الموضوع: كيف تصنع ايفو 1000 حصان ؟

يا جماعة الراجل ده كلامه صح .. لما قال ان هناك إيفو 700 حصان في مصر أنا شخصيا سألت ودورت وشفتلها صور كمان .. وموضوع السيارة الـ إيفو 4 الـ 1000 حصان اللي بيتكلم عنها معمول فعلا ومعروف بقاله فتره من أول ما بدأ البروجيكت ده .. وأنا أعرف كذا سيارة من ماركات أخري "معدلة" في مصر وصلت واحدة فيهم لـ 1000 حصان وأخري 1088 حصان .. وأخيرا يا ريت البعض يفرق بين قدرة السيارة الـ "ستوك" وبين الـ "تيوند" .. إستمر يا باشمهندس إيفو ..

نكمل كلامنا
هنتكلم في المرة دي على ال cylinder Head و في project زي ده لازم يتعمل rebuild stage 3 بمعنى باعلي specs متاحة لاخراج paower زي ده

هنحتاج لل Head الآتي


ال valves بتيجي custom بمقاس أكبر تقريبا 1 مم أكبر في القطر من ال stock وبتكون من مواد أصلب بكتير من الستوك و في إلاغلب بيكون عليها كاربون Coating .

ال springs و دي في منها نوعين Dual وبيكون تصميمها زي سوستتين داخلين في بعض لكل سوستة أو BeHive design ودي بتاخد شكل هرمي للسوستة علشان توزيع الحمل عليها

ال retainers ودي صادادت ال valves وبتيجي مصنوعة من التايتانيوم .

هنحتاج Valve Guides أو دلايل جديدة ودي في الاغلب بتكون ستوك لأن مش عليها حمل



المحرك الاساسي لل Head ... الكامات


في ال 4G63T من معظم شركات التعديل العالمية بيكون في 3 انواع مظبطين على 3 زوايا

كامات 260 ودي تعتبر Daily use لتركيبها مش بنحتاج Rebuild لل Head و حتى مش بنحتاج Cam Gears يعني بتركب Plug and Play على ال stock cam gears ودي محدش بيركبها LOL


النوع التاني كامات 272 و في بعض الشركات 274 ودي agressive cams و معظم الشركات '' بتفضل '' عمل Rebuild لل Head عند تركيبها علشان ميحصلش كسر في السوسات أو حتى ال valves بسببها . و دي معظم الناس بتستخدمها وممكن تركب في بعض الماركات زي HKS على ال stock cam gears .


النوع التالت هو كامات بزاويه 280 و دي اكثرهم توحش و معاها صعب استخدام العربية في المشي العادي لانها بتبقى زي اللي واقفة 2 سلندر و كل الشركات بتلزم اللي ياخدها يعمل rebuild كامل لل Head .


طيب إيه الفرق بين التلاتة ؟

الفرق في ال power band . بمعنى 260 هتديك power على RPM قليل و power على ال mid range أما في ال revving العالي فملهاش لازمة تقريبا


ال 272 أو 274 بتوزع ال بور بين ال mid range و Hi revving لذلك بتلاقي معاها العربية بتسحب لاخر لفة في الموتور قبل Rev limitter .


ال 280 معظم ال power طالع مع ال hi revving لذلك متنفعش في المشي العادي ولا في التراكات . بتكون العربية drag use only .


الانواع المشهوره في ال rebuild كتير جدا ومعظم شركات التعديل العالمية بتعمل Valves و springs و cams تحت اسمها زي HKS , و Greddy , AMS , Buscher , Jun , Tomie , MAP , Ferria , GSC ...


ال Cam gears .


مع الكمات ال 272/274 و ال 280 شيء ضروري وده علشان الظابط في التيوننج لأن بدونهم في بعد الاحيان العربية ممكن متقفش idle خالص وكمان لظبط ال power band اللي عايزه على ال بروجكت وكمان علشان تساعد ال tuner اثناء عمل ال maps . وأشهَر الانواع HKS و AEM , Fedanza و greddy .


ال Timing Belt أو سير الكاتينه طبعا لازم يكون من مده قوية جدا

معظم شركات التعديل بتصنعه من مده الكيفلار واللي بيتصنع مها ال vest الواقية من الرصاص
وزيه سير المجموعة الصغير
وأشهَر الشركة في المجال ده Greddy و HKS .


الاسعار اللي هاقدر اقوله لان في تنوع كبير إن في porject زي ده محتاج من 15 ل 20 ألف جنيه لل Head rebuild


طبعا كل الحاجات دي بتركب عند الخراط باشراف فني من حد فاهم زي الميكانيكي أو صاحب المشروع لأن حاجة زي ال valves بتكون أكبر في القطر بـ 1 مم مثلا فبتحتاج توسيع ليها في ال Head


نيجي بقى لل porting .

المقصود بيه هو توسيع عيون ال Head للسماح بال flow الاعلى الناتج عن ال Agressive cams انه يخرج بسلاسه أكتر و العملية دي عايزه دقة فنية عاليه علشان تكون العيون كلها بمقاس واحد .


وعلشان نتأكد من حاجة زي دي و تكون العملية أسهل لازم نعملها في عدم وجود ال Valve guide أو دليل الصبابت . وال porting مفيد جدا في حاله ال Big Turbos لانه بيزود ال flow بنسبة كويسة تسمح بدوران ال Turbo بشكل أسرع وتقليل ال Lag على قدر الامكان .


للعلم في مصر كلها في 2 خراطين بس بيعملوا الموضوع ده والتنين في القاهرة وأنا اقصد عملية ال rebuild كلها لل block و ال Head و معاه ال porting ..

ولما قلت 2 بس قلت اللي ليهم سمعة طيبه وتجارب كتير .



كده تمام خلصنا block وال head


نيجي بقى للتجميع


بيتم تثبيت ال Head على البلوك وبينهم ال gaket اللي اتكلمنا عليه قبل كده ويتم رابط المسامير بنفس الطريقة اللي قلناها بالعزم المظبوط على حسب نوع المسامير .


في حاجة بتتعمل في ال 4G63T ودي بتزود من ال HP وال Agressivness للموتور وهي Balance shaft Elimination . بمعنى العامودين اللي بيعملوا بلانك للمتور بنشيلهم ونركب مكانهم Kit اسمها BSE Kit ودي بتستعوض عن العمود الطويل اللي بعرض البلوك بعمود صغير طوله تقريبا 2 سم ومعاها جلب لسد مخرج الزيت اللي كانت بتعمل lubrecating للعامود القديم وده طبعا بيزود ضغط الزيت داخل الموتور وبيديه power أعلى .


الاهتزازات الناتجة عن الغاء عامدين ال balance بيتم تعويضهم بال BSE Kit دي وبال Harmonic dampner اللي ركبناه مكان طنبورة القرآنك في لمرة اللي فاتت

تحذير مهم إن الغاء عمود ال balance بدون استخدام ال kit دي ممكن يؤدي اللي إن طرومبة الزيت تبوظ لانه متواصل بيها أو إن لا قادر الله الموتور يبوظ .

إذًا لما نيجي نركب طرومبة الزيت على الموتور نعمل في حسبنا تركيب عمود ال BSE kit الاول فيها وبعدين نركبها على الموتور مع ال oil seal بتاعها

هنركب طرومبة المية .


ال Harmonic dampner مع المسمار المخصوص ليه من ARP وعزمه على 60 lbf تقريبا


ملحوظة مع بروجكت زي ده ممكن تركب التكيف عادي جدا وده ال beauty of 4G63T لكن معظم الناس بتلغيه لتقليل الوزن و تقليل الحمل على الموتور ولأن عربية 1000 حصان في الاغلب مش هتروح تعمل بيها shopping .


بعد كده هيكون فاضل تثبيت كارتيرة الزيت من تحت مع ال seal بتاعها

تركيب وش التقسيمه الامامي والخلفي

تركيب timing Belt أو سير الكاتينه

تابعوا المرة الجاية هنتكلم على ال Fuel system اللي بيغذي 1000 حصان

ال intake manifold و انواعه

ال ignition System اللازم ل 1000 حصان

وال Turbo kit وأنواع ال exhaust manifold وال Turbos اللازمه ل 1000 حصان

ملحوظه : اللي مش فاهم حاجه يقول . أنا يهمني نشر الوعي ده بين معظم الشباب حتى لو بدون تنفيذ .

اللهم لك ....

المشاركة الأصلية كتبت بواسطة a7medheaders

يا جماعة الراجل ده كلامه صح .. لما قال ان هناك إيفو 700 حصان في مصر أنا شخصيا سألت ودورت وشفتلها صور كمان .. وموضوع السيارة الـ إيفو 4 الـ 1000 حصان اللي بيتكلم عنها معمول فعلا ومعروف بقاله فتره من أول ما بدأ البروجيكت ده .. وأنا أعرف كذا سيارة من ماركات أخري "معدلة" في مصر وصلت واحدة فيهم لـ 1000 حصان وأخري 1088 حصان .. وأخيرا يا ريت البعض يفرق بين قدرة السيارة الـ "ستوك" وبين الـ "تيوند" .. إستمر يا باشمهندس إيفو ..

مظبوط يااحمد. الموضوع مش محتاج لف ولا دوران وأنا بالتزم في كل مواضيعي إني منوهش أو أشير لأي شخص أو عربية معينة لابعاد أي سوء فهم

بالنسبه للايفو 4 فهي اتحولت tme evo 6 والموتور اللي فيها evo 8 لكن صاحبها لاسباب معينه فضل يسيبها كشكل 4

موضوع رائع وياريت نشوف في مصر شركات تعديل زي اللي بره كده علي الأقل حتي للمواتير الصغيره ال 1600 وال 2000 عشان دي اللي نقدر ندفعلها ضرايب

المشاركة الأصلية كتبت بواسطة osama.m

معلش يا ايفو
هو البلوك بتاع الموتور هيستحمل بعد كل دا .. يعني بعد شغل الخراطة و بعد التربو و الكلام دا هيتحمل ال hi revv للموتور ؟

يستحمل طبعا مفيش أي مشاكل . وقد كده مرة ونص كمان !!