاه

علي راي الراجل الكبير : المتغطي ليك والمتعري لكل الناس

المعارضين للكلام ده بيمثلو 1 من كل 10 موافقين يعنى غالبا رأيهم ميهمش ومش معقول يبقى حوالى اكتر من 100 رد مؤيد للفاميه وان العربيه ملكيه خاصه و30 رد معارض ويبقى ال30 دوول كلامهم صح ولو عايزين نحسبها صح وعلمى نعمل استطلاع رأى

لكن للأسف مش هنسيب كل الكلام المهم اللى فى البلد واللى بيحصل ونمسك فى الهيافه دى ( مع انى من مؤيدى الفاميه وبشده جدا ) لكن رغم انى اللى كاتب الموضوع لكنه ميستحقش الضجه دى كلها لأن كل واحد فيه اللى مكفيه وزياده كمان
واسف لو رأيى زعل حد لكن ده بعد ماقريت واجعت كل الردود

مهو يا استاذ بيسو اخنا بنقول اننا بعد انشا ما البلد بأذن الله تفوق انشاء هنحول نعمل كده ...

معلش ممكن سؤال هوا ازاى بيعرف انك مركب زينون ؟؟
يعنى بتبقا داخل على اللجنه ويقولت افتح العالى مثلا او الواطى ولا الى بيتأفشوا دول بكونوا دخلين مشغلينوه؟
يعنى مثلا لو انا داخل مشغل النور السهارى هيقلى شغل النور العالى او الواطى مثلا ولا اهم حاجه مدخلش مشغلوه؟
مع العلم ان النور عندى السهارى led ابيض؟