محتاجكم معايا بخبراتكم و نصائحكم :(

**ahlawysms** · 23-02-2012 12:32 AM

السلام عليكم
ازيكم يا شباب انا اخيرا مركز تدريبى خلص واترحلت يوم الاحد الماضى 14-2 انا سلاح دفاع جوى واترحلت يوم الاحد ووحدتى فى مدينة نصر فى فوج المقر والحمد لله المكان ده تمام قوى واجازاتى اسبوع واسبوع والحياة ملكى وزى الفل ونزلت اجازة تانى يوم على طول اجازة 6 ايام وهرجع يوم الاحد اللى جاى 26 - 2 ولما هرجع هتوزع داخل الفوج وربنا يسهل ونكون على مكتب ولا اى حاجة حلوة
انا هسافر يوم السبت عايز اطمن عليكو انتو كمان يا ريت اللى ينزل اجازة يدخل ويطمنا ويقولنا هو اترحل على فين وربنا معانا ان شاء الله يا شباب ونخلص السنة ده على خير
الى اللقـــــــــــــــــــــ ـــــــــــــــــــــــــ ـــــــــاء

**Nistelrooy** · 23-02-2012 07:18 PM

مبروك يا باشا الحياة ملكي ازاي بتخرج وملكي وترجع ملكي يعني ؟

انا زي ما قولت روحت دهشور والصراحة زبالة والاجازات صعبة ومافيش اجازة مستجديين ونزلت بواسطة وان شاء الله امشي من المكان الفقر ده

**Nistelrooy** · 24-02-2012 06:45 PM

فعلا احسن الايام ايام مركز التدريب انا كنت هاعيط وانا بسلم علي صحابي الي هناك ومش قادر انساهم قضينا اوقات جميلة اوي :(

**ahlawysms** · 24-02-2012 10:47 PM

حمدالله على السلامة ويارب تقضى اجازة سعيدة
انا جيشى فى مدينة نصر والمكان ده جميل جدا والحياة ملكى يعنى فى الاجازات بنزل ملكى وكمان برجع ملكى والاجازات عندنا اسبوع واسبوع
فعلا فترة مركز التدريب عمرها ماهتتنسى ده فعلا ايام جميلة جدا وعمرى ما هنساها
انت اترحلت ولا لسة ونازل اجازة كام يوم طمنى ايه النظام عندك

**Nistelrooy** · 24-02-2012 10:54 PM

انا روحت مكان اسمة الفرقة التاسعة في دهشور الناس بتنزل انتخابات وتامين وكدا ..
وفية ناس مانزلتش بقالها 40 يوم .. والاجازات علي حسب من 28 الي ما فوق ..

ربنا يستر بقي والحياة ميري اوي هناك ومليانة مخابرات وشرطة وتحريات عسكرية ...
انا نازل واسطة بالعافية 3 ايام وراجع الاحد الصبح ان شاء الله

**ahlawysms** · 24-02-2012 11:02 PM

ربنا يسهل والامور تتعدل بس حاول تشوف حد يظبط الامور علشان ترتاح وربنا معاك وان شاء الله هتتعدل

**Nistelrooy** · 24-02-2012 11:06 PM

المهم قولي انتوا بتعملوا اية اليوم بيمشي ازاي يعني بتصحوا الساعة كام واية الطوابير وكدا ؟؟

احنا بنصحي الساعة 6 بعد كدا طوابير نضافة وبعد كدا لياقة او موانع بعد كدا فطار بعد كدا طابور تاني بعد كدا غدا بعد كدا طابور الخدمات والناس بتتوزع خدمات سلاح وغيرة بعد كدا نضافة بعد كدا عشا ..

انتا اليوم بيمشي ازاي علشان بفكر اعلم الحاق عندكوا :)

**Nistelrooy** · 24-02-2012 11:21 PM

المهم قولي عندكوا فية مدفعية في الدفاع الجوي الي في فوج المقر الي في مدينة نصر ؟

**ahlawysms** · 24-02-2012 11:23 PM

ده كلها توابير يا نهار ابيض بتفكرنى بمركز التدريب
لا يا عم الحياة عندنا مش كدة خالص انا قعدت يوم واحد بس ومش عملت غير طابور الساعة 7 ونص ده اللى انا شوفته
بس مفيش عندنا طاور نظافة ولا خدمات ولا الكلام ده كله والميس بتدخله بمزاجك من غير طوابير هو بمواعيد بس لو عايز تدخل بتدخل وكمان فى عندنا كانتين بس على واسع فى اى حاجة انت عايزها ساندوتشات فول وطعمية وبيض وبتنجان وسجاؤ وحواوشى وكل اللى انت تتخيله
وكانتين تانى فى جميع المشروات بيبسى وكانزات وعصير ومشروبات سخنة زى شاى و يوينسون ونسكافيه وفى عندنا استراحة فيها شاشة عرض تسمع اللى نفسك فيه واليوم عندنا تقريبا بيخلص حوالى الساعة 3
كمان فى مغسلة ومكواة والعيشة تمام تمام تمام
ياريت لو تعرف تلتحق عندنا تيجى مش هتلاقى مكان احسن من ده
ولعلمك المكان ده مش بيروحه غير الوسطات الجامدة يعنى حاول تيجى مش هتلاقى احسن من كدة والاجازات اسبوع واسبوع.............

**ahlawysms** · 24-02-2012 11:26 PM

انا بصراحة معرفش فيه عندنا مدفعية ولا لاْ

الموضوع: محتاجكم معايا بخبراتكم و نصائحكم :(

LinkBack

أدوات الموضوع

عرض

-

-

-

-

-

المواضيع المتشابهه

الرجاء إفادتي بخبراتكم بسرعه للأهمية فيكترا 1600 مانيوال

عربية في حدود 45 الف ياريت لو تشاركوني بخبراتكم

برجاء المساعده بخبراتكم

اخوكو محتاجكم

شاركوني بخبراتكم

الكلمات الدلالية لهذا الموضوع

المفضلات

المفضلات

ضوابط المشاركة