الموضوع: موضوع تجميعى لمعظم مشكلات الجين2 من تجارب الملاك

المشاركة الأصلية كتبت بواسطة a7mednour

طيب انا عندي مشكلة منكدة علي في الفتيس ... اني لما اجي اطلع من ال n للp علشان اركن العربية الفتيس يكون تقيل معايا اوي بطريقة غبية فبضطر اني ادوس عليه جامد لتحت اوي علشان يطلع لقدام ... وبالعافية برده بيطلع... وده حصل لما اديتها لواحد ميكانيكي معروف جدا وشغله حلو زي ما الناس بتقول يفحصهالي ... قعد يدور العربية ويقفلها حوالي خمس ولا ثمان مرات ورا بعض من غير ما يستنى اما الصفارة تنتهي ... ولما قلتله كدا غلط ... قاللي الشعب كله بيفتي ...ولما كان بيدور ويقفل كل ما يدور يرجع الفتيس من الp لل d في اقل من ثانية وعمال يحدفه قدام وورا كانه بيحدف بلي ولا حاجة وانا قاعد مزاجي زفت من اللي بيعمله حوالي سبع مرات قدام وورا وكان اخرتها ان الفتيس علق وبعدين قاللي قاعدة الفتيس مش مظبوطة وعاوزة تتظبط ... المشكلة كمان اني لما جيت ادور العربية لمبة ال cheack engine ظهرتلي ...لغاية ما روحت ...بطلت شوية وشغلت الللمبة راحت والفتيس علق لغاية دلوقتي .. يا ريت تدولوني عالحل لاني خايف مرة اتعافى عليه لما اكون مستعجل يقوم مكسور ...سالت واحد صحبي قاللي ده العفشجي اللي يعملها ...مش عارف ؟؟
وربنا يحفظكم من كل سوء ...

كان لازمة تضربة على وشة على طول لان دى عربيتك حتى لو انت غلط واللى بيعملة صح انت حر فى عربيتك يعمل اية وميعملش اية
عموما الحمد لله بسيطة بس انا اتمنى انك تروح عصام صفا يكشف هناك لان دى ميكانيكا مش عفشجى خالص وممكن تكون العيب من لوك الفتيس او السستة اللى بتنقل من d الى p مش العكس
المهم متسكتش عليها وخير ان شاء الله

دلوقتي موضوع الفازلين اللي علي كاوتش الابواب ده هو هو الكريم بتاع الجلد البشري عشان انا حطيته وبقي لون الكاوتش بيج وباين فيه الكريم اوي وفضلت ادعك فيه برضه مش عايز يختفي فكده صح ولا ايه الطريقه بالظبط عشان انا بتخنق من كل اللي ينزل ويهبد الباب قلبي بينط بره ويرجع تاني

المشاركة الأصلية كتبت بواسطة ayman_83

دلوقتي موضوع الفازلين اللي علي كاوتش الابواب ده هو هو الكريم بتاع الجلد البشري عشان انا حطيته وبقي لون الكاوتش بيج وباين فيه الكريم اوي وفضلت ادعك فيه برضه مش عايز يختفي فكده صح ولا ايه الطريقه بالظبط عشان انا بتخنق من كل اللي ينزل ويهبد الباب قلبي بينط بره ويرجع تاني

هوة بعينة بس سيبة يومين وحتلاقى الجلد شربة ورجع للونة بس طرى

الله يبارك فيك - وجزاك الله خيراً على التجميعة الحلوة دى
بس انا كنت عايز اصحح معلومة بخصوص الملاحظة رقم 4:
4-ياريت كل فترة (3000 كيلو مثلا ) تحط منظف رشاشات محترم مع تفويلة للعربية حلوة كدة وتانى بقول منظف رشاشات مش منظف دورة وقود وعن نفسى انصح ب liqui moly اكتر من ممتاز وبردة stp كويس وطبعا دة بينضف رشاشات عربيتك باستمرار من البنزين الجميل اللى عندنا وتفضل العربية فايقة ومتتكتمش
منظف الرشاشات مكتوب عليه فى خلف العبوة مدة الاستخدادم وهى دائما بتكون مكتوبة 5000 ميل
والـ 5000 ميل حوالى ما يقرب من 8046.72 كيلو - وخطر جدا ان الواحد يحط منظف الرشاشات بخلاف التعليمات الموجودة خلف علبة المنظف لان ده ممكن يؤدى الى تاكل الانجكشن بدلا من تنظيفه فلاهمية لزم التوضيح لتعم الاستفادة باذن الله وجزاك الله خيراً مرة اخرى على هذا الموضوع الجميل.

موضوع مفيد ياميدو تسلم ايدك

المشاركة الأصلية كتبت بواسطة leeeedo

موضوع روعة يا برنس بس قوللي انا غيرت تيل فرامل ولمبة abs منورة علي طول وغيرت بطارية ولمبة ال check منورة علي طول عملت كل حاجة عشان يطفوا مفيش فايدة حلها ايه يا برنس

هيا طبعا غريبة اللي حصل ده بس اكشف على العربية وشوف في عيوب ولا لا
ولو مفيش يبقى سهل تتشال عادي بالكومبيوتر
انصحك بمركز عصام الصفا

أنا بقى عندي مشكلة ظهرتلي الأيام ده مش عارف إذا كانت بتحصل في العادي لملاك الجين ولا لأ.

صوت تكتكة سريعة بيبان قوي في السحب على أي نقلة, سألت باشمهندس محمد عبد الهادي عالتليفون قال لي ده في الغالب مانيفولد, مش عارف إزاي باظ بصراحة وهل ديه قطعة بتبوظ بسهولة كده؟ ده أنا لسة 35 ألف.

عامةً طبعا القطعة مش موجودة في التوكيل وتيجي فخلال 3 اسابيع, يا معين.