فى سيارتى إنذار وإيموبيليزر .... أتكل على الله وأنام وأنا مطمئن ؟

**احمد المصرى** · 15-12-2011 04:34 PM

انا اقصد ال بيقفل الدركسيون فقط وبيكون فى ذى عصايه طويله بتخلى تحريكه شبه مستيل ولازم يتفك علشان تحرك الدركسيون

**SYD** · 15-12-2011 07:14 PM

اولا الف مبروك العربية

انا عربيتي فيها انذار وايموبلايذر ولكن هذا لا يمنع من وجود كلبش للدريكسيون

وفي الأول والأخر ربنا هو الستار

والله المستعان
،
،

**فادى محمد** · 16-12-2011 11:39 AM

للاسف يمكن خداع الايموبلايزر بسهوله والموتور يدور ..جربناها في بي ام بتاعه جارنا .

**فادى محمد** · 18-12-2011 04:04 PM

المشاركة الأصلية كتبت بواسطة devil_storm

معقولة بالسهولة دى!!!! لو كان بالبساطة دى ماكنتش معظم شركات السيارات حططة كوسيلة امان

حضرتك عارف المصري دايما فنااان .
-الايموبلايزر بيعطل عمل طرمبه البنزين بامر من وحده التحكم وهي طبعا كهربا في العربيات الحديثه
-الفكره انك بتلغي عمل الطرمبه ببديل عباره عن--------------------------------- بلاش احسن يكون
حد من اخواننا اللي ربنا يهديهم متابع الموضوع يتعلم الطريقه .

**Eng_hatemfathy** · 18-12-2011 04:11 PM

المشاركة الأصلية كتبت بواسطة zazoksh

عزيزى/ أحمد المصرى

خالص الشكر والتقدير ،،،

صدقت والله .... هل سيادتك تقصد بقفل الدركسيون ذلك النوع المتصل بين الدركسيون ودواسة البنزين (لا يوجد دواسة دبرياج ... حيث أن السيارة أوتوماتيك) ... أم تقصد قفل طارة الدركسيون بمفردها ؟

عزيزى/ medododo

خالص الشكر والتقدير ،،،

كما قلت سيادتك: الحافظ هو الله ... وإحنا نعمل إللى علينا علشان ضميرنا يبقى مرتاح

مع أطيب تمنياتى للجميع بالصحة والسعادة ،،،،،

zazoksh - cairo, egypt

يا باشا القفل فى الفرامل وليس البنزين لان حضرتك بتركن على البارك وطبعا العربيه مستحيل تتحرك وهيا على البارك ولا زق حتى ومش هتنقل من البارك لاى وضع تانى الا لما تدوس على الفرامل اللى بتمثل الدبرياج والفرامل مع بعض ولو حضرتك قفلت دواسة البنزين العربيه هتمشى بطىء من غير ما تدوس بنزين اول لما تحط على الدى ولذلك القفل بين الدركسيون والفرامل هيخلى الحرامى ميعرفش يزق العربيه الا لما يطفش القفل ده او يقصه وده محتاج وقت ودوشه الحرامى فى غنى عنها وربنا خير حافظ

**Eng_hatemfathy** · 18-12-2011 04:14 PM

المشاركة الأصلية كتبت بواسطة احمد المصرى

انا اقصد ال بيقفل الدركسيون فقط وبيكون فى ذى عصايه طويله بتخلى تحريكه شبه مستيل ولازم يتفك علشان تحرك الدركسيون

القفل ده بيعيق حركة التاره فقط ولا يعيق حركة السيارة وطبعا هيكون اقل فايده وفى منه نوعين -نوع يبقفل الطارة مع التابلوه (بيكون عمودى على التابلوه ويمنع دوران التاره) ونوع بيقفل التاره مع القايم الامامى (يعنى ينفع تلف يمين بس لكن متلفش شمال) وكده كده القفل بتاع الدواسه مع الطاره افضل بكتير