صرخـــــــة مواطن مصري ؟؟ أرفعو الجمارك

**shaddadfalcon1** · 07-01-2012 05:39 PM

انزل شوف مثلا شارع عباس العقاد اللي هو من اكتر الأماكن اللي بتبقي زحمه ومفيش مكان تمشي فيه غير لعربيه واحده
اخر مره مشيت فيه ببص لقيت الشارع ياخد 3 تلايلات جنب بعض لكن البشوات اللي حاطت حديده واللي حاطط بضاعه واللي مش عارف ايه وبعديها صف راكن عمودي وصف تاني راكن موازي يعني اكتر من 70% من الطريق مزحوم يبقي اكيد لازم يبقي زحمه

**me_medoo** · 07-01-2012 07:14 PM

تمام يعني احنا متفقين ان المشكلة في الزحمة هيا سولكيات مواطنين خاطئة وتقاعس رجل المرور ... مش كوترت عدد العربيات ولا الجمارك ... المرور هو سبب البلاوي لأن تسعين في المية من المصرين طلعو رخص ب 500 جنيه او بواسطة خالو ولا عمو ولا صحبو طلعهالو ... وبدون امتحان او تعليم او حتى تدريب او نصائح ... فالحل في رجل المرور والعسكري وتفعيل الغرامة المعقولة بسبب اخطاء مرورية مش سايبين البلد سبهللة كده حتى قبل الثورة ... وياسيدي مدام انا كده واقف واقف في الزحمة على الاقل خليني قاعد في عربيتي مرتاح وعربية مريحة ووسعة بفلوسي مش زكاة من الحكومة ولا صدقة ولا هتبقشش عليا ... لكن مينفعش تغلو علي العربيات وتخلوني ألجىء لعربيات تعبانة وديقة وقديمة .

وعلى فكرة ... العربيات الحديثة موفرة في البانزين عن العربيات القديمة وعلى فكرة كمان للي ميعرفش ... في العالم كلو مش بس مصر العربية شراء عربية جديدة ارخص من تصليحها ... والدليل على صدق كلامي العربيات الجديدة الي بتجلنا متقطعة في الحرفين ووكالة البلح وهيا عملة حدثة بسيطة ولسه بشوكها بمجرد ما اتخبطت تترمي العربية في الزبالة الي احنا طبعاً بنروح نشتري زبالتهم .. وهما يشترو ويركبو عربيات جديدة ... ومش احنا تلاقي العربية مش مخبوطة لا الشاسيه بتعا اتعوج ونروح نصلحها ونشدها زرجينة ههههههههههه ونرجع نسوقها عاادي جداً لا ونبعها كمان ويقولك اصل العربية كانت مقلوبة قبل كده واتصلحت وسعرها مغري رووح اشتريها دي لقطة هههههههه وسعر العربية وهيا مقلوبة وتصلحه تمنها في مصر هو هو تمن عربية جديدة بره مصر ، ويا حببتي يا مصـــــــــــــــــــــــ ــــــــــــــر يامصر .

**me_medoo** · 10-01-2012 12:48 PM

أمبارح كنت بتفرج على قناة أسمها ناشونال جوغرفي
وكان البرنامج اسمو مصانع عملاقة ، وبيوريك مصنع خوردة في امريكا وأزاي المصنع بياخود العربيات ويحللها ويهرسها وان في مواد الحديد الصلب ومواد الالمونيوم والنحاس والفيبر .... ألخ

وقد ايه المصنع ده بيطلع خمسين مليار دولار سنوياً دخل للدولة من ساحة الخوردة دي ..

طب ماحأحنا لوعندنا مصنع زي دهو هنطلع اكتر منو ... لأن تعتبر مصر كلها خوردة ...

الي غاظني وقهرني والي كان هيشليني قال ايه وحده مودية عربيتها الفورد الجديدة بتاعتها علشان تتهرس لأن العربية اتخبطت من قدام في الرفرف والفانوس فقالت لسه هصلح يالله ارمي ياجدع ارمي وهات جديد . لأن مهما صلحت مش هترجع الحاجة زي ماكانت .

وفي نظام جميل قوي في دول بره زي رومانيا مثلاً ، لو عندك عربية مرسيدس قديمة بتخلع النمر من عليها وتوديها لبتاع الروبابكية وتبعت تجيب مرسيدس من بره جديدة وتعلق عليها نفس النمر شرط انها تكون من نفس الماركة الي كانت عندك ومعفية من الجمارك .

والي مافجئنيش ان الصين بعته كم سمسار من يالي عندها علشان يشتري الخردة دي علشان يعيد تصنيعها وبيموتو بعض عليها .

طب احنا ليه منبعتش كم سمسار من عندنا والعربية الكويسة والممتازة نجبها بلدنا طالما هي لسه جديدة بس فيها خبطة بسيطة ممكن تصليحها ... ونبعت بدل العربية الحديثة والجديدة دي المخبوطة عربية لادا ولا 128 قديمة تنفرم بدلها وبكده نكون جددنا اسطول العربيات الهلكانه في بلدنا بعربيات حديثة وماتكلفش المواطن غير اجرة الشحن والتوريد ...

نفس فكرة الشاشات المستعملة الاستيراد بتاعت الكمبيوتر .
هما عالم اغنية وكل اربع سنين بيرمو شاشتهم وكمبيوترتهم النوفي المتحافظ عليها ، واحنا هنا بنشتريها ... في ميت طريقة وطريقة اننا نجدد أسطول عربيتنا الهلكانه وبأقل التكاليف بس مين يشغل الجمجمة

**saadelden** · 10-01-2012 06:10 PM

حيتان التوكيلات مش هايسمحو بكدا و اكيد هايضغطو علي الحكومه لو تم حاجه زي كدا !

لازم يكون فيه حكومه قويه تمشي كلمتها بالقانون و القوه
تجار اللحمه مثلا ممكن يخلو سعر اللحمه في يوم و ليله 15 جنيه و فيوم و ليله 150 جنيه
ولكن الطمع شغال و محدش قادر يفتح بقه معاهم

دا لو فكرو يجيبو عجول من جنوب افريقيا و استراليا هايجيبوها ببلاش تقريبا
+ تربيه العجول البلدي

فيه حاجه مش سليمه و محتاجه تتوضح
و المفروض مجلس الشعب الي انتخبناه نشوف له تأثير واضح في كشف الفساد الي ف البلد و القضاء عليه

**me_medoo** · 25-01-2012 05:12 PM

فعلاً لازم الحكومة تحط حد لجشع التجار ... وتعمل على ضبط سعر السوق ... لأن مينفعش المواطن المصري يعيش حياتو وهو حاسس نفسو كده فقير ... لأن ده في النهاية بيأدي لأنفجار الشعب ... زي الثورة الي قامت دي .

لازم المواطن يحس ويشعر برافهية ، وعلى الاقل يقدر يبوس أيدو وش وظهر ... ويقول الحمدالله ... بس يكون عندو حاجة محترمة يقدر يبوس ايدو عليها هههههههههههههههه ... مش على سندويتش الفول الي بياكولوا ولا حتت العربية البولنيز ولا السيستافة الي راكبها هيبوس ايدو عليها . ولا ايه ياشباب ....

**HeMa_LanCeR** · 25-01-2012 10:42 PM

والله انا موافق ياخدو جمارك
بس يصلحوا الشوارع الأووووووووول
يتظمو المرور بالفلوس دي الأول
يعني انا لما اجيب حته فيراري كده
اطلع بيها كوبري اكتوبر ازاي :))))

**me_medoo** · 25-01-2012 11:19 PM

ههههههههههههههههههههههههه

ياسيدي هات الفراري وكفاية توقفها قدام البيت كده ... وبعدين الي هيخليكي تمشي بعربية أوبترا طيب ما بتمنها تركب بي أم الفئة الثالثة ولا مارسيدس c كلاس الجديدة

**Kareem.ElAraby** · 25-01-2012 11:51 PM

المشاركة الأصلية كتبت بواسطة ecybrarian

على الاقل يرفعوا الجمارك عن تكنولوجيات الامان..زي abs وairbags والزينون الفابريقة وكدا..يخللوا الحاجات دي استندارد..ويخلو الكماليات فرش جلد، فتحة سقف، ستائر، زجاج غامق..وكدا

و لييه أصلااا تبقي ده كماليات !
ما تنزل كل حاجه فابريقه من المصنع !

**Kareem.ElAraby** · 25-01-2012 11:55 PM

المشاركة الأصلية كتبت بواسطة mohabzengar

بستغرب قوي من الناس اللي بتقول مش عايزين يخفضوا الجمارك علشان الناس كلها ماتركبش عربيات طب أنا و أنت معانا فلوس و قدرنا نجيب عربيات غيرك اللي بيتبهدل في المواصلات و ما أدراك المواصلات شكلها أية و يطلع عينه كل يوم و هدومة تتبهدل و الحر و البرد و الهوا و التأخير مالوش نفس إنه يركب زيك يعني و لا أية و اللي معاه عربية موديل الثمانينات و لا السبعينات اللي كل شوية العربية قارفاه عند الميكانيكي و كل شوية تعطل منه و حالتها زفت مالوش نفس إنه يركب حاجة نضيفة زي حضرتك و بسعر معقول يا ريت الناس ماتفكرش في نفسها بس و تفكر في غيرها و بلاش النظرة اللي من فوق بس دي اللي خايف قوي من الزحمة و خايف علي البلد ينزل هو يركب مواصلات الأول و بعدين يتكلم بدل ما يحرم الناس من حقها إنها يكون عندها وسيلة مواصلات كريمة خاصة بيها

دا غير إن الجمارك دي حرام شرعا و إسمها في الدين المكوس و اللي مش مصدق يقدر يدور في الموضوع و هو يعرف

+1+1+1

**Kareem.ElAraby** · 26-01-2012 12:00 AM

المشاركة الأصلية كتبت بواسطة a_taamer

المعادلة فى وجهى نظرى

رفع تدريجى للجمارك حتى النقطة صفر
رفع الدعم عن البنزين تدريجى حتى النقطه صفر

البدء بمجموعة من الحوافز لساكنى المدن الجديدة
المدن الجدية لن تعمر الا بوجود سيارات قويه لقطع مسافات كبيرة

طب الاول البنزين يبقي فعلاا 90 و 92 و مش مغشوش و مش نصه مياه !

الموضوع: صرخـــــــة مواطن مصري ؟؟ أرفعو الجمارك

LinkBack

أدوات الموضوع

عرض

-

-

-

-

-

-

-

المواضيع المتشابهه

عاجل للاهميه انا مواطن مصري

حوار مع مواطن مصري أصيل (بلال فضل)

::: دعاء مواطن مصري مطحون :::

فضفضه مع مواطن مصري

الكلمات الدلالية لهذا الموضوع

المفضلات

المفضلات

ضوابط المشاركة