الموضوع: موضوع تجميعى لمعظم مشكلات الجين2 من تجارب الملاك

المشاركة الأصلية كتبت بواسطة mohamed.kader

السلام عليكم
تسلم أيدك طبعا ..................لكن المشكله الأكبر في المشاكل اللي ملهاش حل ذي
1- مقابض الباب الخارجيه بتتكسر بشكل عجيب

بص هوة موضوع مقبض الباب دة تحديدا للاسف غلط مننا احنا لان احنا بنتخيل ان المقبض من شكلة معدن فبنحمل علية دة غير ان لو حضرتك اتبعت طريقة فتح الاكرة صح عمرة ما حيتكسر فى ايدك
الطريقة كالتالى حضرتك حتحط صباعك الابهام على مكان ما بدخل المفتاح وباقى الاصابع الاربعة انت ماسك الجزء المتحرك من الاكرة وبتدوس بابهامك على مكان المفتاح وبالتالى لانة لا يتحرك ف حتلاقى رد الفعل حصل فى الاربع صوابع اللى ماسكين الاكرة فبتفتح معاك بدون تحميل عليها
الخطا الشائع اللى بيختلف طبعا من واحد للتانى انك بتحط الخمس صوابع على الاكرة وبتشد لبرة وفى الحالة دى تشريحيا ممكن دراعك هوة اللى يكون بيشد وللاسف احيانا اخرى الجسم ممكن هوة اللى يشد وفى الحالة دى ممكن يحصل الكسر لان الحمل كبير جدا على اكرة بلاستك
مش عارف الوصف حاسة صعب انا اسف بس على قد ما قدرت اصورلك الطريقة عن طريق الكتابة

2-فرن الشكمان اللي بيتشرخ دا حاجه عجيبه

مبيتشرخش الا لو مشيت على سرعات عالية لفترات طويلة جدا (ماشى 180 اكتر من 30 دقيقة متتالية)

3-نعومة فرامل اليد بشكل غير عادي

بيتهيالى دة عيب فى الوير بتاع فرامل اليد ولازم يتغير اذا رجلشت علية اكتر من مرة وبردة بتنعم

المشاكل دي أنها شايفها من وجهة نظري مع الأستعمال العادي.........ياريت كان يبقالها حل

المشاركة الأصلية كتبت بواسطة alaa7sh

موضوع أكتر من ممتاز
للأسف مش لاقي حل لموضوع رزع الشنطة عند القفل "بضطر أرزع الشنطة جامد لما بقفلها".

لية بترزعها انا مش فاهم انت بتنزل الشنطة لحد الاخر بايدك وبتكون لسة معملتش لوك للقفل وبتروح رافعها رفعة صغيرة كدة وتسيبها تروح عملا لوك لوحدها بدل ما تسيبها تنزل من فووووووووووووووووق انت بتنزلها بايدك وتروح رافعها 2 سم وتسيبها free falling لو غير كدة يبقى المشكلة فى الاساس من القفل جرب ترش علية وعلى كل مفصلات الشنطة wd40

وديتها لـ عصام وصفا لقيت المهندس عصام بيقولي ده دليل ان المساعدين عندك جامدين. ولو عملنهالك هيأثر علي المساعدين عندك !

المشاركة الأصلية كتبت بواسطة shakshak2011

تسلم إيدك على الموضوع الراااااااااااااااائع

يا فندم انت اروع متشكر جدا لزوقك

المشاركة الأصلية كتبت بواسطة tamerosman

شكرا على مجهودك الموضوع شامل و مغطى اغلبية المشاكل

الله يحفظك اشكرك

ازاى نخلى الادارة تثبت الموضوع؟

الله اعلم المهم انك استفدت وخلاص

انا عندى صوت تزييق خفيف باسمعه لما الف الدركسيون ربع لفة يمين او شمال ( مش صوت تكتكة ) و اشتكيت لمهندس التوكيل قالى مش كلوك سبرنج ( بيقول صوت احتكاك بلاستيك) مش عارف اعمل ايه؟ ( للاسف مافيش عصام و صفا فى اسكندرية )

مهندس التوكيل قالك كدة لانة لسة مباظش هوة فى بدايات القطع
عموما دى بدايات كلوك اسبرينج بكل ثقة لان معندناش اساسا بلاستيك ممكن يخبط فى بعضة اثناء حركة الدريكسيون

المشاركة الأصلية كتبت بواسطة hoko

كلام جميل ومفيد جدآ
وان دل فيدل على ان اعضاء بروتون فعلا ناس محترمين .
تقبل تحياتى مع امل الاستمرار فى العطاء المفيد.
و لكم الشكر.

الله يخليك كلك زوق ومتشكر جدا على تشريفك

المشاركة الأصلية كتبت بواسطة raul_7

عود حميد يابو حميد, موضوع زي الفل والله.

بس بالنسبة للمشكلة رقم 5, مش لازم clockspring ممكن تنضيف ال multi function عادي وساعات كتير أصلا بتظبط لوحدها أول ماتبطل العربية وتدورها تاني.

حبيبى يا حودة نورت الموضوع وفعلا انت معاك حق ولكن انا قلت احط الحل الجذرى لان تنضيف مرة والتانية ........والنهاية ؟ تعددت الاسباب والموت واحد :)))

المشاركة الأصلية كتبت بواسطة mido_soliman

حبيبى يا حودة نورت الموضوع وفعلا انت معاك حق ولكن انا قلت احط الحل الجذرى لان تنضيف مرة والتانية ........والنهاية ؟ تعددت الاسباب والموت واحد :)))

أصل أنا مغير clockspring بالفعل يا معلم وساعات برده بيعلق, فأنا رأيي إنها مش مشكلة clockspring.

المشاركة الأصلية كتبت بواسطة raul_7

أصل أنا مغير clockspring بالفعل يا معلم وساعات برده بيعلق, فأنا رأيي إنها مش مشكلة clockspring.

جرب موضوع ريسيت البطارية دة لانة سحرى على فكرة
بيظبط العربية من اول وجديد لما تحس انها بتستهبل :)

ههههههه, ماشي يا معلم, بس لو علق كتير يبقى على التوكيل ويغيروا وحدة الملتي كلها.