الموضوع: كيف تصنع ايفو 1000 حصان ؟

إستمر الله يسترك ..

يا إيفوووووووووووووووووووووو ووووو

هذا الموضوع لو اتنفذ اين الشاسة الذى يتحمل كل هذا البور والتسارع واين الشوارع التى تتحمل الشوارع محتاجه توكتوك مش سيارة اصلا

الأسئلة يا إيفو :

- ليه بيتم إستخدام تربو كبير في مشروع زي كده ولا يتم إستخدام 2 تربو بأحجام أصغر (توين تربو) ؟؟ لأني وجدت إن التربو هيعمل spool علي RPM عالي هيكون في حدود 5000-5500 ..
- ما الفرق بين الـ Short Block وبين الـ Stock Block بتاع الإيفو ؟؟
- حجم الـ Intercooler المستخدم في المشروع ؟؟
- هل بيتعمل Rebuild للفتيس ولا بيتم تغيير الدبرياج بس ؟؟ وهل النوعية المستخدمة في الدبرياج بالنسبة لمشروع زي كده Carbon or ceramic or m etal ؟؟
- فلتر الهواء هل بيتم تغييره بواحد حجمه أكبر أو بمواصفات معينة ؟؟
- العربية لو مشيت بـ 92 + Methanol Injection ده عادي ولا لازم 95 + Methanol Injection ؟؟
- هل يمكن تنفيذ المشروع علي الـ ECU بتاعت الإيفو ولا لازم تغييرها ؟؟ وأيضاً ما علاقة الـ Anti-lag بالـ ECU ؟؟

دي الأسئلة الحاضرة في ذهني الأن وشكراً جزيلاً لك ..

المشاركة الأصلية كتبت بواسطة A7medHeaders

الأسئلة يا إيفو :

- ليه بيتم إستخدام تربو كبير في مشروع زي كده ولا يتم إستخدام 2 تربو بأحجام أصغر (توين تربو) ؟؟ لأني وجدت إن التربو هيعمل spool علي RPM عالي هيكون في حدود 5000-5500 ..

علشان موتور الايفو مش designed إنه يكون Twin Turbo و لو هنحوله من سينجل ل Twin هيكون فيه تغيرات في المنايفلد و ال MAF هيتحول MAP و بعدين في project زي ده التربو مش بيعمل spool عند 5000 ولا حاجة ده بيدي Full Boost عند 5000 و عند 5000 اللي هي بداية ال Full Boost بتكون العربية بقت 500 حصان Already واجبلك Dyno sheets لو عاوز بالاضافه إن التربو الكبير بيدي Volumetric efficiency أعلى يعني على 25 PSI مع Project زي ده هتاخد 500 حصان اللي مع تربو تاني اصغر عاوز 30+ PSI بالاضافه انه من نقطة ال full boost لحد ال Red zone بيحافظ على Boost ثابت بدون drop ( بتتسمى المنطقة دي مع ال Turbos الضخمة ... Shitting pants zone :) لانك بتبدأ من 500+ وتفضل تعلى لحد 800-900 حصان في 3000-4000 RPM بس تخيل الإحساس ساعتها لو واحد مش عارف هو راكب إيه و داس full throttle على التالت مثلا .

- ما الفرق بين الـ Short Block وبين الـ Stock Block بتاع الإيفو ؟؟

Short block هو مصطلح بيتقال على ال block بدون Heads و عكسه Long Block اللي بيكون راكب عليه ال Heads و موتور ال Evo زي أي block تاني يتقال عليه المصطلحين ..

- حجم الـ Intercooler المستخدم في المشروع ؟؟

2.5 Inch inlet / outlet , 4 Inch thickness ده العادي
لكن في ال Order بتطلب IC ل Target HP كذا وطبعا لازم يكون ماركة

- هل بيتعمل Rebuild للفتيس ولا بيتم تغيير الدبرياج بس ؟؟ وهل النوعية المستخدمة في الدبرياج بالنسبة لمشروع زي كده Carbon or ceramic or m etal ؟؟

طبعا لازم وإللا مش هينفع Drags أو أي action إللا بعد 80-90 كم/ساعه Autocross أو Donuts أو أي نزوة الفتيس والكرونه باي باي وبيتكلف Rebuild الفتيس والكرونه الامامية حوالي 50 ألف جنيه وال دبرياج لازم يكون triple Plate أو على الاقل twin plates Carbon و تمنه حوالي 18 ألف جنيه وراكب في العربية اللي في مصر اللي معمولة 800 حصان

- فلتر الهواء هل بيتم تغييره بواحد حجمه أكبر أو بمواصفات معينة ؟؟

مش شرط المهم يكون Hiflow و Cold Air intake وبتاع Evos

- العربية لو مشيت بـ 92 + Methanol Injection ده عادي ولا لازم 95 + Methanol Injection ؟؟

ممكن 92 لكن عايزه Tuner جن و وفاهم وحريص جدا وطبعا ال Target Boost مش هيكون زي 95 بس Highly recommended 95

- هل يمكن تنفيذ المشروع علي الـ ECU بتاعت الإيفو ولا لازم تغييرها ؟؟ وأيضاً ما علاقة الـ Anti-lag بالـ ECU ؟؟

ممكن لكن مش بتاع Evo 4 ابتداءا من 6 لحد 8

ال Anti Lag ده Option بيديه ال Stand Alone Engine Management وعلى حسب نوعه ممكن يديك كذا اخيار زي Rally mode AL أو Drag mode AL و الانواع دي بتبقى غالية جدا بحوالي 12 ألف جنيه ال ECU بس بدون Sensors .

دي الأسئلة الحاضرة في ذهني الأن وشكراً جزيلاً لك ..

جزاك الله كل خير علي ردودك الرائعة .. وبالله عليك أكمل الموضوع وإعلم أنه لو إستفاد من هذا الموضوع 2 أو 3 فقط فسيكون نجاحاً لك بالطبع لأن المعظم ربما لا يهتم بالموضوع لكونه لن يطبقه أو ربما يراه مستحيل التنفيذ .. أنا متابع ومنتظر الجزء الجديد بفارغ الصبر

أنا مش عارف ليه الناس بتقول مستحيل التنفيذ مع انه اتنفذ فعلا وفي مصر