لو خبطك موتوسيكل صينى من غير نمر تعمل ايه

**dinow** · 26-05-2008 11:03 AM

ماهى الشرطة فى مصر بتخلص موضوع حوادث السير دى على حسب ما بيتفقوا الاطراف و بيبقوا عايزين الناس تصطلح هما يعنى ناقصين وجع دماغ

**دموع الثلج** · 26-05-2008 12:07 PM

طيب وايه التصرف مع حمله الموتوسيكلات اللى بتبقى قدام زفه اى عروسه

طبعا الكونتيسه ( العروسه ) والامبرطور (العريس) راكبين العربيه ومستمتعين جدا بالعرض الرائع للاكروبات اللى بيعملهوها الشباب بالموتوسيكلات قدام الموكب المعظم لجلالتهم فى شوارع وميداين السيرك المصرى

موضوع مستفز جدا ويغيظ مش حقد بئه عشان محدش يفسر كلامى غلط

لكن يعنى ايه فرح اقوم انا اسد الشارع واقعد اخد الشارع من اقصى اليمين لاقصى الشمال غرز وموقف ورايا الموكب عشان فرح شخص

نفسى اشوف شرطه المرور بتصرف ازاى فى كده

انا متغاظه جدا كنت رايحه اودى مامتى للدكتور والعصابه دى قفلت شارع الهرم وراهم وهاتك يا رقص بالموتسيكلات ايدى وجعتنى من كثر ما ضربت كلاسكات واقلب لهم نور مش عاوزين يفتحوا الشارع كان اخر تفكيرى ادوس بنزين واللى يموت يموت منهم بس خفت على ولدتى معايا

اللى بيحصل فى الشارع ده بيدل على همجيه الشعب المصــــــرى فى التعبير حتى عن فرحه او غضبه

**dinow** · 26-05-2008 03:43 PM

و الله حضرتك فتحتى موضوع انا كنت لسه هاتكلم فيه بس الحمد لله سبقتى و قولتيه فعلا مواكب الزفة بالموتوسيكلات و التكاتك دى كارثة

**dinow** · 26-05-2008 07:19 PM

لما تكون راكب سيارة أوبترا زيرو عاملة أقل من ألف كيلو ووقفت فى اشارة ووقفت جنبك سيارة لانسر بومه تبدو زيرو أيضا بينك و بينها أقل من 40سم و تلاقى صوت موتوسيكل صينى جاى بسرعة شديدة من وراك و تبص تلاقيه داخل بينك و بينه عشان يعدى بنفس السرعة بدون تهدئة و فجأة تسمع بوم طاخ و الموتوسيكل عدى و طار خلاص و كسر الاشارة و تلاقى سايقه شاب شكله لسه عيل ووراه اتنين قده و طبعا مفيش داعى انى اقول انه من غير نمر لان ده بديهى طبعا نزلت انا و جارى اللانسراوى لنكتشف الخسائر تطبيقة فى الرفرف اليمين ورا جنب تنك البنزين و كحت البويه تماما فوق العجلة الورانية لدرجة ان الصاج بان و المراية اليمين لفت لبرة اما جارى فكان حظه اسوا منى مرايته الشمال اتكسرت تماما و بابه اتطبق مع كام حكة عرضية كده و النبى لو حد فيكوا مكانا كان هايبقى ايه شعوره

**جمال** · 27-05-2008 01:16 AM

المشاركة الأصلية كتبت بواسطة dinow

لما تكون راكب سيارة أوبترا زيرو عاملة أقل من ألف كيلو ووقفت فى اشارة ووقفت جنبك سيارة لانسر بومه تبدو زيرو أيضا بينك و بينها أقل من 40سم و تلاقى صوت موتوسيكل صينى جاى بسرعة شديدة من وراك و تبص تلاقيه داخل بينك و بينه عشان يعدى بنفس السرعة بدون تهدئة و فجأة تسمع بوم طاخ و الموتوسيكل عدى و طار خلاص و كسر الاشارة و تلاقى سايقه شاب شكله لسه عيل ووراه اتنين قده و طبعا مفيش داعى انى اقول انه من غير نمر لان ده بديهى طبعا نزلت انا و جارى اللانسراوى لنكتشف الخسائر تطبيقة فى الرفرف اليمين ورا جنب تنك البنزين و كحت البويه تماما فوق العجلة الورانية لدرجة ان الصاج بان و المراية اليمين لفت لبرة اما جارى فكان حظه اسوا منى مرايته الشمال اتكسرت تماما و بابه اتطبق مع كام حكة عرضية كده و النبى لو حد فيكوا مكانا كان هايبقى ايه شعوره

طبعا شعور زى الزفت ولو طلته هكسر دماغه
بس اشمعنى موتوسيكل صينى , يعنى لو موتوسيكل مش صينى مش هتزعل
عيز اقول ان المشكلة فى تصرفات راكبى الموتوسيكلات عموما مش بس راكبى الموتوسيكلات الصينى
وقلبى معاك فى اللى حصل

**dinow** · 28-05-2008 01:09 AM

لما تبقى داخل على لجنة على طريق مزدحم بالليل و الطريق واقف و مئات السيارات واقفة طبعا انتوا عارفين المنظر و فى وسط هذا الكم من السيارات عشرات الموتوسيكلات اللى من غير نمر و اذ فجأة يلاقيهم كلهم لفوا وشهم وطايرين فى عكس الاتجاه فى وش كل العربيات دى زى المجانين و كلهم بيندهوا على بعض اجرى ياللا لجنة ياللا و طبعا تسمع اصوات مرايات بتتكسر و صاج بيتحك و ستات بتصوت طبعا من الخضة كل ده على بعد امتار من لجنة و لا حد اتحرك عمل حاجه قولولى ايه رأيكم فى المشهد ده