لو خبطك موتوسيكل صينى من غير نمر تعمل ايه

**Ramy_Tantawi** · 25-05-2008 01:40 AM

بغض النظر عن صيني ولا ايه صناعته انا الناس دي بتجيبلي العصبي وخصوصاً بتوع توصيل الطلبات للمنازل دول بجد مش بيسوقوا فزب وللا موتوسيكلات دول عايشين في دريم بارك بس كبيره شويه وبيعملوا شقلبظات وحركات حلوه اوي باشوفه في المرايا داخل عليا ويا حلالالالالالاوه فجأه يدخل من عند الشكمان يطلعلك من مرايتك اليمين ثم وبحركه لولبيه خاطفه تلاقيه نزل تحت العربيه تقريباً يجيب حاجه ويطلعلك بعد شويه من قدام وحاجات ولا في الافلام والله حاجه تقرفففففففف ربنا يهديهم ويسترها علينا وعليهم الخبطه في الناس دي مش هاتكون خسايرها الموتوسيكل ولا العربيه وبس ممكن يكونوا هم نفسهم خساير ودي حاجه صعبه جداً وربنا يكفينا شر الطرق.

**جمال** · 25-05-2008 01:43 AM

المشاركة الأصلية كتبت بواسطة Ramy_Tantawi

بغض النظر عن صيني ولا ايه صناعته انا الناس دي بتجيبلي العصبي وخصوصاً بتوع توصيل الطلبات للمنازل دول بجد مش بيسوقوا فزب وللا موتوسيكلات دول عايشين في دريم بارك بس كبيره شويه وبيعملوا شقلبظات وحركات حلوه اوي باشوفه في المرايا داخل عليا ويا حلالالالالالاوه فجأه يدخل من عند الشكمان يطلعلك من مرايتك اليمين ثم وبحركه لولبيه خاطفه تلاقيه نزل تحت العربيه تقريباً يجيب حاجه ويطلعلك بعد شويه من قدام وحاجات ولا في الافلام والله

حاجه تقرفففففففف ربنا يهديهم ويسترها علينا وعليهم الخبطه في الناس دي مش هاتكون خسايرها الموتوسيكل ولا العربيه وبس ممكن يكونوا هم نفسهم خساير ودي حاجه صعبه جداً وربنا يكفينا شر الطرق.

كده الكلام الصح

**Nile_Storm** · 25-05-2008 01:46 AM

اولا اهلا بيك معانا
بغض النظر عن الكلام ده كله
ليه حضرتك نزلت الموضوع نفسه في اكتر من منتدي
العام و شيفروليه و حتي الاقتراحات ؟

**dinow** · 25-05-2008 02:02 AM

ايوا كده ادينى حكايات اكتر خلى الموضوع يسخن

**dinow** · 25-05-2008 02:08 AM

عشان اشفى غليلى منهم حضرتك ماتعرفش انا محروق منهم قد ايه انا مخبوط مرتين بموتوسيكلات صينى و اخر مرة خلت العربية شكلها غبى لدرجة انى كرهتها و هى لسه زيرو للاسف

**Ahmed Samy** · 25-05-2008 02:28 AM

اخي العزيز

الساحة دي للاقتراحات فيما يخص المنتدى و خدمة الأعضاء أو الاستفسارات عن المشاركات او شؤون الأعضاء

مش مخصصة لاقتراح (بدهس) خلق الله في الشارع لأن مالهومش ديه

كلنا اتخربشنا منهم بدل المرة ألف بس مش معنى كده اني أدوسه

و على فكرة .....ليه دية في رقبتك عند اللي خلقو و خلقك

تقبل تحياتي

**dinow** · 25-05-2008 02:31 AM

على فكره حضرتك انا اقصد ندوس الموتوسيكل مش اللى سايقه و دى مش همجية ولكن دليل على الفوضى اللى عايشين فيها و عجز القانون عن التصدى لهذه الظواهر و عن انه يجيبلك حقك

**zeyad1810** · 25-05-2008 12:43 PM

"اللى يضايقه فيكم موتوسيكل صينى من غير نمر يدوسه لان ماحدش هايجبلك حقك و ماتخفش مالوش ديه "
طب مانت كدة هتموت اللى سايق
" انا اقصد ندوس الموتوسيكل مش اللى سايقه "
هو فى عربية تدوس موتوسيكل طب ما العربية هى اللى هتتبهدل