الموضوع: عيب الصناعة في السيارة تريوس نصيحة بعدم الشراء

المشاركة الأصلية كتبت بواسطة mohssenrashed

حمد الله على السلامه.
ربنا معاك ان شاء الله و تأخد حقك.
حضرتك حاولت تعرف ده عيب فردي و لا لأ؟

بارك الله في حضرتك
و انا بكل صراحة حتي الان لا اعرف هل هو عيب في كل سيارات التريوس ام لا
و لذلك حددت العيب في ما مررت به شخصيا و لا اعرف هل هو عام ام خاص
و اشكر حضرتك لاهتمامك بالرد

المشاركة الأصلية كتبت بواسطة sa6ry

والله انا كنت بفكر اشتري تيريوس (فضلتها عن الداستر عشان الاوتوماتيك)
بس يعلم الله -تضامنا معك ونصرة للمظلوم- انا مش هاشتري من هذا التوكيل .. ياريت تقول لي يابشمهندس عملت ايه لأن قرار شرائي سيعتمد علي اسلوب تعاملهم مع المشكلة.
وحضرتك انت ممكن تعمل سايت تحط فيه الوثائق وتعمل اعلان علي الفيس بوك - مش مكلف - وتفضح الناس ديه في كل حته
صور العربية وكل الوثائق واعمل لهم فضيحه - عشان ديه الطريقة اللي بتجيب نتيجه , للأسف :(( -

اشكر حضرتك جدا لتضامنك معي
و كم حزنت حين مررت معهم بهذه التجربة لدرجة اني كنت اظن اني سوف اتلقي اتصال من اي مسئول لدي شركتهم الموقرة لكي اجلس معه و يبحث الموضوع و لكني اتضح لي اني احسن الظن بالناس اكثر من اللازم للاسف الشديد
و لذلك ازددت اصرار الا اترك حقي ابدا بأذن الله مع اني اقسم لك بالله انه في اول الامر كان يكفيني جلسة يعتذرو فيها عما سببوه لي من ضرر

المشاركة الأصلية كتبت بواسطة kotimg2

خليك ورا جهاز حماية المستهلك الموضوع ده حصل فى عربية تانية وعوضو صاحبها ب خصم جنية عن كل كيلومتر مشيه او صيانة لمدة سنتين ببلاش مع اصلاح العيب و لكن صاحب العربية اختار انه يسترد فلوسه مع خسارة الخصم عن الاستهلاك

[gdwl]اشكر حضرتك جدا لاهتمامك بالرد
و ارجو لو هناك معلومات اكثر عن الموضوع اللي حضرتك ذكرته كي افهم ماذا فعل للتواصل و لضمان الحق فأنا حتي الان لا اريد الدخول في موضوع رفع قضية الا بعد فشل محاولة جهاز حماية المستهلك و عدم الوصول لحل من خلالهم


و اخيرا اشكر كل اخواني علي المشاركة و بأذن الله نصل لحل قريبا

تحياتي للجميع [/gdwl]

م.حاتم السباعي