الموضوع: صرخـــــــة مواطن مصري ؟؟ أرفعو الجمارك

تكهين و الغاء الجمارك + العمل عالبنية التحتية

واللهي مش عارف اقولكم أيه ياشباب ... انا بصراحة عازر البلد وعازر الحكومة ... وعمال بدعيلهم وبقول الله يكون في عونهم بيشتغلو في ظروف صعبة ومنيلة بنيلة ... وانا لو كنت مكانهم مش هعرف أعمل أي حاجة لأن المناخ ما يساعدش ... وغير كده وكده انا مليش في السياسة ولا بحبها ولا بطقها ومش هقول زي كل المصرين احنا قمنا بالثورة ، لأن عمري مانزلت حاضرت مظاهرة ولا أعتصام الحاجة الوحيدة الي قمت بيها في حياتي اني نزلت وقفت مع اللجان الشعبية تحت بيتنا ... والي تقول عليها الحكومة انا بسمع كلامها من سوكات ... صحيح اني بقول في سري أستغفر الله العظيم وحسبي الله ونعم الوكيل فيهم بس واللهي في سري ... بس كمان يعني واللهي العظيم حرام لمن النهرده أفتح الاهرام محلق العربيات ويقولوك أصل شركة نصر الفاشلة هتندمج مع الشركة الهندسية سنة 2014 علشان يعملو عربية مصرية . ياحبيبييييييييي ... يعني الاعلان صريح وواضح الجمارك هتفضل هيا هيا علشان نحمي الصناعة المحلية الي لسه هتتعمل سنة 2014 علينا وعليكم خير أنشاء الله . والظريف في الامر الي قرأء جورنال الاهرام هيلاقي جمب الخبر ده خبر تاني بيقولك شركة تويوتا اليبانية أنتجت عربية تلقي عليك التحية في الصباح وتغير لون السيارة بلون ملابسك ههههههههههههههههههههههههه ه .
والعربية بتغير لونها كل يوم ده غير بصمت الصوت والبلتوث والام بي ثري وأحنا لسه بنفكر ننتج عربية سنة 2014 لا ننتج أيه ده لسه الشركتين هيندمجو في 2014 والله اعلم عقبال مايفكرو يصنعوو هتبقى 2016 ... ياحبيبييييييييييييييي ... ده أيه الحلاوة دي ... عظيمة يامصر يأم النعممممممممممم ... ياعم الحج أنتا وهو ماتسيبكم بأه من فكرة العربية المصرية وتخلونا في الزراعة والسياحة ...مالنا أحنا ومال الصناعة وبقينا زي الغراب الي حب يعمل نفسو طاوس ويرقص على السلالم لا بقى غراب ولا بقى طاوس وبقى مش عارف ينزل ولا يطلع من على السلم ... والي مش عارف ان مصر دولة زراعية لاتزرع والناس أبناء المزارعين والفلحين أتمدنو والي مش عارف يسئل ولدو هيقولك القاهرة دي كلها من اولها لأخرها اراضي زراعية وترع بس الناس الي بنت عليها وموتنا الزراعة .ودفنا المزارع .

فمن باب أولى بدل ما لسه هنصنع عربية وندخل في مجال احنا ملناش فيه غير التقفيل وياريتنا بنعرف نقفل صح هههههههههههه
منتلهي بالحاجة الي بنفهم فيها ونطورها ونحسنها ونبتدي نصدر للعالم كلو منتجاتنا الزراعية والي فاكر ان الزراعة عبارة عن أوطة ومنجا وشوية يوستفندي يبقى غلطان ده الزراعة دي بحر وبتدخل فيها الثروة الحيوانية . مش لسه هنستنا لسنة 2014 لمن يتلم المتعوس على خايب الرجا علشان نعمل حاجه هتنزل وياعالم هتنجح ولا تفشل .

لكن من وجهة نظري المحدودة ... انو كان هيبقى قرار جميل جداً لو جه مسؤول قلك احنا هنرفع الجمارك بشرط ترفع فقط على السيارات التي لها مصانع في مصر ، وهتلالالالاقي شركات العالم كلوو بتجري علشان تبني مصانع في مصر وتشغل ولاد البلد في سبيل ان مصر تشغل ولاد بلادها وسعتها مش هتفرق معانا حتت التقفيل دي المهم عربية ممتازة وجديدة وعصرية وعملية وفيها تكنولوجيا عاليه وبسعر ممتاز وماركة عالمية ... مش لسه هنفتي ونألف عربيات ... وهو جنوب أفرقيا أحسن منينا في أيه عقلهم احسن من عقلنا ولا ربنا خلقنا بودانين وخلقهم بأربع ودان .

ونعمل أستثمار بجد مش كده وكده ... والي جرب يروح هيئة الاستثمار ويتردد عليها مش هيقول غير كلمة وحدة حسبي الله ونعم الوكيل ... بياخدو من الاجانب ملليم ويطلعو عين أبوهم وعين الي خلفوهم ... وتلاقي مبنى فخم وضخم ومليووووون شباك وبين الشباك والشباك لازم المستثمر الاجنبي ياخود موافقه امنيه بتقوعد 45 يوم وعلى جت ومجتش يعني علشان يبدء يعمل مشروع لزملو سنة علشان يطلع سجل تجاري وموافقات وغيرو وغيرو ... ده غير بقة رخصة النشاط كمان توقع سنة لحد مايطلعها ... دي غير أن علشان مفيش شفافية في المعلومات فيبقى أستحالة عمل دراسة جدوى بسبب ان السوق كل يوم بسعر وملهوش ضوابط ... وعلى مستوى التاجر البسيط يقولك مبديش اسعار في التيلفون هههههههههههه ... وتقولي استثمار سلامات يا أستثمار ..

المهم نرجع لموضوعنا ، موضوع الجمارك ...
لو قلنا ان الجمارك مش هتترفع ومش هتلغى ... طيب يرضي مين ياربي لمى المواطن المصري يبص حوليه ويلاقي العربيات مولعه ناااااااااار وكل يوم عن يوم بتغلى بدون سبب ... اللهم يقولك اصل ده يا باشا الشكل الجديد ههههههههههه يعني انتا يافندي مغليلي الشكل الجديد علشان تبيع الشكل القديم (الاستوك ) الي عندك بسرعه وتخلص بأه من الشكل القديم فالجديد ينزل بسعر خرافي بدل ما تخلص وتبيع الشكل القديم بسعر أرخص ... لأ ... العبقرية المصرية توصلت انهم يبيعو الشكل الجديد أغلى . وتصور ان عربية زي الكيا بيكانتو يوصل سعرها ل 73.500 جنيه لغاية 85000 جنيه الفل اوبشن ده غير لمن تاخودها قسط توصل معاك لغاية تسعين ألف و 100.000 جنيه كمان وزغرتي يأم أحمد ... في حين ان تمنها الاساسي الاساسي في السعودية 43.500 ريال ده وأيه على فكره السعودية فيها جمارك + ثمن نقلها من كوريا للسعودية + مكسب ودعايه الوكيل تعال نضرب الريال في جنيه ونص يطلع 51750 جنيه مصري .الفل فل أوبشن + بصمت صوت وبلتوث وجنوط وعتب وأتوماتيك .
قول ياسيدي 52 الف جنيه ... ده وانا بكلمكم عن عربية كتكوته مناسبة جداً للبنات والشباب موفرة جداً في البنزين ومنسابة ً جداً لزحمة شوارع مصر ... يبقى في مصر عندنا سعرها واصل المبالغ العالية دي ليه أنشاء الله ... ده على اساس ان المواطن المصري أغنى من السعودي .

ده حتى شوف الاوكتافيا الي جيه من الخليج شكلها ايه وجنوط وعتب واتوماتيك وفتحت سقف وحكايه حكايه وروايا وتلاقيها جيه متجمركة لحد مصر هنا وبعد الجمارك وكل ده أرخص من المصري الفاضية ب 30.000 جنية أن مكنش أكتر ، ينهر أزرق يعني معنى كده ان الوكيل في مصر بيكسب في العربية 30.000 جنيه ان مكنش أكتر ، أأأأأأأأأأأأأأأأأأه بيكسب فيها ويجيلك واحد فاشل ويقولك أصل العربية المصرية عليها ضمان بس الخليجي معلهاش ضمان ههههههههههه دي بجد نكته أدحكو لأن التوكيل في السعوديه بيديلك ضمان على العربية 3 سنين مش بس سنه ... وممكن يجيلك واحد تافه ويقولك الله طب مدام مش عجبك الحال و الجمارك في مصر ماتروح السعودية ... ياحبيبيييييييييي يعني اسيب بلدي واتغرب علشان عربية وكل ده لأن بطالب بأبسط حقوقي كمواطن مصري ... يعني كل واحد مش عجبو حاجه يسيب بلدوو ويهج ويسافر ده بدل ما نصلح من بلدنا ومن حال بلدنا ...

وأرجع أقول وأسئل ليه أدفع كتيرررررر في حاجه تسوى القليل ... انتو عارفين ياشباب النيو ألينترا الي عدت 160 ألف جنيه ولا مش عارف تمنها كام ... دخلت على موقع بشوف تمنها كام في السعودية لقيتها ب44 الف ريال في جنيه ونص طلعت ب66000 جنيه ودي نيو ألينترا ده أذا مجاش فيها جنوط وفتحت سقف كمان واتوماتيك مش منيول .

وأذا قلنا أن متوسط دخل الشب المصري الجامعي ... 1500 جنيه ل 2500 جنيه وفي كلى الحالتين في نسبة وتنساب بميزان مايل أن المصروفات أكتر من الايردات ... بسبب غلاء المعيشة طب ده أيمتى هيلحق يحوش ولا أيمتى هيلحق يشحت ويمد ايدو ولا ايمتى هيلحق يسرق علشان يقدر يشتري عربية بجماركها العالية ديا .