الموضوع: الشكوى ليك يارب ؟ معاكسات التيلفون

بس الغريب يا شباب ... ان صحيح حسبي الله ونعم الوكيل وهو حسبي ، وكمان ونعم بالله ... لكن انا مازلت بسئل نفسي سئال ... ليه مفيش جهاز يحمي حقوق المستخدم وليس المستهلك ... وقصدي الناس الي بتستخدم خدمة معينة كالانترنيت والتيلفون الارضي او المحمول أو أي خدمات أخرى ... يعني الدولة المصرية كتر خيرها عملت الجهاز القومي لتنظيم الاتصالات واختصارو 155 ... بس الجهازة ده ملهوش علاقه بالمعاكسات خالص او المضايقات .

فليه ميكونش فيه جهاز لحماية المواطنين المصرين من المستهترين ... والناس كده تحس وتشعر ان حقوقها ، الدولة بتدافع عنها وبتحميك كمواطن مصري عايش في أرضها أو خارج أرضها ، أأأأأأأأأأأأأألله طيب ما أحنا وجميع من في هذه البلد نعتبر من دافعي الضرائب .

والي فاكر ان الضارئب هيا 10% بس يكون غلطان ، لأن قبل ما تشتري حضرتك اي سلعه أو أي خدمة في قبل على الاقل على الاقل عشرين واحد أشتراها والي أستوردها وألي جمعها وألي صنعها وألي غلفها وفي تاجر الجملة والموزع على تاجر التجزءة لحد ما توصل سعتك لغاية عندك وتشتريها وفي كل مرحلة من المراحل السابقة ... عليها 10% ضريبة مبيعات تراكمية ... زي الفائدة المركبة بتاعت البنوك كده .

وبندفع ومعندناش أي مشكلة أننا ندفع وبنقول يا حبيبتي يا مصررررر
بس مصر كمان مش المفروض انها تتاجهل حقوق أبنائها .

بل بالعكس ... العدل أساس الملك ... والي عاوز يحكم البلد دي صح صح وعلشان الناس تحبو وتشيلو فوق راسها ، لازم يحسس الناس دي انهم مواطنين صحاب البلد دي وصحاب حق ... وان ليهم حقوق والدولة بتحافظ لهم على حقوقهم تالت ومتلت .

مش أرفع قضية وأقعد أعيش بقيت عمري في المحاكم رايح جي على المحكمة وكل مره اتأجلة القضية لشهر شهرين ولا عشرين شهر وبعد عشررررررررررررين سنة لمن تيجي الدولة تقولي أأأأأأأأأأأأأأأه واللهي العظيم تصدق انتا على حق يالله النطق بالحكم بعد عشرين أطناشر يعني كمان بعد شهرين وبعد ما اخود الحكم هههههههههههههه شوف مين هينفذووو .هههههههههههه

دي مسخرة بمعنى الكلمة ...

وحتى فيلم ألمبي 8 جيجا ... وهو في المحكمة على قضية البنت الي قالت أنو فلان أغتصبني راح قال أيه جاب سجل المكلمات .. وأثبت برأت المتهم ... لكن ده خيال علمي ومن سابع المستحيلات . أنك تجيب سجل مكالمات لأي أنسان حتى لو أعتدى عليك ، ليه لأن في فالبلد سبهله ولازم على الاقل على الاقل يكون في جهاز لحماية حقوق المستخدم ... وساعتها أي مواطن فاسد هيخاف وأي مواطن يعد للعشرة ولا للمليون قبل ما يغلط او يفكر حتى يغلط في حد أو يسيئ لحد او يرتشي او ينصب على حد لأن البلد هيكون فيها قانون بجد وحق وحقيقي مش مجرد كلام . ولا ايه رأيكم يا شباب ... وشكراً لمشاركتكم وأراكم الفعاله ..

ماهو أن المشكلة ... أن الرسائل مهمة ، يعني في ناس كتير لمن تحصلهم حالت وفاة لا قدر الله فبيكتبو أن فلان توفى ويعمل سند أوووول . أو مرات واحد عاوز يبعتلك أرقام أو يبعتلك أيميلو أو بطاقة أعمال ... ومش كل الناس عندها بلاك بيري .

لذلك هيا فكرة حلوة تغير رقم مركز الاتصالات بتاعت الرسائل ... بس بكده نكون عملنا زي البلد الي فيها حفرة والناس كل يوم يوقع فيها واحد فبدل ما يصلحو الحفرة ويردموها راحو بنو جمبيها مستشفى ... وهي دي سياسة بلدنا .

بدل ما يحسنو الاكل ويزيلو المواد الكميائية و التلوث الي في البيئة ، لأ ... الدولة كتر خيرها كترت المستشفيات والعيادات ههههههههههههههههههههههههه هههههه

حسبي الله ونعم الوكيل ودا حسابه عسير عند ربنا

حضرتك فعلاً ممكن كنت تجيب رقم تجاري بيبقى كذا خط زي 19190 او اي ارقام مجانيه مثلاً بتبدأ 0800 وهكذا
كان هيكلفك 2000 - 3000 جنيه تقريباً ربنا يعوضك عليك ويعينك يارب

بالنسبه للموبايل كان كل ما يتصل من رقم تعمله حظر رسايل ومكالمات واقل موبايل اندرويد فيه النقطه دي وهو يعني مش هيروح يشتري كل يومين خطين تلاته

ربنا يعينك ويعوضك ويجعله في ميزان حسناتك يارب وينتقهم منه اللي عمل معاك كدا امين يارب

بالنسبه للإتصالات المصريه والمنظومة بتاعتهم فهما غير محترمين ومحتكرين كفايه النت في بعض المدن او المراكز تي داتا هي المحتكر الوحيد للأنترنت عندي في البلد الانرتنت لما بنزل مشترك 512 لوحدي السرعه 10 كيلو اكتر من خمسين مرا مقدم شكوى اكتر من 3000 شخص في هذه الميدنه مقدمين شكوى بقالهم سنتين تدفع اشتراكك والسرعه زفت والرد منهم ان الفايبر الضوئي عاوز يتغيتر بـ 8 مليون جنيه تخيل الفايبر دا معدي على اكتر من 14 قريه ومدينة كبيره طيب ما انتو عندكوا لاف الخطوط اللي تجيب الـ 8 مليون دي في شهر
بس طالما فيه احتكار وضامن انك غصب عنك مشترك مفيش مشاكل عادي لازم هيخسر نفسه 8 مليون ليه ؟؟
حسبي الله ونعم الوكيل

كان لازم من الاول تروح النيابه وهى اللى هتبعت لشركة الاتصالات وهترد عليها فى ظرف اسبوعين والنيابه لو رات جدية وتكرار لنفس الرقم او اكتر من رقم بتحولها للمحكمه وبتنزل جلسه ويستدعى مالك الخط المعاكس وفى الاخر غرامه فى حدود 500 ج
لكن من حقك بعد ادانته طلب تعويض للضرر