موضوع تجميعى لمعظم مشكلات الجين2 من تجارب الملاك

**m_marmoush** · 05-02-2012 11:25 AM

من كام يوم و انا بدور العربية حسيت أن العربية بتعتل فى الدوارة، محطتش فى دماغى وقلت جايز عشان الدنيا برد وأنا بقالى فترة حركتى قليلة بالعربية فطبيعى ان البطاريه تضعف بس حترجع تشحن تانى بعد كام مشوار خاصة و أن البطارية بقالها 1.5 بس و المفروض تقعد من 2-3 سنين.

المهم وأنا فى مشوار من المشاوير جيت أدور العربية العربية مش عايزة تدور بس جملة مش عايزة تدور هنا مختلفة عن أى عربية شوفتها، إزاى؟ العربيات الطبيعية لما تكون البطارية نايمة بتحاول تقوم (المارش بيدور) بس الموتور مابيقومش وكمان الكلاكس ممكن يكون مش شغال.
فى الجين تو كل كهربة العربية شغالة (كشاف وكلاكس و سنتر و كاسيت كمان) بس لما تيجى تدور العربية تسمع صوت تكتكة عالى و مافيش حركة للمارش.
طبعا جبت توصيلة ورحت للكهربائى كشف على البطارية و شحن الدينامو وقالى البطارية بايظة ولازم تتغير
ملحوظة: عربيتى أوتوماتيك عشان اللى أنا قلتة فوق ممكن يختلف بالنسبة للمانيوال

**EmadMohiy** · 06-02-2012 02:41 PM

السلام عليكم،
جزاك الله خيرا على الموضوع الممتاز ده و اللى أفاد ناس كتير جدا جدا (و انا أولهم)
بس يا ريت من كل الزملاء اللى ذكروا مشاكل و عرفوا حلها أو بالفعل حلوها يبعتوا يقولوا عملوها إزاى و فين و إتكلفت إيه و كده...
عشان الفائدة تعم، و مرة أخرى ربنا يبارلك و ألف مليون شكر.

**m_marmoush** · 06-02-2012 04:03 PM

المشاركة الأصلية كتبت بواسطة m_marmoush

من كام يوم و انا بدور العربية حسيت أن العربية بتعتل فى الدوارة، محطتش فى دماغى وقلت جايز عشان الدنيا برد وأنا بقالى فترة حركتى قليلة بالعربية فطبيعى ان البطاريه تضعف بس حترجع تشحن تانى بعد كام مشوار خاصة و أن البطارية بقالها 1.5 بس و المفروض تقعد من 2-3 سنين.

المهم وأنا فى مشوار من المشاوير جيت أدور العربية العربية مش عايزة تدور بس جملة مش عايزة تدور هنا مختلفة عن أى عربية شوفتها، إزاى؟ العربيات الطبيعية لما تكون البطارية نايمة بتحاول تقوم (المارش بيدور) بس الموتور مابيقومش وكمان الكلاكس ممكن يكون مش شغال.
فى الجين تو كل كهربة العربية شغالة (كشاف وكلاكس و سنتر و كاسيت كمان) بس لما تيجى تدور العربية تسمع صوت تكتكة عالى و مافيش حركة للمارش.
طبعا جبت توصيلة ورحت للكهربائى كشف على البطارية و شحن الدينامو وقالى البطارية بايظة ولازم تتغير
ملحوظة: عربيتى أوتوماتيك عشان اللى أنا قلتة فوق ممكن يختلف بالنسبة للمانيوال

البطارة القديمة كانت فارتا السوداء (الألمانى) c15 ودى المفروض كانت من أفضل وأغلى الأنواع فى السوق سنة 2010 بس مقعدتش غير سنة و نص

المهم،، الجديدة ac delco ودخلتها فى القديمة ب 370 جنيه (55 أمبير)

**EmadMohiy** · 07-02-2012 12:29 PM

المشاركة الأصلية كتبت بواسطة m_marmoush

البطارة القديمة كانت فارتا السوداء (الألمانى) c15 ودى المفروض كانت من أفضل وأغلى الأنواع فى السوق سنة 2010 بس مقعدتش غير سنة و نص

المهم،، الجديدة ac delco ودخلتها فى القديمة ب 370 جنيه (55 أمبير)

معلومة قد تفيد البعض:
فى حالة شراء أو إستبدال بطارية السيارة يجب أن تكون فى نفس حدود الأمبير القديم (55 أمبير على سبيل المثال و انا شخصيا بفضل 60 أو 65 أمبير)
- حيث لو أقل هايأثر على عمل السيارة مثل المارش و الكاسيت و الإضاءة يعنى ممكن تيجى تشغل العربية و النور والع ماترضاش تشتغل و هكذا.
- طب لو جبتها أكبر من كده فى الأمبير عشان تريح دماغك، برده ده مش كويس عشان كده إنت بتحمل على بوبينة المولد أثناء السير بالسيارة ليقوم بشحن البطارية.
و عامتا يفضل طبعا البطاريات الجافة مش السائلة و خاصة للسيارات الأتوماتيك و تكون ماركة معروفة بالضمان و يا سلام لو من مكان أو محل كبير يخاف على سمعته.

**mido_soliman** · 07-02-2012 04:15 PM

المشاركة الأصلية كتبت بواسطة emadmohiy

معلومة قد تفيد البعض:
فى حالة شراء أو إستبدال بطارية السيارة يجب أن تكون فى نفس حدود الأمبير القديم (55 أمبير على سبيل المثال و انا شخصيا بفضل 60 أو 65 أمبير)
- حيث لو أقل هايأثر على عمل السيارة مثل المارش و الكاسيت و الإضاءة يعنى ممكن تيجى تشغل العربية و النور والع ماترضاش تشتغل و هكذا.
- طب لو جبتها أكبر من كده فى الأمبير عشان تريح دماغك، برده ده مش كويس عشان كده إنت بتحمل على بوبينة المولد أثناء السير بالسيارة ليقوم بشحن البطارية.
و عامتا يفضل طبعا البطاريات الجافة مش السائلة و خاصة للسيارات الأتوماتيك و تكون ماركة معروفة بالضمان و يا سلام لو من مكان أو محل كبير يخاف على سمعته.

+1111111111111

**devil_inlife** · 15-10-2014 12:45 PM

طلب من الاصدقاء الافادة
انا امتلك سيارة بروتون جين تو اوتوماتيك وبحس وانا على الطريق بعد 80 كيلو ان صوت الماتور عالى وكمان وانا داعس بنزين بسمع صوت صفاره وتروح لما اشيل رجلى من على دواسة البنزين
ارجوا الافادة وبسرعه لان الموضوع ده عاملى صداع فى دماغى وانا سايق على الطريق

**EmadMohiy** · 16-10-2014 08:03 AM

فی الاغلب ده صوت البلية محتاجه تتغير و عشان تتأكد هاتلاقی صوتها بيعلی لما التكييف بيشتغل
الف سلامة للعربية

**PUTTPUTT** · 18-10-2014 11:51 AM

اقول هنا يمكن حد يرد
العربيه مع كل مطب بتحك وتخبط من تحت لدرجه ان كل يوم كطب جديد بخبط فيه
والاكصدام بقى بيلق من كتر الخبط
ياترى في حل ممكن اعمله وممكن يكون في مشكله في الكاوتش ولا ايه

**EmadMohiy** · 19-10-2014 07:36 AM

لازم تروح لبتاع عفشة يشوفلك العربية عمالة توطی ليه عشان الجين 2 عامتا عاليه مقارنتا باغلب العربيات
و مش طبيعی ان المساعدين يهبطوا كدا
ربنا معاك

**PUTTPUTT** · 19-10-2014 01:05 PM

المشاركة الأصلية كتبت بواسطة emadmohiy

لازم تروح لبتاع عفشة يشوفلك العربية عمالة توطی ليه عشان الجين 2 عامتا عاليه مقارنتا باغلب العربيات
و مش طبيعی ان المساعدين يهبطوا كدا
ربنا معاك

شكرا للرد
بس هي في الضمان فالتوكيل ممكن يحل المشكله دي ولا ايه

الموضوع: موضوع تجميعى لمعظم مشكلات الجين2 من تجارب الملاك

LinkBack

أدوات الموضوع

عرض

-

-

-

المواضيع المتشابهه

افضل مركز صيانه معتمد للغبور موضوع تجميعى

كتالوج لمعظم كربراتيرات السيارات مع حل مشكلات من الصانع

بعد غياب (موضوع مهم لمعظم الاعضاء)

موضوع تجميعى لمواضيع زيوت فيسكو

الكلمات الدلالية لهذا الموضوع

المفضلات

المفضلات

ضوابط المشاركة