انا في مشكله ومحتاج رأيكم

**X_MM_X** · 04-01-2012 05:25 AM

المشاركة الأصلية كتبت بواسطة أحمد كمال

المؤخر واجب شرعي يا باشا :)

هشوف وربنا يسهل وشكرا لتعبك ياباشا

المشاركة الأصلية كتبت بواسطة a7med_pharma

خلاصة الكلام

تعمل زي إلي قبلك ماعمل
يعني شوف نظام الإتفاق عندكم إزاي...وتتفق زيه
وده هو الأسلم علشان محدش ييجي على التاني..وتتفقوا على كل حاجة قبل أي رابط
يعني لو هي هتشتغل أو لا ؟
هتسافر معاك ولا لأ ؟
وكل شئ يكون واضح من الأول علشان أبوها مايحشرش نفسه في تفاصيل حياتك مع مراتك بعد كده
والأحسن
فكك وخليك فررررررررررررررري
إنت مش عندك عربية ؟؟ خلاص فكك من قطار الجواز

ما المشكله هنا في بورسعيد ناس بتعمل وناس لا واحنا من الناس اللي للا وهما من الناس اللي اه - حد فاهم حاجه :)

وانا اذا كنت عايش هنا كنت هقول كلامك - بلا وجع قلب - بس للاسف الغربه تيييت بتمشي تكلم نفسك

المشاركة الأصلية كتبت بواسطة shaddadfalcon1

القايمه بيتكتب فيها اللي هي جابته وحايز بيختلف من مكان للتاني
ا

انا عن نفسي معرفش القايمه مكتوب فيها ايه ومضيت وخلاص ومعرفش حتي الان الموخر كام ولا اي حاجه من الحاجات دي لان ابويا وعمي راحو اتفقو وقالولي اخرك كام في المهر قلتلهم كذا راحو وجم ولقيتهم مذودين في المهر 3 الاف بس قلت مش مشكله
وبعد كده لقيت اخت خطيبتي بيقولوي ان في هديه بتيجي مع الشبكه للعروسه قلتيها دي مكنتش في الأتفاق اللي الرجاله اتفقو عليه والهديه مش بنتطلب وقمت عامل معاهم احلي مشكله والناس بقت تتحايل وقالو خلاص مفيش مشكله احنا اسفين وعدي الموضوع علي كده

الخلاصه اني مدخلتش نفسي في اي حاجه وابويا وعمي هما اللي خلصو كل حاجه

احلي حاجه ان عمي لما يبقي خلاص جاب اخره في موضوع تلاقيه كل شويه يقول هه ويخبط ايده علي ركبته عشان يمشي وابويا بيقولي انه طبعا عمال يفاصل معاهم لما هراهم وكل شويه يقول هه اقوم قايل في سري ربنا يستر وميقومش

ربنا يباركلك ياباشا في اولادك هيه المشكله ان عندنا مفيش اصول ثابته

**Ahmed Eldreny** · 04-01-2012 08:50 AM

القايمة بيتكتب فيها كل العفش لو انت جبت النص وهما النص وانا عملت كده
بالنسبه للمؤخر بالاتفاق مفيش فيها ثوابت يعني شوف من ناحيتكم اقرب حد اتجوز ومن ناحيتهم

ومتفتكرش ان ده تخوين الناس متعرفكش كويس وكده فبيامنوا بنتهم وزي مانت بتقول تخوين هما كمان هيقولوا (وهو هيفرق معاه ايه هو ناوي يطلق؟؟) فمبتتحسبش كده

ثالثا وده الاهم لازم تبقي انت اللي في الصورة والكلمة كلمتك انت مينفعش تقول اخد راي حد او هخلي حد يتفق مكاني علشان محدش يخاف بعد كده ان حد ياثر عليك لو حصل اي مشكله وكمان محدش هيخاف علي مصلحتك قدك ... وبرده متقولش علي كل حاجه حاضر لازم يبقي ليك موقف وتحكم عقلك ومتتنازلش كتير علشان متتركبش.

وبعدين جواز ايه بس ياراجل صدقني انت كده زي الفل حد يرمي نفسه في النار برجليه

بالتوفيق ياباشا

**A.Saad** · 04-01-2012 09:07 AM

القايمة يتكتب فيها كل حاجة ده كان زمان
بس خلاص بح
القايمة معناها ايه الاول يا مستر اكس
وصل امانة عليك بانك استلمت المنقولات دى من الزوجة كامانة وشايلها بالصفة دى
حصل طلاق
يبقى انت مطالب ترجع المنقولات اللى فيها بحالتها للزوجة
لو مرجعتش
يبقى انت كانك كتبت وصل امانة ومش هتدفعه
جنحة تبديد
حبس
وكمان بعد الخلع
هيا بتديك اللى انت جبته
وتاخد اللى جابته
لو كاتب عفشك وعفشها فى القايمة
يبقى انت مجبتش حاجة وهيا هتاخد كل ده ليها
اللى يكتب اللى هيا جابته
شبكة متكتبش فى القايمة
اللى يقول غير كدة
تفهم الكلام اللى فوق
تحفظه
يقولك تأمين مستقبل
اقوله العفش والموبيليا مش هتأمن حياة بنتك
الاخلاق والتربية هيا اللى تعمل كدة
وبعدين تتفق على كل حاجة
فرح بكام وفين
عليك لوحدك ولا بالنص
الخطوبة وكتب الكتاب نفس الوضع
المؤخر والمهر
الاود فى رنج كام الاودة اللى عليك واللى عليهم
متجبش انت اودة ب 25 وهما لو جابوا نفس الاودة يجيبوا من اللى ب 10
الافضل
شبكتك مع كتب الكتاب
غير كدة دبلة وحاجة جنبها
وبس

**احمد المصرى** · 04-01-2012 10:37 AM

انت بتقول ان الاتفاق كان بالنص يعنى نص العفش عليك والنص عليهم يا اما فلوس يعنى هتروحو تشتروا كل حاجه وكل واحد يدفع نص القيمه

يا اما كل واحد ياخد نص الحجرات يعنى مثلا انت تاخد حجره النوم والانتريه وهما السفره والصالون دا مثلا وفى الحالتين مش فارقه كتير خالص

وفى الحالتين دول مفيش مهر بيدفع والقايمه بيكون مكتوب فيها كل حاجه فى الشقه بعد لما تتفرش يعنى كل الخشب والاجهزه والفرش ماعدا حاجات المطبخ ال بتستهلك باستمرار معالق وشوك وخلافه

المؤخر دا بيكون مبلغ لازم يتم الاتفاق عليه من الاول علشان مش يحصل اى مشكله بعد كدا ودا بيختلف حسب طيبعه المكان والمستوى الاجتماعى فى ناس بتكتب 5000 وفى ناس بتقول 50 الف بس ال بسمعه على طول 15 او 20 الف ودا بيختلف من مكان لمكان ومن منطقه لمنطقه ومن عائله لعائله

معلش نقطه نسيتها فى بعض العائلات بتبالغ فى القايمه بمعنى بتكون حجره الصالون مثلا ب 5000 جنيه يقولك لا هنكتبها ب 20 الف علشان يغلى قيمه القايمه وفى ناس تانيه بتقولك هنحط الدهب فى القايمه جرامات ودى طبعا مصيبه علشان كل يوم الدهب بيغلى وبالتالى قيمه الدهب ال انت كاتبه بيغلى

اخيرا قبل ما تجيب اى حاجه لازم تحط النقط فوق الحروف علشان يكون كل حاجه على نور قبل ما تصرف فلوس وفى الاخر يحصل خلاف لا قدر الله

**max_ziro** · 04-01-2012 12:55 PM

لازم تحدد النقاط من اول الموضوع بس متخسرش بنت كويسة عشان مديات بسيطة

**phantom0xx0** · 05-01-2012 03:42 AM

المهر جزء من الصداق ، المهر جزء منه عاجل .... المقدم ، و جزء منه أجل..... المؤخر ، فالمؤخر دة أصلاً جزء من المهر يعتبر دين واجب دفعه لما يكون فيه إستطاعة أو في حاله الأجلين ..الطلاق و الموت

و الله أعلم

أنا متجوز من 13 سنة ، أصلاً موضوع القائمه ده محدش اتكلم فيه خالص علشان بصراحة لا أنا ولا عائله مراتي مقتنعين به ، كمان أنا إلي حددت المهر مع حماي علشان أنا عرف إنه دين علي و الحمد لله أول لما ربنا فرج الأمور ،، دفعت لمراتي المؤخر بتاع المهر