الموضوع: كيا كارنز او تيريوس 5 راكب

المشاركة الأصلية كتبت بواسطة formulator

بالنسبة لموضوع النقاش: عفشة الكارينز vs عفشة التيريوس..

هتكلم على عفشة التيريوس أولا.. اللى هى de-tuned version من عفشة التويوتا rav4, مع تقليل التكلفة.. لأن المواتير اللى بتركب عـ التيريوس أصغر.. والعربية نفسها أرخص بكتييييييير جدا..
الشاسيه فـ الأساس نسخة معدلة من شاسيه الياريس: ودى حاجة مش كويسة btw..
المهم, ان عفشة التيريوس الخلفية مش real multi-link أو fully-independent.. مش بس عشان تجهيزها انها تبقى 4x4 الفستك ده, لكن عشان استرخاص المكونات لأجل الغرض (تقليل التكلفة)..؟؟!!

فنيا: عفشة التيريوس الـsuspension cross-member بتاعها بيبقى solid-axle, ودى مشكلة كبيرة جدا.. آه فيه 5-link فـ الطرفين, لكن تظل solid-axle مش stabilizer-bars مع control-arms فـ الطرفين...؟؟!!!

وده فـ رأيى سبب انها ناشفة, لدرجة أقل فى الـ4x2 version عن الـ4x4.. لكن برضه ناشفة ومش بتدى الـride-comfort المطلوب..؟؟؟!!
هتقوللى ناشفة لكن ثابتة.. هقولك لأمش ثابتة خاااااااااااااالص, (عن تجربة لتريوس بلاتينوم دى, و جراند تيريوس بتاع واحد صاحبى)..؟؟!!

عارف مش ثابتة ليه؟؟ عشان 1- عالية أوى عن الأرض 2- مشوار المساعدين طويل والسوست ناعمة.. بغرض توفير النعومة, لكن للأسف تصميم أساس العفشة مش مساعدهم..؟!!
الـdamping-rate بتاع المساعد كبيييييييييير جدا, العربية استجابتها سيئة جدا فى الحفر والفواصل, أو ملفات على سرعات.. احساس عدم الأمان متوفر بشدة.. :o_stupid[1]:

آه نسيت أقول عفشة الكارينز fully-independent يعنى real multi-link
الأربع عجلات مالهمش دعوة ببعض..؟؟!!!
ولو انى مبحبش الكيا (والكورى عموما).. بس الحق يقال, العربية دى جمعت الى حد كبير مابين حاجتين صعب أوى يتوافروا فـ عربية كورى دلوقتى (وفـ الفئة دى mpv)..؟؟؟!!

العفشة الخلفية ناعمة + ثبات جيد جدا على السرعات العالية و فـ الملفات, على الرغم من حجم العربية وارتفاعها (كـ بودى)..؟؟!!!

برضه عشان تصميم العفشة الخلفية, وماتنسوش يا جماعة انها مصممة (كـ شاسيه) انها تشيل مواتير لحد i4 2400cc أو v6 3500cc (بصرف النظر عن مشاكلها فـ المواتير الكبيرة برا)..؟؟!!!

فنيا:
ده اسمه in-wheel multi-link, يعنى الـcontrol-arms بتبقى خارجة لبرا الـwheel-base وداخلة جوا العجل, عشان يوفر مساحة فـ الشنطة والخلف..؟؟!!! وده مكلف جدا الصراحة.. يعنى عفشتها متكلفة أوى بالمقارنة بالتيريوس.

هما 4-link لكل عجلة, طالعين من cross-member + stabilizer bar..!!
الـ4-link كالآتى:
- dual upper arms.. بيبقوا قصيرين.
- long lower trailing arms بيكونوا أطول سيكا..؟!!

الـsetup ده يا جماعة بيحقق 3 حاجات:
- بيخلى التحكم فـ زاوية الـcamber دقيق اثناء الملفات, ودا بيدى هاندلينج وثبات + ثبات فـ الـstraigh line على السرعات العالية.
- كمان بيقلل الـbody-roll أو بيزود الـroll-resistance + انه بيخلى الـride تبقى compliant سيكا, يعنى التخبيط والأهتزازات مع الطريق بتقل جااااااااامد جدو..؟؟!!

يعنى أنعم من التيريوس بمراحل, عشان تصميم العفشة الخلفية الـsophisticated دى..

بجد ما شاء الله عليك .. كل كلام ليك بدليل واضح جدا .. ومبني على كلام هندسي بحت .. نفسي افهم بتعرف الكلام ده كله منين !!!!!!!!!! .. الهم لا حسد يعني ..
الواحد لازم ياخد رأيك في أي عربية هيشتيرها
فعلا.. فوق كل زي علم عليم ..
احيك بشدة بجد ..
وبصراحة إنت نورت المقارنة ..
وعيزينك تلف لفة كده على قسم نيسان عايزين خبرات زيك كده .. برده عشان تشرب الشاي
اخوك أحمد ..