الموضوع: كله يخلى باله من نفسه ( تحذير للأخوه المفيمين )

المشاركة الأصلية كتبت بواسطة qwezo

طب الاستيكر يشلوة لية!!!!!
انا حاطط كاربون على الكبوت و دة اكيد مبيضرش اى حد خالصصصصصصص
ممكن التفيم يضر و ينفع حسب وجهة النظر بس ممكن حد يجبلى وجهة نظر ان الكاربون مضر!!!!!!

طب تعمل ايه بقى لو حالتك زيى
الكاربون اسود والعربيه سودا وهو برضه يقولى لازم تشيل الملصقات بعنى لازم تشيلها
والحمدلله انها جت على كل ده
انا كنت خايف على الزينون لو كان شافه لكن الحمدلله كنا لسه 4 العصر

واللة المفرود كل حاجة تتغير يعنى مثلاا الفامية يظبطوة بحيث الطبقة الى للشمس هيا بس الى مسموح بيها
و الكاربون معتقدش انة بيضايق حد خالصصصصصصصصصصصص
ربنا يسترها معانا :)

المشاركة الأصلية كتبت بواسطة ahmod

طيب الحمد لله انه خلاك تشيل على الاقل هتروح تعمله تاني مش مشكلة

لكن انا سحب الرخص وحولني فحص ورفض اني اشيل اي حاجة قالي روح النيابة تعامل

يا جماعة حد عنده اي خلفية عن اللى هيحصل في الفحص والمخالفة اللى هدفعها هتبقى في حدود كام تقريبا ؟

مخالفة " زجاج ملون - تغيير لون - ملصقات "

والله انا قريت موضوعك وبجد انت اكتر واحد صعبان عليا فى الموضوع ده لأن بجد شغلك كان بروفيشنال لكن معلش وربنا معاك وابقى طمنا

المشاركة الأصلية كتبت بواسطة shaddadfalcon1

مختلفناش بس ده مش معناه ان بعض الناس تخلي العربيه عباره عن صندوق اسود ولا انت رايك ايه؟

انا واحد من الناس دى ( مفيش حته فى العربيه مش سودا سواء جوا او برا )

المشاركة الأصلية كتبت بواسطة qwezo

والله المفرود كل حاجة تتغير يعنى مثلاا الفامية يظبطوة بحيث الطبقة الى للشمس هيا بس الى مسموح بيها
و الكاربون معتقدش انة بيضايق حد خالصصصصصصصصصصصص
ربنا يسترها معانا :)

لأ بيضايق عارف بيضايق فى ايه فى انك ازاى مركبه لزق فبالتالى بيندرج تحت قانون الملصقات ( بالنسبه لم ) طبعا حاجه فى منتهى الغباء

الخصوصية ديه انك تعمل فرش جلد تحط دبدوب انما العربية تبقى سودة مش معروف مين الي جواها ولا بيعمل ايه زائد الخطر الى بتعمله العربية ديه للعربيات الي ماشية جمبها
والناس الي بتبص ديه ماتبص ياخي ديه وسيلة مواصلات مش بيت
ولو هو الموضوع ان العربية ديه ملكية خاصة وتعمل فيها الى انت عاوزة ليه حضرتك معلق نمر متشيل النمر مهي حرية خاصة وليه مركب كشافات في العربية مهي حرية خاصة

والي بيتكلم على الاهم ثم المهم هو حد قال ان الكمين ده تخصص فامية فقط

والي بيتكلم على الخليج الي راح الخليج عارف ان الفامية ده لازم يتثبت فى الرخصة والمسموح بيه فقط هو الزجاج الخلفي فقط يعني مفيش حد بيفيم الكراسي الى قدام والا يبقي مخالف
وبعدين ياخي انتبتقارن ايه بايه اولا الحرارة فى الخليج لاتقارن بمصر ثانيا الطرق فى الخليج والتنظيم المروري لا يقارن بمصر
ده كسر الاشارة بعشرة الاف ريال تقولي الخليج

وبالمرة كمان الي بيقول الظباط مفيمين يعني هو لازم عشان الحرامي بيسرق نبقي حرامية زيه ده ايه المنطق الغريب ده

ياريت بس نقر بالخطأ نقول خطأ ممكن نعمله انا منبررش الخطأ ونقول عليه صح بجد كله بيقول يلا نفسي