الموضوع: كيف تصنع ايفو 1000 حصان ؟

نكمل كلامنا

قبل مانروح للخراط محتاج انوه إن احنا محتاجين طقمين مسامير مهمين جداً مع باقي المكونات

هما ال main studs ودول إلي بيثبتوا الكرانك في مكانه وال- Head studs ودول إلي بيثبتوا ال- cylinder head (وش السلندر ) مع البلوك .

في ال- rebuild العادي المسامير د بتيجي من شركة اسمها ARP وبيكون سعر الطقم بحوالي 600 جنيه يعني الاتنين بحوالي 1200 جنيه لكن في حالتنا محتاجين Ultrahigh perfprmance studs ودول بيتعملوا من كذا شركة ومن ضمنهم ARP لكن يتفوق عليها في النوع دة شركات ذي cosworth و- AMS و JUN بحكم انهم عملو المشروع كذا مرة وعارفين هما عاوزين إيه فبيعملو المواصفات المناسبه عن تجربة عملية أكتر
و دول سعر الطقم الواحد منهم بيتراوح من 1500 جنيه لحد 4000 جنيه .

هنطلع الموتور ونشيل تماما كل إلي عليه ،نفك وش السيلندر ونطلع كل ال- internals ال- stock ونفك كارتيرة الزيت وطرمبة الزيت و و و و .......من الاخر هنسيب البلوك فاضي بدون أي حاجة عليه أو جواه ونغسله كويس جداً بالبنزين لإزالة أي رايش أو أوساخ
هناخد البلوك ونطلع على الخراط وهناخد معنا طقم ال- pistons ، ال- conn rods ، الكرانك ،وإل-bearings و طقمين المسامير .


على حسب ال- bore هتطلب من الخراط يشتغل يا إما هيسيبه stock bore أو لو إنت جايب pistons أكبر هتخرط في الشميز على مقاس ال- pistons ومع ال- 4G63T يفضل 0.5 م زياده كحد أقصى للامان بمعنى إن الشميز 85.5 mm هانزوده ل- 86.0 mm وطبعاً هنضيف كمان حاجة اسمها clearance بمعنى زياده كمان أكبر من حجم ال- pistons علشان نديها فرصة تتمدد داخل الشميز وتعملش stuck لم الموتور يسخن وكمان يكون فيه مكان لل- rings أو الشنابر
ال-clearance بيبقى مكتوب في المانوال إلي جاي مع ال- pistons على حسب كل ماركة ما بتفضل وأحياناً على حسب ال-boost أو ال revving إلي هتستخدمه .


بما إن البيل بقى أطول إذا إنه معرض مع لف الكرانك يضرب في جدران البلوك من نقاط معينه ود لزم ناخد بالنا منها أثناء التركيب


هيتم تركيب الكرانك وعليه البيلات وال- pistons بدون ربط أي عزم عليهم بس dummy tightening كدة ونراعي عند تركيب الكرانك إستخدام زيت مواتير خفيف على جميع الأجزاء ودهان داخل الشميز بنفس الزيت وخصوصاً مكان تركيب ال- bearings لأن عليها إحتكاك علي أثناء تركيب الكرانك ولفه .

بعد تركيب جمع الأجزاء مع بعضها هنبدأ نلف الكرانك ونلاحظ حركة البيلات جوا البلوك ونشوف نقطة تماسها فين مع البلوك علشان بالصاروخ نشيل الحتت دي بعيد عن طريق البيل !

حاجة تانية ناخد بالنا منها هي إن مقاس الخرط للبلوك طلع صح وإن ال- clearance مظبوط عن طريق إن احنا بنقيسه ب- filler بعد ما ال- piston بيركب .

نفك بقى دة كلو تاني علشان نركب إل- rings أو الشنابر على ال pistons ودي لها gap معين في قفلتها مع بعد حوالين إل- piston إل-gap دة بيجي مع المانوال على حسب إستخدام العربية للدراج أو للتراك أو هيكون عليها NOS فوق ضغط التربو كمان وبتتحسب بمعادلة معينه داخل فيها مقاس إل- bore مكتوبة بردو في المانوال

نبدأ في التركيب تاني بعد غسل الموتور تاني بالبنزين كويس لإزالة أي أوسخ أو رايش

نيجي بعد كدة لعمليات ربط جميع المسامير ونلاحظ إن الموضوع دة مهم جداً إنه يكون بمفتاح عزم من ماركة كويسة وموثوق في قراءته وكل مسمار في البلوك سواء مسامير البيلات أو ال- الكرانك أو وش السلندر لها العزم المخصوص إلي تتربط بيه وبييجي معها شحم مخصوص لازم استخدمه على المسامير أثناء عملية الربط .

كمثال مسامير وش السليندر من شركة ARP بتتربط ب-80 lbf من Cosworth ب- 100 lbf .ويراعى مراجعة المانوال إلي جاي مع المسامير

طريقة الربط كمان يفضل إتباع الآتي فرضاً لو العزم المطلوب lbf 100 هنربط لحد 30 وبعدين 60 وبعدين 100 في 3 خطوات ونشد على ال-100 3 شدات ويفضل انك بعد ما تشد على 100 تفكها شوية وتشدها تاني على 100

كدة البلوك جاهز من جوة تقرباً .


نكمل شراء باقي القطع

علشان نركب وش السيلندر محتاجين نجيب Gasket Head أو جوان وش سلندر مخصوص يستحمل الضغط العالي ودة غالباً بيكون مصنوع من الحديد أو الصاج مش rubber في منه أنواع كتيرة لمعظم شركات التعديل وأشهر نوع هو cometic gasket ودة سعر حوالي 600 جنيه في أنواع تانية ذي HKS و-JUN و-greddy ووووو- والاسعار بتتراوح من 600 لحد 1500 جنيه .
محتاجين كمان full seals kit للموتور كامل و دي هي الأويل seals وبعض الجوانات إلي بتستخدم في إعادة بناء الموتور ودي تمنها 1800 جنيه تقريباً


من الحاجات المهمة لازم نجيب طرمبة زيت وطرمبة مياه جداد ودول بييجو ستوك من موزع ميتسوبيشي ( مش في مصر طبعاً ) lol تمن طرمبة الزيت والمياه حوالي 4000 جنيه

كمان معظم الطنابير ممكن تتساب القديمه مع إنه يفضل تغيرها بأنواع أخف وأقوى والطقم تمنه حوالي 2000 جنيه . إلا حاجتين لزم ولابد يتغيروا
ودي هنتكلم عليها في
طنبورة الكرانك وإل cam gears و دي هنتكلم عليها في بناء ال cylinder head

طنبورة الكرانك بتتغير بحاجة اسمها dumper ودي بتخفف جداً من اهتزازات الكرانك أثناء إل- revving العالي وضرورية في project زي دة وسعرها بيتروح من 2200 ل- 3500 جنيه على حسب الماركة ونراعي إن احنا نشتري لها مسمار مخصوص مقوى وغالباً بيكون من شركة ARP وسعره حوالي 100 جنيه وليه عزم مخصوص في الربط بيتكتب عليه .

تابعوا في المرة الجاية هنتكلم عن شراء قطع إل- cylinder head وبنائه وهنتكلم عن إل- port and polish وهنبدأ كلام عن تجميع الموتور

مواضيعك دايماً في الجون!
طبعاً متابع.....