الموضوع: وقفت في كمين واتعلقت ! !

المشاركة الأصلية كتبت بواسطة car's sniper

لو عربيتك هى اللى فى توقيع حضرتك دى ...فتغيير اللون دى قليلة عليها هههههههههههه
من كلامك بحسبك لازق حتة ستيكر وخلاص بس فعلا انت تقريبا مغير لون 40% من العربية
عموما حضرتك تروح لوكيل النيابة فى الفحص وهو يقوم بالواجب وزيادة ..وكلاء النيابة محترمين جدا فى الحاجات دى
بس تصرف الظابط مش غلط...هو طبق القانون بحذافيره واحنا مش متعودين على كدة :)

لا والله دي هي بس صورة التوقيع هي اللى مبينة ان العربية مغير لونها بشكل كبير

انما ده مجرد استيكر على البابين مش هو يعني اللى يعمل ازمة للمرور لكن هنقول ايه

المشاركة الأصلية كتبت بواسطة xmanx51

انا بجد عايز افيم واركب زينون بس مستني الترخيص عشان اشوف لو ينفع اضفهم علي الرخصه ولي لا

حاول تستنى اليومين دول لحد مالامور تهدى

الزينون مش بينزل على الرخصة هو المفروض بيبقى معروف ان فيه عربيات نازلة بزينون فابريكه لكن بيبقى باين يعني

المشاركة الأصلية كتبت بواسطة chicobon

الحمد لله خالي البلد ترجع زي مكانت في احترام للقانون

ياريت بس القوانين تمشي على الناس كلها وبعدين تعالى شوف مثلا شارع فيصل عند شارع العشرين كدة هتلاقي المكروباصات بتمشي عكس على شارع فيصل الرئيسي عشان تلف وتعدل نفسها وتدخل العشرين تاني

انزل شارع مراد هتلاقي المكروباصات راكنين صف تالت وموقفين الشارع بالكامل

وكل مكان في مصر زي كدة

بالله عليك يعني مش اولى انهم ينزلو في المناطق اللى زي كدة عشان المرور يتظبط ؟ بدل من مخالفات على فاميه وملصقات وحجات تعتبر مش مؤثرة على حاجة

المشاركة الأصلية كتبت بواسطة agwaa

حبيبي دا زي ما قلت كان يا ما كان في 2002
أنا في آخر 2010 ( يعني قبل الثورة بشهور قليلة إتسحبت مني رخصة العربية بسبب عدم إنارة نور الإستوب فقط ودخلت فحص ( 25 جند إورنيك فحص + 25 جند للمهندس والبصمة ) وكان المفروض كدة وبس لأن المهندس إللي سحب مني الرخصة في اللجنة كان قال لي وحلف لي إنها مالهاش مخالفة لما قولت له دفعني فوري حتى المهندس بتاع الفحص في وحدة المرور بعد الفحص قال لي روح إستلم رخصتك
المهم رحت لشباك النيابة ومعايا أورنيك الفحص معتمد ومختوم ألاقيهم مغرميني 110 جند وقال إيه دة الحد الأدنى ومافيش تظلم ..
160 جند دفعتهم حار ونار في جتتهم
أنا موش عاوز أققفلها على صاحب المشاركة والمشكلة لأن دة كان قبل الثورة
أما دلوقتي فإحنا متفائلين
وخليها على الله .. إن شاء الله خير ...

ربنا يسترها

المشاركة الأصلية كتبت بواسطة peaceman

يا باشا اعتقد انها فحص فقط لا غير يعني مش هتدفع مخالفات خالص
لأن لما تدخل الفحص و يلاقوا مفيش حاجه علي العربية يبقي كده انت في السليم
انا مرة من 4 سنين كنت في مدينة نصر و عربيتي كانت متفيمة اصلي فسحبوا الرخص لكن لحسن الحظ ان انا كنت في نفس الشهر المفروض هفحص 3 سنين جداد فكنت داخل فحص طبيعي و جددت بايصال السحب كمان و مدفعتش اي مخالفات خالص

ياريت والله الكلام كتير وكل واحد بيقولي حاجة مختلفة عن التاني ومش عارف والله الصح فين

ربنا يستر

المشاركة الأصلية كتبت بواسطة bmw323

انت مرور أية ياكبير ؟

مرور فيصل او ممكن برضوا الرخصة تتجاب من مرور بين السرايات