هشترى كروز وعندى شويه استفسارات

**GMakram** · 12-12-2011 07:37 AM

اعضاء منتدى شيفروليه الكرام

انا بقالى فتره متابع الكروز وقرأت عنها كل ماهو متاح هنا فى المنتدى واستقريت عليها ونازل احجز النهرده او بكره بأذن ربنا بس عندى شويه استفسارات

اولا انا معايا سيريون والعربيه بصراحه لاغبار عليها فى اى حاجه لكن من اهم الاسباب اللى هتخلينى اغيرها العفشه,العربيه عفشتها ناشفه وعلشان صغيره ومقاس الكاوتش صغير فبحس بأى زلطه فى الشارع,بالنسبه للعفشه فى الكروز هل هى برضو عفشتها ناشفه ولا من العربيات اللى عفشتها ناعمه؟

ثانيا انا مشفتش مواضيع كتير عن تقارير صيانات للكروز,كنت عايز اعرف اسعار الصيانات ايه؟ يعنى مثلا صيانه العشرين الف او الثلاثين الف,الصيانات الكبيره عموما غاليه للعربيه؟ انا بسئل لانى عرفت ان صيانه الاربعين الف بمبلغ حوالى الفين جنيه وانا استغربت بصراحه لان انا فى السيريون عمرى مدفعت المبلغ ده فى صيانه

ثالثا وده الاهم,التوكيل اخباره ايه؟ كنت قرأت برضو بعض المواضيع اللى بتتكلم عن معامله سيئه من التوكيل وانا بصراحه التوكيل بالنسبالى مهم لانى عموما مش على درايه اوى بالميكانيكا واى حاجه بتبوظ فى العربيه بوديها التوكيل فهل فى الصيانات التوكيل محترم وبروح وبمشى بمواعيد؟

اخيرا كنت قرأت ان فيه بعض العربيات حصل فيها مشكله انها بتبطل او انها مش بتدور,هل فيه اى حد واجهه المشكله دى يكلمنى عنها بأستفاضه؟

شكرا مقدما

تحياتى

**hpxp** · 12-12-2011 12:29 PM

باشا
منورنا في قسم الشفروليه
مبلغ ال2000 جنيه علي ال 40 الف دي تجاري شويه انا غيرت طقم السير علي ال63 الف ودفعت 2700 جنيه
عملت الصيانه يوم السبت الساعه 10.30 وخلصت السلعه 2.30 العصر
بليل بقي القي الحج ضارب عليا 25 مسد كول بيقلي ياحمد الدريكسيون تقل والعربيه بتخرف ووقفت منه روحت لقيت سير المجموعه انقطع(فالت من مكانه) مشيت عليها لاقرب مكان حوالي 700 متر الكلام ده الساعه بقي 1.5 بليل وكلمنت قريبي جه واخدنا ووصلنا البيت كلمت منصور بليل علي الرقم المختصر قالي يافندم لازم تتصل الصبح قلتله ماشي اتصلت الساعه 8.30 قالي يافندم الونش هيكلم حضرتك في خلال 10 دقايق قلت ماشي كلمني الصراحه بعد 3 دقائق قالي هاخد 450 جنيه الونش وصلي علي الساعه 10.45 لان غلط وكان رايح علي المنصورة الاول وانا في الزقازيق شلنا العربيه وروحنا التوكيل الساعه 1 لان الطريق كان زحمه والحج دمه قاعد هناك لحد الساعه 5.30 والمهندس قاله يافندم العربيه لازم تبات والولدي روح موصلات وعلشان يهدوه حسبوة علي الونش والي حصل كله علي حسابهم والصيانه الجايه علي حسابهم
كلمناهم النهارده قالو علي الساعه 1 بعد كده المهندس اتصل تاني قال لودي معلش هتبقي الساعه 4.30 ليه اصل السير نسل علي الكمبريسور وبياهئلي الشحن علي حسابهم
دا بالنسبه للتوكيل
العفشه عندي انشف من التويتا لكن بجد مديه سبات حلو جدا للعربيه ومعقوله ومحتمله
انا مركبتش كروز بس نصيحه اجرها يوم وجربها واطمن

**hpxp** · 12-12-2011 12:42 PM

شوف ده كده
- العفشة ناشفة شوية واعتقد انه بسبب مقاس الكاوتش 205/60 عاملة زى الأوبل بس انا مش بأعتبره عيب وخصوصا انه صعب تحصل على ثبات كويس مع عفشة ناعمة أو العكس .....
www.nilemotors.net/Nile/250506-lt-2010-a.html

**mido** · 12-12-2011 02:29 PM

العفشه ممتازه انا بعت السيراتو واشتريت الكروز
موضوع التبطيل ده كنت بشوفوه فى 2010 معرفش لسه موجود ولا لأ
موضوع المعامله ده انا جربت منصور الصحراوى و بيخنقونى جدا فا مش بروح الا لو العربيه فيها حاجه غلط و جربت اتوماستر كانوا كويسين جدا و جربت مقار لمدة 3 سنين كانوا ممتازين بس ده كله فى الافيو بالنسبه للكروز معملتش اول صيانه لسه