الموضوع: يا جماعه بالله عليكم

طيب مش تشفولنا واحده للواد الكل دماغى ده بقا والله انا شوفت بالظبط 32 عربيه مبين هوندا و كرستاله
مشنااااااااااااااااااااات وخصوصان الهوندا ناس مهمله جدا و العربيه ماشيه بس اهمال رهيب
مفيش واحده متربيه ينبكو فيا ثواب

المشاركة الأصلية كتبت بواسطة semsem kane

معاك حق ياحمد يامين فعلا بس خلى بالك ان المشكلة دية بتكون موجودة اكتر لو واحد بيخلى عيال هما اللى يشتغلوا فى العربية لكن لو واحد بيشتغل بإيدة بيطلع الشغل كويس ونظيف

اكيد مش هيبقى زى تقفيل المصنع الا فى حالة لو بيربط بمفتاح عزم

وفعلا الهوندا معقدة ميكانيكا

انا مرة وديتها لميكانيكى قولتلة عايز اغير سير الكاتينة والمفروض انة ميكانيكى شاطر وبيشتغل فى لانسر و تويوتا عادى جدا واول لما فتح الكابوت راح قافلة تانى وقالى مش فاهم اى حاجة هو لقى المحرك vtec وفيش وفلتر اسبور راح خايف بس انا احترمتة جدا لانة لو كان بهدل حاجة لو وقف على شعر رأسة مش هيعرف يعملها ( عرفتوا لية الناس بتخاف من هوندا ) لانها بتتعامل معاملة البى ام والمرسيدس فى التعقيد

واصلا كمان عفشتها كتييييييييير سواء فى الخلف او فى الامام وعايزة بردة واحد يكون فاهم كل حاجة بتعمل اية ودة مش هتلاقية غير اللى اتربوا فى الهوندا

الميكانيكي اللي قفل الكبوت ده غالبا جي من العصر الحجري عشان أنا دلوقتي بشوف ميكانيكية الشارع بيلعبوا في عربيات تفوق إمكانياتهم بسنين ضوئية (عربيات مش قادر أفهم إزاي صحابها يوصل بيهم البخل انهم يعملوا فيها حاجة عند ميكانيكي فارش في الشارع) فـا مظنش إن هوندا موديل 20 سنة فاتوا هيعتبروها معضلة, الا بقى لو المكنة ال sir فيها حاجات خزعبلية (هو موتور محترم جدا بس تحت أي ظرف مش هيبقى اعقد من ال سيتروين C4 ولا الفانتازيا ولا الفكترا ال 2008)

بالنسبة لموضوع السعر, ياريت تسمعوا عند 4:50 في الفيديو و تشوفوا الرجل بيقول كام

المشاركة الأصلية كتبت بواسطة unendlich

الميكانيكي اللي قفل الكبوت ده غالبا جي من العصر الحجري عشان أنا دلوقتي بشوف ميكانيكية الشارع بيلعبوا في عربيات تفوق إمكانياتهم بسنين ضوئية (عربيات مش قادر أفهم إزاي صحابها يوصل بيهم البخل انهم يعملوا فيها حاجة عند ميكانيكي فارش في الشارع) فـا مظنش إن هوندا موديل 20 سنة فاتوا هيعتبروها معضلة, الا بقى لو المكنة ال sir فيها حاجات خزعبلية (هو موتور محترم جدا بس تحت أي ظرف مش هيبقى اعقد من ال سيتروين c4 ولا الفانتازيا ولا الفكترا ال 2008)

بالنسبة لموضوع السعر, ياريت تسمعوا عند 4:50 في الفيديو و تشوفوا الرجل بيقول كام

بصراحه فى نقطه فتح الكبوت و قفلو دى
انا استغربت منها
انا شوفت مبكانيكى فى الشارع و ربنا فاكك بلوكه ميجان مش هوندا و اسمو زرزور و مبيعرفش يقرا بس عفريت
فا لو فتح ال اهوندا اكيد هيشتغل فيها يعنى
بس هو فين الفيديو ده يا باشا

المشاركة الأصلية كتبت بواسطة mohammedabdallh

ياعم كبر دماغك وتعالى خد بتاعتى
وانا تحت امرك
ومفيش حاجه تغلى عليك

ربنا يخليك دحنا نزودهالك يا كبير

المشاركة الأصلية كتبت بواسطة minicooper20

بصراحه فى نقطه فتح الكبوت و قفلو دى
انا استغربت منها
انا شوفت مبكانيكى فى الشارع و ربنا فاكك بلوكه ميجان مش هوندا و اسمو زرزور و مبيعرفش يقرا بس عفريت
فا لو فتح ال اهوندا اكيد هيشتغل فيها يعنى
بس هو فين الفيديو ده يا باشا

ما هو ده اللي أنا بقوله إن القسم هنا فيه سنة مبالغة زيادة عن اللزوم
أنا مش هنسى إن كان مرة واحد داخل يكتب انه كان بيشد مع فيرارري والناس كانت مهيصاله و تقوله ان هو ده اللي الهوندا عودتنا عليه دايما !!!
عامة الفيديو هو اللي الأستاذ سمسم حاطه
MW 1992: Honda Civic Road Test - YouTube

الرجل بيقول سعرها 10555 دولار يصل إلى 13575 والهاتشبك من 8000 تصل إلى 10000
لو الدولار ساعتها كان بـ 10-11 جنيه, ممكن اصدق انها كانت بـ 144 ألف جنيه