محتاجكم معايا بخبراتكم و نصائحكم :(

**nouranwar** · 04-02-2012 03:57 PM

المشاركة الأصلية كتبت بواسطة hazoom2006

نتيجة الضرب مش هتفرق ده بس علشان يوزع ناس على القناصة (متفتكروش قناصة زى الافلام الاجنبي )

ربنا يوفقكو يا وحوش اول ايام هيه بتبقى صعبه واليوم طويل وبردة ايام الترحيلات بالمخل والبطاطين

لما تترحلو على الوحدات حاولو تدخلو الافراد او العمليات علشان ترتاحو من الخدمة بالليل واجازاتها موز

خلاص فاضل 20 يوم واسلم واخلص عقبالكو

قناصة ازاي يعني يا كبير ؟
لما سألت العقيد قالي انهم بياخدوا اسامسنا علشان لما بيبقي فيه لجنة و كده بيجيبوا اللي درجاتهم حلوة علشان يضربوا قدامهم و كده و علشان لو فيه مسابقات و كده بياخدونا المنافسة

مضبوط الكلام ده ولا ايه ؟ :)
تخلص علي خير ان شاء الله يا كبير

**nouranwar** · 04-02-2012 03:58 PM

المشاركة الأصلية كتبت بواسطة ahlawysms

السلام عليكم حمدالله بالسلامة للرجالة اللى وصلت انا لسة داخل البيت من نصف ساعة انا دفاع جوى فى كينج مريوط اكلمكم بالليل ان شاء الله

حمدالله علي السلامة يا زميل :) بس اتأخرت كده ليه !!!؟

**ahlawysms** · 04-02-2012 09:44 PM

المشاركة الأصلية كتبت بواسطة nouranwar

حمدالله علي السلامة يا زميل :) بس اتأخرت كده ليه !!!؟

السلام عليكم ازيكم يا جماعة
الحمد لله اصلا ان احنا نزلنا لان العميد قال ان انتو مش هتنزلوا قبل يوم 13/2 وده قرار نهائى لكن اتفاجئنا يوم الخميس ان فيه فاكس جه ان احنا هننزل اجازات يوم الجمعة والسبت وفعلا العميد قال الخبر ده فى طابور الساعة 4 يوم الخميس وكنا كلنا فرحانين جدا بالخبر ده
اول كتيبة نزلت يوم الجمعة كانت الصعايدة علشان السفر بياخد يومين مواصلات وبعدين احنا نزلنا النهاردة وركبنا قطر 10 ونص من كينج مريوط
بس كانو اسبوعين مش قد كدة المية والنور موجودين على طول بس النور بينطفى الساعة 9 ونص الليل والمية طعمها الى حد ما كويسة بس فعلا اول 3 ايام كانو عذاب لان اخدنا 3حقن فضلنا تعبانين 5 ايام بالظبط
بالنسبة للاكل : الفطار ( عتس ومربى - والغدا كان ارز وسبانخ والعشا كان مربى وفول اول مربى وعتس ) ويوم الاحد والاربع كان فيه فرااااااااااااخ بس موصفلكش طبعا .
والحمد لله الاسبوعين عدو بسرعة وربنا يسهل والسنة ده كمان تعدى على خير

**alavokatooo_o** · 05-02-2012 02:56 AM

ازيكوا يا شباب ويارب تكونوا بخير ومبروك علينا كلنا الاجازه انا كنت في سلاح حرب الكترونيه في الجبل الاحمر بامانه دلع يعني الميه موجوده علي طول سخن وبارد الحمامات كل يوم تتنضف بالفنيك والكلور والعنابر شرحه وانا اعدت 11 يوم وزي ما قلتوا اول ايام هي الي كانت صعبه بس مع مرور الوقت بتتعود واحلي حاجه هناك الاصحاب وهاقولكم علي حاجه دلع وهي ان اول موصلنا المركز سلمونا معالق و دخلنا علي العشاء وكان مكرونه وكل واحد نص فرخـــــــــــــه بحالها طبعا انا قلت الي هنكله فراخ هيطلع علينا كتاكيت بس بامانه اوحش حاجه حكم النفس علي النفس وهي دي في راي اوحش حاجه في الجيش غير كده كان متعه ويعتبر اليوم بيخلص الساعه 3 وربنا يسهل

**hazoom2006** · 05-02-2012 03:32 AM

المشاركة الأصلية كتبت بواسطة nouranwar

قناصة ازاي يعني يا كبير ؟
لما سألت العقيد قالي انهم بياخدوا اسامسنا علشان لما بيبقي فيه لجنة و كده بيجيبوا اللي درجاتهم حلوة علشان يضربوا قدامهم و كده و علشان لو فيه مسابقات و كده بياخدونا المنافسة

مضبوط الكلام ده ولا ايه ؟ :)
تخلص علي خير ان شاء الله يا كبير

المفروض انك بتتخصص على سلاح يعنى انتى مشاه ممكن تضرب بالر بى جى او الالى او الرشاش المتعدد او القناصة

فى الحرب بيكون منظمين نفسهم جماعات كل جماعه فيها 2 ار بى جى وواحد متعدد و2 قنص والباقى الى

بس كله كلام على ورق انت لو شوفت بندقيه القنص زى المورس بالظبط واخف فى الوزن كمان

كلها اسلحة من ايام حرب اليمن ومتحطش فى دماغك القناصة دى كله حبر على ورق

لما تروح كتيبتك هتلاقى اسلحة من ايام 1950 وانت طالع

مسابقات الرماية دى بتبقى للظباط وصف الظباط مش للعساكر او نادر جدا لو حصلت

**nouranwar** · 05-02-2012 11:56 AM

المشاركة الأصلية كتبت بواسطة hazoom2006

المفروض انك بتتخصص على سلاح يعنى انتى مشاه ممكن تضرب بالر بى جى او الالى او الرشاش المتعدد او القناصة

فى الحرب بيكون منظمين نفسهم جماعات كل جماعه فيها 2 ار بى جى وواحد متعدد و2 قنص والباقى الى

بس كله كلام على ورق انت لو شوفت بندقيه القنص زى المورس بالظبط واخف فى الوزن كمان

كلها اسلحة من ايام حرب اليمن ومتحطش فى دماغك القناصة دى كله حبر على ورق

لما تروح كتيبتك هتلاقى اسلحة من ايام 1950 وانت طالع

مسابقات الرماية دى بتبقى للظباط وصف الظباط مش للعساكر او نادر جدا لو حصلت

اشتغالة يعني يا كبير

:) بس كده احسن

**nouranwar** · 05-02-2012 11:58 AM

صحيح هي المنطقة الشمالية العسكرية بتشمل محافظات ايه غير اسكندرية و البحيرة ؟

**Nistelrooy** · 06-02-2012 04:54 PM

يا جماعة الي كان في دهشور ؟؟ هل فية كباين ميناتل ؟؟

وهي فين بالظبط .. الماية في خزانات ولا اية والنور بيجي ولا لاء

**Medo007** · 06-02-2012 10:27 PM

انتباه ياعسكري منك ليه , عايز اعرف احنا خلاص اتوزعنا على الوحدات من دلوقتي ووممكن لما نرجع نتوزع على طول ولا هنكمل فترة التدريب لسة ولو فيه واسطة اشوفها دلوقتي عشان اروح حتة كويسة هلحق ولا انا بلعب في الوقت الضايع؟

**Nistelrooy** · 06-02-2012 10:48 PM

تلحق اظن الواسطة .. لسة انتا فيها حتي لو روحت حتة مش كويسة ممكن تتنقل برقم السجل

الموضوع: محتاجكم معايا بخبراتكم و نصائحكم :(

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الرجاء إفادتي بخبراتكم بسرعه للأهمية فيكترا 1600 مانيوال

عربية في حدود 45 الف ياريت لو تشاركوني بخبراتكم

برجاء المساعده بخبراتكم

اخوكو محتاجكم

شاركوني بخبراتكم

الكلمات الدلالية لهذا الموضوع

المفضلات

المفضلات

ضوابط المشاركة