كله يخلى باله من نفسه ( تحذير للأخوه المفيمين )

**Elawany13** · 13-12-2011 10:55 AM

المشاركة الأصلية كتبت بواسطة jato.33

لو حضرتك معاك فلوس تركب عازل .. أنا معايييييييييييييشش
أنا مش متابع بس أعرف كويس إنك عشان تركب عازل مش أقل من 2000 جنية
والشارع مش بس المساحة الظاهرة من زجاج العربية الخلفي .. بلاش نضيق ما وسعه الله
إنما أهلك من كان قبلكم أنه إذا سرق فيهم الشريف تركوه وإذا سرق فيهم الضعيف أقاموا عليه الحد .. أو كما قال رسول الله صلى الله عليه وسلم
يثبت وزير الداخلية فشله بقراره تشديد الأمر على الموظفين الغلابة إلي زينا .. لن يكون أفضل من سابقه

الحلول كتيرة جدا وسهله ورخيصه كمان بس كل واحد عاوز يمشى بمزاجه
ان الزجاج عندى شفاف تماما ومش مفيم ومعنديش عازل حرارى والحمد لله محافظ على العربيه وعلى الفرش وعلى البوهيه بتاعتها وبتكلفه تافهة لا تقارن لا بعازل ولا حتى بثمن الفامية

غطاء للعربية قماش بـ 45 جنيه بغطى بيه العربية فى عز الحر واركنها فى الشمس برجع الاقى العربية دافيه بس من جوه وكل حاجه متحافظ عليها وزى الفل

**Elawany13** · 13-12-2011 11:27 AM

رأى شخصى ونصيحة غير ملزمة
بقولها لنفسى أولا وبقولها لجميع الأخوة الأحباء فى المنتدى
من باب الذكرى
لعل وعسى نكون أول ناس ملتزمة
ونكون قدوة لغيرنا
وبلدنا تتقدم بإحترام القانون

المشاركة الأصلية كتبت بواسطة Elawany13

أنا شايف ان الإلتزام مفيش احسن منه
ومع دخول فصل الشتاء الحاجه للفامية ليست ملحة
وضرره أكثر من نفعه
كل الحكاية منظرة وروشنه
عن نفسى بفرح جدا لما بشوف لجنه علشان الانضباط المرورى
وإزالة كل المخالفات بكل اشكالها
بس المهم ان يكون تطبيق القانون على الكل بدون كوسة وقرع

المشاركة الأصلية كتبت بواسطة Elawany13

السلام عليكم ورحمة الله وبركاته
مع إحترامى لكل الآراء
المفروض نبدأ بنفسنا
إحنا المتعلمين المثقفين اللى نلتزم ونحترم القانون....
مش معقولة حضرتك مستنى بتاع الكارو يلتزم علشان انت كمان تلتزم زيه !!!!
مش معقولة يا اخوانا نستنى الحرامية والمغتصبين يلتزموا علشان نقلدهم فى إلتزامهم

عن نفسى لما بمشى ورا عربيه مفيمية سوبر دارك
أو عربية نقل أو عربية جيب عالية
ببقى مخنوق جدا وببقى قلقان جدا
من أى مفاجآت لإنى مش كاشف الطريق
الدنيا مقفولة قدامى

وفى أقرب فرصه بحاول اعديه علشان اشوف الطريق
هتقولوا اوروبا والخليج
هنقول الطرق غير الطرق
وسلوكيات السائقين والمارة مختلفه عن الهمجية اللى عندنا

لازم نحترم القانون حتى ولو معترضين عليه حتى ولو مش عاجبنا وعلى مزاجنا
وزى ما قولت القانون لازم يتطبق بصرامة وعلى الكل
الكبير قبل الصغير
ويطبق على ضباط الشرطة والجيش والقضاه
قبل ما يطبقوه على باقى الناس

ومفيش مانع لو فيه حاجه فى القانون مش عاجبانا
نعترض عليها ونقول رأينا
لولى الأمر ونحاول نغيرها بالطرق القانونية والتشريعية
ولكن بكرر لازم نحترم القانون سواء كان عاجبنا أو مش عاجبنا
وأطيعوا الله
وأطيعوا الرسول
وأولى الأمر منكم

مش معقولة ياجماعة الخير
المبررات اللى بتقولها ديه
واحد عاوز الفامية علشان الخصوصية
مع إفتراض حسن النية

طيب بص للأدنى منك
بص للأخ اللى راكب موتوسيكل ومراته قاعده وراه وحاطط عيل ورا وعيل قدام فى عز البرد أو الحر
وفيه مطر نازل عليهم
ياترى ده قاعد فى خصوصية !!!!
الناس اللى واقفه على محطة الاتوبيس وبيتحشروا جواه
قاعدين فى خصوصية !!!
إسأل نفسك ياترى الناس ديه بتحلم بإيه فى الوقت ده
لازم يا اخوانى نحس بغيرنا
ونحمد ربنا على اللى احنا فيه
ربنا انعم عليك بسيارة محترمة
ليها ابواب وسقف وزجاج بتقفله عليك
وقاعد جوه بتتقلب فى نعمة ربنا عليك
وعندك تكييف أو حتى معندكش
ربنا رحمك من الزحمة ومن الحر ومن البرد
وعندك قدر كبير من الخصوصية
لعيلتك ولأولادك فى وسط الشارع
مش متوفر لغيرك اللى بيشاركوك نفس الشارع

ياجماعة إحمدوا ربنا
وأقنعوا بما فى ايديكم تكونوا أغنى الناس
متحسسونيش ان من غير الفامية مش هتقدروا تعيشوا
وهتموتوا من الحر ومن البرد
هوه فيه ايه !!!

تخوشنوا فإن النعم لا تدوم

يارب كلامى ميكونش زعل حد
ويكون خفيف عليكم
وفى النهاية كل واحد حر ما لم يضر
تحياتى للجميع

المشاركة الأصلية كتبت بواسطة Elawany13

السلام عليكم ورحمة اللهوبركاته
أحبائى فى الله
أنا اللى بشكركم على إحترامكم ... وعلى روح الود فى النقاش الهادئ الجميل
بدون نرفزة أو عصبية وبشكركم على الإختلاف الراقى المهذب لأخوه فى قمة الأخلاق
أنا مش مختلف معاكم .... ومتفق معاكم فى جوانب كتيره
فعلا القانون فيه عوار شديد ونقائص كثيره لإنه من وضع البشر
فعلاً سواقين النقل والميكروباص والتوكتوك والموتوسيكل وبعض الملاكى وماشابه هم سبب معظم البلاوى على الطرق
بسبب الجهل والتخلف وتناول المخدرات وغيرها من المهازل

كل شيئ فى الوجود له إيجابياته وله سلبياته
الخمر أم الكبائر لها منافع للناس ولكن أثمها اكبر من نفعها
رمز الشر فى العالمين إبليس عليه لعنة الله أحيانا قليلة جدا بيرشدك اللى الحق والصواب
يبقى اكيد الزينون والفامية ليهم ايجابياتهم
ومش مختلف معاكم خالص فى النقطة ديه
نقطة الخلاف هيه انا شايف ان الإيجابيات اكثر من السلبيات
بس خد بالك مش اى حاجه مفيده فى اوروبا والخليج
تكون مفيده لنا فى مصر
كل بلد ليها ظروفها
علشان انت تشوف كويس
أنا أتعمى !!!!!
إحنا بصفة عامة كمصريين بنسيئ استخدام كل حاجه
بالطريقة اللى احنا بنتعامل بيها مع الزينون بدون عدسات والفامية سوبر دارك
شايف ان احنا نطالب بعد استقرار البلد طبعا
بتقنين أوضاع الفامية والزينون
الفامية يكون بدرجه فاتحه لا تعوق الرؤية
أو استخدام الفاميه الحرارى واعتقد ان مفهوش مشكلة خالص
غير انه مكلف جدا
ومش شيك زى الفاميه السوبر دارك

والزينون لازم يكون بمواصفات معينه وبعدسات علشان المهازل اللى بنشوفها فى الشوارع بعيال بتلعب بزينون ويعموا الناس ويتسببوا فى حوادث

وحتى نحصل على هذه الإقتراحات وموافقه الجهات المعنية
يجب علينا احترام القانون رغم ان فيه عوار شديد ومش عاجبنا
ومهما عملنا فى قوانين وعدلناها
ستجد أنا فيه ناس مش عاجبهم هذا القانون !!!!
حتى القرآن المنزل من عند الله عز وجل
فيه بشر كفار وملحدين مختلفين عليه
ومش عاجبهم والعياذ بالله

ويجب على أولى الأمر تنفيذ القانون بصرامه وبعدل وبدون تحيز أو رشاوى أو محسوبيات

ويجب ان نبدأ الإصلاح بأنفسنا
كل واحد يبص لنفسه أولا ويصلحها وبعدين دور على الضابط المفيم أو الواد الروش المسنود اللى مركب زينون

اللهم ولى من يصلح
اللهم أرنا الحق حقاً وأرزقنا إتباعه
وأرنا الباطل باطلاً وأرزقنا إجتنابه
وجزاكم الله خيراً

**amr5500** · 13-12-2011 01:23 PM

ممكن الاخوة المعترضين علي مخالفات الفيميه
يعملوا مليونيه يوم الجمعه الجايه
ونشوف كام واحد حيكون هناك
اعتقد في حاجات كتير اوي اهم من المواضيع دي
وبالنسبه للضباط المفيمين ابسط حل انك تصور عربياتهم وتعمل حمله علي الفيس بوك
بالشكل ده كله حيشيل الفيميه
اما التاس المصرة علي مخالفه القانون اقولهم ان مصر عمرها ماحتتقدم من غير احترام القانون
وانا مش باوجه كلامي لحد بعينه
كلامي كلام عام
بصراحه الموضوع ده وضح مدي سطحيه تفكير بعض الناس
وانا مش حارد تاني علي الموضوع ده
انا قلت كل اللي انا عايز اقوله

تحياتي

**sas5** · 13-12-2011 01:27 PM

المشاركة الأصلية كتبت بواسطة amr5500

ممكن الاخوة المعترضين علي مخالفات الفيميه
يعملوا مليونيه يوم الجمعه الجايه
ونشوف كام واحد حيكون هناك
اعتقد في حاجات كتير اوي اهم من المواضيع دي
وبالنسبه للضباط المفيمين ابسط حل انك تصور عربياتهم وتعمل حمله علي الفيس بوك
بالشكل ده كله حيشيل الفيميه
اما التاس المصرة علي مخالفه القانون اقولهم ان مصر عمرها ماحتتقدم من غير احترام القانون
وانا مش باوجه كلامي لحد بعينه
كلامي كلام عام
بصراحه الموضوع ده وضح مدي سطحيه تفكير بعض الناس
وانا مش حارد تاني علي الموضوع ده
انا قلت كل اللي انا عايز اقوله

تحياتي

كلام ميه ميه

**BESO516** · 13-12-2011 02:11 PM

لاحول ولاقوه الا بالله
كل واحد معترض على تفكير التانى يقولك ده سطحى او يروح يعملوا مليونيه وصور الظابط المفيم

فعلا لو احنا تفكيرنا سطحى فى ناس بلا تفكير من الأساس

الحكايه مش فاميه ولا كاربون ولا اى حاجه كل المشكله ان القانون لازم يطبق على الكل سواء قاضى ولا شرطه ولاجيش ولا ... ولا ......
لازم القانون سيف على رقبه الجميع مش ناس وناس

**Jato.33** · 13-12-2011 02:43 PM

المشاركة الأصلية كتبت بواسطة elawany13

الحلول كتيرة جدا وسهله ورخيصه كمان بس كل واحد عاوز يمشى بمزاجه
ان الزجاج عندى شفاف تماما ومش مفيم ومعنديش عازل حرارى والحمد لله محافظ على العربيه وعلى الفرش وعلى البوهيه بتاعتها وبتكلفه تافهة لا تقارن لا بعازل ولا حتى بثمن الفامية

غطاء للعربية قماش بـ 45 جنيه بغطى بيه العربية فى عز الحر واركنها فى الشمس برجع الاقى العربية دافيه بس من جوه وكل حاجه متحافظ عليها وزى الفل

فعلاً أنا عايز أمشي بمزاجي !!
في زميل بيقول إن الفيميه بـ600 جنية دلوقتي وده طبعاً مش صح .. وكمان بيقول إن العروض موجوده في المنتدى .. ولما رجعت لاقيت إن أقل عرض بأكتر من كده وزي ما قولت مش أقل من 2000 جنية

وبعدين حضرتك بتتكلم عن غطا للعربية !!
عايز تفهمني إنك بتغطي العربية عادي من غير ما تتسرق أو تتقطع .. إنتا عارف أنا إشتريت كام غطا للعربية .. وصرفت عليها أد إيه .. هوا إنتوا مش عايشين في مصر

يا ريت يا جماعة .. تكونوا واقعيين وعمليين .. بلاش كلام المدينة الفاضلة ده !!!

**Elawany13** · 13-12-2011 03:18 PM

لا يا اخى عايشين فى مصر
وعايشين المرار وبنعانى من كل اللى بيعانى بيه كل مواطن شريف
علشان كده بندعو لإحترام القانون
وبندعوا ان نكون قدوة لغيرنا
وزى ما قولت لا ادعى المثالية .. ولكن بحاول اكون ملتزم
لمصلحتى أولاً ولمصلحة غيرى من المارة أو باقى العربيات

والله الغطاء بتاعى اشتريته بـ 45 جنيه
وبغطى العربية بيه على طول
لما بركنها فى مكان فيه شمس فى الصيف
أو لو ركنتها فى مكان فيه مارة وعيال ممكن تخربش العربية
ودائما مغطى العربية لما بركنها واروح البيت
ومش بمل من موضوع الغطاء ابدا والحمد لله

والحمد لله متسرقش وموجود
واعتقد ان مفيهوش الطمع !!!!!

نفسى اجيب الغطاء الأغلى ابو 160 جنيه الوتر بروف المبطن من الداخل
علشان المطر .. بس قلقان من موضوع سرقته

-

-

-

الموضوع: كله يخلى باله من نفسه ( تحذير للأخوه المفيمين )

LinkBack

أدوات الموضوع

عرض

-

-

-

-

المواضيع المتشابهه

شوية أسئله للأخوه الجتزاويه

سؤال للأخوه المقيمين فى المنصوره

اللى رايح المهندسين يخلى باله

كل واحد يخلى باله من عربيتو

كله يخلى باله من كاوتش عربي

الكلمات الدلالية لهذا الموضوع

المفضلات

المفضلات

ضوابط المشاركة